ஊழியர்களுக்கான குரூப் ஹெல்த் இன்சூரன்ஸ்

ஊழியர் அல்லது அவரின் துணை மருத்துவமனையில் அனுமதிக்கப்பட்டு சிகிச்சை பெறும் போது ஆகும் செலவுகள் தவிர்த்து, பேறு காலத்திற்கு முன் மற்றும் பின்னான செலவுகள் யாவும் ஏற்றுக் கொள்ளப்பட மாட்டாது.

ஏற்கனவே இருக்கும் நோய்களுக்கு, காத்திருப்பு காலம் முடியும் வரையில், அந்த நோய் அல்லது உடல்நலக் கேட்டிற்கு கிளைம் செய்ய முடியாது. ஆயினும், நீங்கள் 50 பேர்களுக்கு மேற்பட்டவர்களுக்கு காப்புறுதி செய்ய விரும்பினால், ஏற்கனவே இருக்கும் நோய்களுக்கான காத்திருப்பு காலத்திற்கு விலக்கு அளிக்கப்படும்.

மருத்துவரின் பரிந்துரைச் சீட்டின்றி உங்கள் ஊழியர் எந்தவொரு நோய்நிலைமைக்கும் மருத்துவமனையில் அனுமதி பெற்று சிகிச்சை பெறும் பட்சத்தில், அவருக்கு காப்புறுதி வழங்கப்படாது.

நீங்கள் கோவிட் கவரை மட்டுமே தேர்வு செய்திருந்தால், இன்சூர் செய்யப்பட்ட நபருக்கு கோவிட் தொற்று இருப்பதாக அரசாங்கத்தினால் அங்கீகரிக்கப்பட்ட பரிசோதனை மையத்தில் இருந்து சான்று காண்பித்தால் மட்டுமே, அதற்கான சிகிச்சை செலவுகள் ஏற்றுக் கொள்ளப்படும்.

கோவிட் சம்பந்தப்பட்ட கிளைம்களுக்கு, தொடக்க காத்திருப்பு காலமானது (வெயிட்டிங் பீரியட்) 15 நாட்களாகும். இந்த காலம் முடிவடையும் முன்னர் செய்யப்படும் கிளைம்களுக்கு காப்புறுதி வழங்கப்படாது.

நீங்கள் சொந்தமாக அண்மையில் ஒரு தொழில் தொடங்கியிருந்து, அதில் குறைந்தபட்சம் 15 நபர்கள் வரை கொண்ட குழு பணிபுரிந்து கொண்டிருக்கும் பட்சத்தில், நீங்கள் குரூப் ஹெல்த் இன்சூரன்ஸ் பிளானை எடுத்துக் கொள்ளலாம். இது உங்கள் ஊழியர்களை பாதுகாப்பது மட்டுமின்றி, வரி மீதான சேமிப்புகளுக்கும் உங்களுக்கு உதவும். நீங்கள் இதன் விலையை குறித்து கவலை கொண்டிருந்தால், கவலைப்பட வேண்டாம் – நிறுவனத்தின் பொருளாதார பலம் மற்றும் ஊழியர்களின் எண்ணிக்கையின் அடிப்படையில் குரூப் ஹெல்த் இன்சூரன்ஸ் பிளான்கள் தனிப்பயனாக்கப்பட்டுள்ளது.

உங்கள் நிறுவனமானது புதிதாக தொடங்கப்பட்டிருக்கிறது மற்றும் சிறிது காலமாக செயல்பட்டு வருகிறது என்றாலும் கூட உங்கள் ஊழியர்களை குரூப் ஹெல்த் இன்சூரன்ஸ் பிளானின் மூலம் நீங்கள் பாதுகாத்துக் கொள்ளலாம். இதன் மூலம் உங்கள் ஊழியர்கள் மகிழ்ச்சியாகவும், நன்றிக்கடன் பட்டவர்களாகவும் இருப்பது மட்டுமின்றி, அவர்களை நீண்ட காலத்திற்கு உங்கள் நிறுவனத்தில் பணிபுரிவதை தக்க வைத்துக் கொள்வதற்கும் இது உதவுகிறது.

பெரிய, நிலைபெற்ற ஒரு ஸ்தாபனமாக இருக்கும் பட்சத்தில் – ஹெல்த் இன்சூரன்ஸ் போன்ற பெனிஃபிட்களை ஊழியர்கள் அவர்தம் ஊதியத்தில் ஒரு பகுதியாக எதிர்பார்க்கிறார்கள். எனவே, உங்கள் நிறுவனத்தில் 1000 நபர்கள் வரையில் அல்லது அதற்கும் குறைவான நபர்கள் இருந்தால், அவர்களுக்கும், அவர்களை சார்ந்திருப்பவர்களுக்கும் கார்ப்பரேட் ஹெல்த் இன்சூரன்ஸ் பிளானின் முலம் நீங்கள் காப்புறுதி வழங்க வேண்டும். இது அவர்களுக்கு பாதுகாப்புணர்ச்சியை தருவது மட்டுமின்றி, உங்கள் ஸ்தாபனத்தின் மீதான அவர்களின் நல்லெண்ணத்தையும் வளரச் செய்யும்.

குரூப் ஹெல்த் இன்சூரன்ஸ் பாலிசியானது ஒரு குழுவினருக்கு வழங்கப்படுவதால், அதன் பிரீமியம் தொகை மற்ற ஹெல்த் பாலிசிக்களை விடவும் மலிவானதாகும்.

இந்திய வருமான வரித்துறையின் வரையரைப் படி, தங்களுடைய ஊழியர்களுக்கு கார்ப்பரேட் ஹெல்த் இன்சூரன்ஸ் மூலம் காப்புறுதி வழங்குகின்ற நிறுவனங்களுக்கு சில வரிச் சலுகைகள் அளிக்கப்படும்!

தங்கள் ஊழியர்களுக்கு மதிப்புமிக்க பெனிஃபிட்களை வழங்குகின்ற ஸ்தாபனங்களில் பணிபுரியும் ஊழியர்கள் மகிழ்ச்சியாக இருக்கிறார்கள், அந்த சூழ்நிலையில் பணியிடமும் மிக மகிழ்ச்சியாகவே இருக்கும். இது எந்தவொரு நிறுவனமாயிருப்பினும், பெரியதோ அல்லது சிறியதோ, எதுவாயிருப்பினும், அந்த நிறுவனத்தின் மீதான நல்லெண்ணம் உருவாக வழிவகை செய்கிறது. ஏனெனில், ஒவ்வொருவரும் தங்கள் ஊழியர்களின் மீது அக்கறை கொண்டிருக்கும் நல்லதொரு ஸ்தாபனத்தையே விரும்புகிறார்கள்.

குரூப் ஹெல்த் இன்சூரன்ஸ் பிளானின் முதன்மையான நோக்கமே, ஊழியர்களுக்கான ஹெல்த் கேர் பெனிஃபிட்களை வழங்குவது தான். இத்தகைய பெனிஃபிட்கள் உண்மையாகவே ஊழியர்களுக்கு நன்மை தருபவையாக இருப்பது அவசியமாகும். எனவே, உங்கள் ஊழியர்களுக்கு சிறந்த குரூப் ஹெல்த் இன்சூரன்ஸ் பிளானை தேர்வு செய்யும் போது, அந்த பிளானில் அடங்கியுள்ள பெனிஃபிட்களுக்கு தான் மிகுந்த முக்கியத்துவம் தரப்பட வேண்டும். உதாரணத்திற்கு: கோவிட்-19 பெருந்தொற்றினால் இந்தியாவில் ஏற்பட்டிருக்கும் பாதிப்பினை நீங்கள் அறிவீர்களாகையால், உங்கள் குரூப் ஹெல்த் இன்சூரன்ஸானது அதற்கும் காப்புறுதி வழங்குவதை உறுதிப்படுத்திக் கொள்ள வேண்டும்

என்ன தான் இருந்தாலும், விலை முக்கியமானது! அதனால் தான் உங்கள் குரூப் ஹெல்த் இன்சூரன்ஸ் எடுப்பதற்கு எவ்வளவு செலவாகும் என்று மதிப்பிடுவது முக்கியமாகும், அது மட்டுமின்றி அந்த விலைக்கேற்ற பெனிஃபிட்கள் கிடைக்கின்றனவா இல்லையா என்பதை ஆய்வு செய்வதும் முக்கியம். குறைவான பிரீமியம் தொகையைப் பார்த்து குருட்டாம்போக்கில் முடிவு செய்ய வேண்டாம், பிளானுடன் வருகின்ற பெனிஃபிட்களை வைத்து முடிவு செய்ய வேண்டும்.

நீங்கள் குரூப் ஹெல்த் இன்சூரன்ஸ் வாங்கும் போது, பிளான் பெனிஃபிட்கள் மட்டுமின்றி, உங்கள் இன்சூரர் எந்தளவிற்கு விரைவாக, ஆற்றலுடன் உங்களுக்கு ஒத்துழைக்கிறார்கள் என்பதும் முக்கியம். அவசியப்படும் சமயங்களில், உங்கள் ஊழியர்கள் அவர்தம் இன்சூரரை தொடர்பு கொள்ளும் போது, அதுவொரு நல்லதொரு அனுபவமாக அமைவதை நீங்கள் உறுதிப்படுத்திக் கொள்வதும் முக்கியம். பல நேரங்களில், இன்சூரன்ஸ் வழங்குநர்கள் தேர்டு பார்ட்டியினரை இடையீட்டாளராக பயன்படுத்துவார்கள். இந்த சூழ்நிலையில், அந்த குறிப்பிட்ட தேர்டு பார்ட்டி நபர் நம்பகமானவரா என்பதையும் நீங்கள் உறுதிப்படுத்திக் கொள்ள வேண்டும்.

ஹெல்த் இன்சூரன்ஸ் என்று வரும் போது, சர்வீஸ் முக்கியமானதொரு பங்கு வகிக்கிறது. ஹெல்த் கேர் தொடர்பான நடவடிக்கைகளை மிகுந்த அக்கறையுடனும், கவனத்துடனும் மேற்கொள்கின்ற ஒரு இன்சூரரையே நீங்கள் விரும்புவீர்கள். எனவே, எப்போதுமே குரூப் ஹெல்த் இன்சூரன்ஸ் பிளானை எடுப்பதற்கு முடிவு செய்யும் முன்னர், வெவ்வேறு இன்சூரன்ஸ் வழங்குநர்களின் சர்வீஸை ஒப்பிட்டுப் பார்த்து ஆய்வு செய்யவும்.

விபத்துகளும், உடல்நலக் கேடுகளும் எங்கு வேண்டுமானாலும் நடைபெறலாம்! ஆகவே, குரூப் ஹெல்த் இன்சூரன்ஸ் பிளானை தேர்வு செய்யும் போது, அது நாடு முழுவதிலும் ஏற்படும் பாதிப்புகளுக்கு காப்புறுதி வழங்குகிறதா என்பதை முதலில் பார்க்க வேண்டும். ஒரு வேளை அது நாடு முழுவதும் செயல்படுகிறது என்றால், நாடு முழுவதும் எவ்வளவு நெட்வொர்க் மருத்துவமனைகள் உள்ளன போன்ற விபரங்களையும் கவனத்தில் கொள்ள வேண்டும்.

பெரும்பாலான நிறுவனங்கள் தங்கள் ஊழியர்களின் வருடாந்திர பெனிஃபிட்களின் ஒரு பகுதியாகவே குரூப் ஹெல்த் இன்சூரன்ஸ் பிளான்களை வழங்குகின்றன; அதாவது நீங்கள் அதனை தேர்வு செய்தாலும் அல்லது தேர்வு செய்யவில்லையென்றாலும் கூட, உங்கள் நிறுவனத்தில் குரூப் ஹெல்த் இன்சூரன்ஸ் பிளான் இருந்தால் – நீங்கள் பிரீமியம் தொகை செலுத்த வேண்டிய அவசியம் இல்லாமலேயே, உங்களுக்கு அதன் கீழ் காப்புறுதி வழங்கப்படும்.

பொதுவாகவே, நீங்கள் இன்டிவிஜுவல் (தனிப்பட்ட) ஹெல்த் இன்சூரன்ஸ் எடுக்கும் போது, உங்கள் ஹெல்த் இன்சூரன்ஸ் பாலிசியை வழங்குவதற்கு முன் உங்கள் இன்சூரர் மருத்துவ பரிசோதனைகள் செய்வதற்கு வாய்ப்பிருக்கிறது. எனினும், குரூப் ஹெல்த் இன்சூரன்ஸ் பிளானிற்கு, இவ்வாறு செய்ய வேண்டிய அவசியமில்லை. உங்கள் பாலிசி செல்லுபடி ஆவதற்கு நீங்கள் எந்த மருத்துவ பரிசோதனைகளும் எடுக்கத் தேவையில்லை. 

மேலே குறிப்பிட்டபடி, பெரும்பாலான முதலாளிகள் உங்கள் ஹெல்த் இன்சூரன்ஸ் பிளானை நிறுவனம் வழங்குகின்ற உங்களுடைய வருடாந்திர பெனிஃபிட்களிலேயே சேர்த்து விடுவார்கள். இதன் பொருள் என்னவென்றால், இதற்கான பிரீமியம் தொகையை நீங்கள் செலுத்த வேண்டியதில்லை, மாறாக உங்கள் நிறுவனம் அதனை செலுத்தும். எனினும், இது ஒரு முதலாளிக்கும் மற்றவருக்கும் மாறுபடக் கூடும். ஆனாலும், உங்கள் முதலாளி இதற்கான கட்டணத்தை உங்களை செலுத்த கேட்டுக் கொண்டாலும் அல்லது இல்லையென்றாலும் கூட, அதன் பிரீமியம் தொகையானது இன்டிவிஜுவல் ஹெல்த் இன்சூரன்ஸுடன் ஒப்பிட்டுப் பார்க்கையில் மிகவும் குறைவாகும்.

குரூப் ஹெல்த் இன்சூரன்ஸ் பிளானை உங்கள் முதலாளியே தேர்வு செய்திருப்பதால், தேர்டு-பார்ட்டி நிர்வாகி அல்லது இன்சூரருடன் தொடர்பு கொள்ளும் பொறுப்பு எல்லாம் அவரையே சார்ந்தது. எனவே, நீங்கள் இன்சூரரை தொடர்பு கொள்வதற்கான அவசியமிருப்பதில்லை, உங்கள் கிளைம் செயல்முறையும் பொதுவாக எளிதாக அமைந்து விடுகிறது.