ఐడివి క్యాలుక్యులేటర్

ఐడివి ఫుల్​ ఫామ్​ ఏమిటి?

ఇన్సూరెన్స్​లో అర్థం చేసుకోవడానికి కష్టంగా ఉండే పదాలు ఉంటాయని మనకు తెలుసు. కానీ, వాటిని తెలుసుకోవడం చాలా ముఖ్యం. అలాంటి ఒక ముఖ్యమైన పదమే . ఐడివి అనేది ‘ఇన్సూర్డ్ డిక్లేర్డ్ వ్యాల్యూ’ను  సూచిస్తుంది,

కార్ ఇన్సూరెన్స్‌లో ఐడివి అంటే ఏమిటి?

కార్ ఇన్సూరెన్స్‌లో ఐడివి ని అర్ధం చేసుకోవడం అంత కష్టమైన విషయమేమి కాదు కానీ, ఇది మీ కారు యొక్క మార్కెట్ విలువను సూచిస్తుంది. మరో మాటలో చెప్పాలంటే, ఇది మీ కారుకు ఈరోజు మార్కెట్​లో పొందగలిగే అమౌంట్​.

క్లెయిమ్ చెల్లింపుల సమయంలో మీ క్లెయిమ్ అమౌంట్​ను సరిగ్గా గుర్తించడంలో కార్​ ఇన్సూరెన్స్​లోని ఈ ఐడివి మీ ఇన్సూరెన్స్​ కంపెనీకి సహాయపడుతుంది. అదనంగా, ఇది మీ కార్​ ఇన్సూరెన్స్​ కోసం సరైన ప్రీమియం ధరను నిర్ణయించడంలో కూడా మాకు సహాయపడుతుంది.

ఐడివి ఎందుకు ముఖ్యం?

ఇన్సూర్డ్​ డిక్లేర్డ్​ వ్యాల్యూ అనేది మీ ప్రియమైన కార్​ ఇన్సూరెన్స్​ విషయంలో ఒక ముఖ్యమైన అంశం. మీ ఐడివి మీ వాహనం యొక్క ప్రీమియంను నిర్ణయిస్తుంది. ఐడివికి, మీ ప్రీమియంకు మధ్య డైరెక్ట్​ లింక్ ఉంది. 

ఐడివి ఎక్కువగా ఉంటే, చెల్లించాల్సిన ప్రీమియం కూడా ఎక్కువగా ఉంటుంది. అలా అని, మీ వాహనం ఐడివిని తక్కువ చేసి చెప్పకండి. ఎందుకంటే, మీ వాహనం డ్యామేజ్ అయినట్లయితే, మీకే నష్టం అవుతుంది.

ఇన్సూర్డ్​ డిక్లేర్డ్​ వ్యాల్యూ, మీ కారు ఇన్సూరెన్స్​ ప్రీమియం కలిసి మెలిసి ఉంటాయి. అంటే, మీ ఐడివి ఎంత ఎక్కువగా ఉంటే, మీ కారు ఇన్సూరెన్స్​ ప్రీమియం అంత ఎక్కువగా ఉంటుంది - అలాగే, మీ వాహనం వయస్సు, ఐడివి తగ్గుతున్న కొద్దీ, మీ ప్రీమియం కూడా తగ్గుతుంది.

అలాగే, మీరు మీ కారును అమ్మాలని నిర్ణయించుకున్నప్పుడు, ఎక్కువ ఐడివి ఉంటే దానికి మీరు ఎక్కువ ధరను పొందుతారు. కారును ఉపయోగించిన విధానం, కారుకు సంబంధించిన గతంలోని ఇన్సూరెన్స్​ క్లెయిమ్‌ల ఎక్స్​పీరియెన్స్​ మొదలైన ఇతర అంశాల వల్ల కూడా ధర ప్రభావితం కావచ్చు.

కాబట్టి, మీరు మీ కారు కోసం సరైన కార్ ఇన్సూరెన్స్ పాలసీని ఎంచుకుంటున్నప్పుడు, ప్రీమియంను మాత్రమే కాకుండా అందించబడుతున్న ఐడివి ని కూడా సరి చూసుకోండి.

తక్కువ ప్రీమియం అందించే కంపెనీ మిమ్మల్ని ఆకర్షించవచ్చు. కానీ దానికి కారణం ఆ ఆఫర్‌లో ఐడివి తక్కువగా ఉండటమే. ఐడివి ఎక్కువగా ఉంటే మీ కారును మొత్తంగా నష్టపోయిన సందర్భంలో అధిక కంపెన్సేషన్​ పొందవచ్చు.

ఐడివి ని తగ్గించడం/పెంచడం వల్ల కలిగే ప్రయోజనాలు?

ఎక్కువ ఐడివి: ఎక్కువ ఐడివి అంటే ఎక్కువ ప్రీమియం. అయితే, మీరు ఇన్సూర్​ చేసుకున్న కారును పోగొట్టుకున్నప్పుడు లేదా కారు దొంగిలించబడినప్పుడు మీరు పరిహారం కూడా ఎక్కువగానే పొందుతారు.

తక్కువ ఐడివి: తక్కువ ఐడివి అంటే తక్కువ ప్రీమియం. అయితే, ప్రీమియంపై మీరు చేసే ఈ కొద్దిపాటి సేవింగ్​, మీరు ఇన్సూర్​ చేసుకున్న కారును పోగొట్టుకున్నప్పుడో లేదా కారు దొంగిలించబడినప్పుడో మీకు పెద్ద నష్టంగా మారవచ్చు.

కార్ ఇన్సూరెన్స్‌లో ఐడివి యొక్క ప్రాముఖ్యత

• మీ ఐడివి అనేది మీ కారు మార్కెట్ విలువ. కాబట్టి ఇది మీ కారు ఇన్సూరెన్స్​ ప్రీమియంపై నేరుగా ప్రభావం చూపుతుంది.

• మీ కారు ఐడివి దాని ప్రమాద స్థాయిని కూడా నిర్ణయిస్తుంది. మీ కారు ఐడివి ఎంత ఎక్కువగా ఉంటే, దాని రిస్క్ అంత ఎక్కువ. అందుకే దీనికి అధిక ప్రీమియం డిమాండ్ ఉంటుంది.

• క్లెయిమ్‌ల సమయంలో, మీ కారు విలువ ఆధారంగా పరిహారాలు చెల్లించబడతాయి. రిపేర్​ లేదా రీప్లేస్​మెంట్​ ఖర్చులు కూడా దీని ఆధారంగానే ఉంటాయి. అందువల్ల, అవసరమైన సమయాల్లో, మీరు నష్టపోయిన దానికి, మీరు చేసిన క్లెయిమ్​కు సరైన మొత్తంలో పరిహారం పొందుతారు కాబట్టి ఇది మీ కార్​ ఇన్సూరెన్స్​లో అత్యంత కీలకమైన అంశాలలో ఒకటి.

• మీ కారు దొంగిలించబడినా లేదా రిపేర్​ చేయలేనంతగా పాడైపోయినా, మీ నష్టానికి సంబంధించి మీరు పొందే పరిహారం ఖచ్చితంగా మీ ఐడివి మొత్తంగా ఉంటుంది. కాబట్టి, మీ కారు అసలైన విలువ ప్రకారం మీ ఐడివి సరైనదని ఎల్లప్పుడూ నిర్ధారించుకోండి.