సెకండ్​ హ్యాండ్​ బైక్​ ఇన్సూరెన్స్

టూ వీలర్​ను కలిగి ఉండటం చాలా ఉత్సాహంగా ఉంటుంది. మీరు యుక్త వయసులో ఉండి ఉంటే ఈ విషయం మిమ్మల్ని మరింత ఉత్తేజానికి గురి చేస్తుంది. ఏదైనా వాహనం కలిగి ఉండటమనేది ఓ రకమైన విలాసాన్ని సూచిస్తుంది. భారతదేశంలో చాలా మంది కారు​ యజమానులు ఉన్నప్పటికీ, చాలా మంది యువ మిలియనీర్లు తమ బైకులను, దాని మీద రైడింగ్​ చేయడాన్నే ఎక్కువగా ఇష్టపడతారు.

భారతీయ మార్కెట్​లోకి ఎన్నో రకాల కొత్త మోడల్స్ వస్తున్నాయి. రోజువారీ అవసరాలకు కాకుండా అనేక ఫీచర్లు ఈ బైక్​ల సొంతం. మీ బైక్ పాతదైనా, కొత్తదైనా మంచి బైక్​ ఎల్లప్పుడూ మంచిదే. పాత బైక్‌లను ఉపయోగించే వారు, వాటిని ఇష్టపడే వారు నేటికీ మన దేశంలో చాలా మంది ఉన్నారు.

మన దేశంలో టూ వీలర్స్​ను చాలా అవసరాల కోసం వాడుతున్నారు. ఉదాహరణకు ఫుడ్​ డెలివరీ, కొరియర్​ సర్వీస్​, వంటి అనేక అవసరాలకు వాడుతున్నారు. కాబట్టి భారతదేశంలో రోజురోజుకూ బైక్‌లకు డిమాండ్​ పెరుగుతోంది. అది సెకండ్​ హ్యాండ్​ బైకయినా, లేదా కొత్త బైకయినా.

మంచి కండిషన్​లో ఉంటే సెకండ్​ హ్యాండ్​ బండి కొనడం పెద్ద కష్టమేమీ కాదు. మీరు ఏదైనా ప్రదేశానికి సమయానికి చేరుకోవాలని భావించినపుడు బైక్​ మీద వెళ్లడం కొంచెం ప్రమాదకరమే.

ట్రాఫిక్​, రోడ్లు అధ్వాన్నంగా ఉన్నాయి. కాబట్టి మీ బండికి ఇన్సూరెన్స్​ చేయించడం తప్పనిసరి. ఇన్సూరెన్స్​ ఉంటే మిమ్మల్ని, మీ బండిని కవర్​ చేస్తుంది.

అన్ని టూ వీలర్​ ​ఇన్సూరెన్స్​ల మాదిరిగానే సెకండ్​ హ్యాండ్​ బైక్​ ఇన్సూరెన్స్​ కూడా ఉంటుంది. సెకండ్​ హ్యాండ్​ బైక్​ ఇన్సూరెన్స్​ మిమ్మల్ని అనేక నష్టాల నుంచి కాపాడుతుంది. అలాగే థర్డ్​ పార్టీ లయబిలిటీల నుంచి కూడా రక్షిస్తుంది.

సెకండ్​ హ్యాండ్​ బైక్​కు ఇన్సూరెన్స్​ ఎందుకు చేయించాలి?

సెకండ్​ హ్యాండ్​ బైక్​ మీకు బాగా నచ్చిందా? కానీ కొన్ని ప్రమాదాల వలన మీ అత్యంత ఇష్టమైన బైక్​ నష్టపోయినపుడు ఇన్సూరెన్స్​ మిమ్మల్ని కవర్​ చేస్తుంది. కావున మీ బండికి తప్పనిసరిగా ఇన్సూరెన్స్​ చేయించుకోవాలి. మీ సెకండ్​ హ్యాండ్​ బైక్​కు ఇన్సూరెన్స్​ చేసే ముందు కింది విషయాలను తెలుసుకోవడం చాలా అవసరం.

# మీ సెకండ్​ హ్యాండ్​ బైక్​కు గేర్లు వదులుగా ఉంటే మీరు చాలా నష్టాలను ఎదుర్కోవాల్సి ఉంటుంది. మీరు ట్రాఫిక్​లో వెళ్తున్నపుడు మీ గేర్లు సరిగా పని చేయకపోతే మీ బండి అకస్మాత్తు​గా ఆగిపోతుంది. అప్పుడు మీకు ప్రమాదం జరిగే అవకాశం ఎక్కువగా ఉంటుంది. ఈ ప్రమాదం వలన మీ బండి మడ్​గార్డ్​ దెబ్బతింటుంది.

ఇటువంటి సమయంలో మీ బండికి ఇన్సూరెన్స్​ ఉంటే మిమ్మల్ని ఖర్చుల నుంచి కాపాడుతుంది. కాబట్టి మీ బండికి తప్పకుండా ఇన్సూరెన్స్​ ఉండాలి. ఇది మిమ్మల్ని ఎటువంటి పరిస్థితుల్లోనైనా సరే కవర్​ చేస్తుంది.

 # లీగల్ లయబిలిటీల నుంచి కూడా ఇన్సూరెన్స్​ మిమ్ములను కాపాడుతుంది. ఎవరైనా సరే రోడ్డు దాటేటపుడు మీరు వారిని ఢీకొంటే ఇన్సూరెన్స్​ మిమ్మల్ని కాపాడుతుంది. ట్రాఫిక్​ సిగ్నల్​ వద్ద గ్రీన్​ లైట్ పడే సమయంలో ముందుగా ఎల్లో లైట్ వస్తుంది. ఆ సమయంలో మీరు త్వరగా బండిని కదిలిస్తే ఎవరైనా పాదచారులు రోడ్డు దాటుతుంటే వారికి ప్రమాదం జరిగే ఆస్కారం ఉంటుంది. అటువంటి సమయంలో మీరు ఏమీ చేయలేరు. కనుక ఇన్సూరెన్స్​ అనేది తప్పనిసరిగా ఉండాలి.

ఆ సమయంలో మీరు అవతలి వ్యక్తి గాయాలకు చికిత్స చేస్తే అయిన ఖర్చులను మీ జేబు నుంచి భరించాల్సి వస్తుంది. కావున ఇన్సూరెన్స్​ పాలసీ తప్పనిసరిగా ఉండాలి.

 # రోడ్డు మీద డ్రైవింగ్​ చేసేటపుడు ఇతరులకు గాయాలు కాకుండా ఉండటం కోసం కూడా మీరు తప్పనిసరిగా ట్రాఫిక్​ నియమాలను పాటించాలి.

అబ్బాయిలు తప్పనిసరిగా బండి వేసుకుని షికారుకు వెళ్తారు. వారు అలా బైక్​ రైడ్​కు వెళ్లినపుడు వారిని ఓ కారు​ ఢీకొట్టి తీవ్ర గాయాలపాలై చనిపోతే, ఒకవేళ అతడు యజమాని–డ్రైవర్​ కోసం పీఏ కవర్​ తీసుకొని ఉండి ఉంటే అతడి కుటుంబానికి నష్టపరిహారం చెల్లిస్తుంది.

ప్రమాదం తర్వాత మీ బైక్​ రిపేర్ల కు అయ్యే ఖర్చుల నుంచి మిమ్మల్ని మీరు రక్షించుకునేందుకు బైక్​ ఇన్సూరెన్స్ తప్పనిసరి. ఒకవేళ మీరు గాయాలపాలై ఆస్పత్రిలో చేరినా, ఇన్సూరెన్స్​ ఉంటే ఆస్పత్రి ఖర్చులకు చింతించాల్సిన అవసరం ఉండదు. బైక్​ ఇన్సూరెన్స్​ క్యాలుక్యులేటర్‌‌ను ఉపయోగించి మీ సెకండ్​ హ్యాండ్​ బైక్​కు ప్రీమియం ఎంత పడుతుందనే వివరాలను తనిఖీ చేయండి.

కొన్ని ప్రమాదాలు చాలా తీవ్రతను కలిగి ఉంటాయి. ఒక్కోసారి ఈ ప్రమాదాల వలన బండి నడుపుతున్న వ్యక్తి​ ప్రాణాలు పోయే ప్రమాదం కూడా ఉంటుంది. మొదట కాంప్రహెన్సివ్​ ఇన్సూరెన్స్ పాలసీ​లో కేవలం బండి యజమాని మాత్రమే కవర్​ అయ్యేవాడు. కానీ తర్వాత రోజుల్లో వెనుకాల కూర్చున్న వ్యక్తి కూడా కవర్​ అయ్యేలా పాలసీ నిబంధనలు మార్చారు.

ఐఆర్​డీఏ (IRDA) ప్రస్తుత నిబంధనల మేరకు వెనుకాల కూర్చున్న వ్యక్తి థర్డ్​ పార్టీ కిందకు వస్తారు. ప్రమాదం​లో అతడికి అయిన గాయాలకు రూ. 3 లక్షలు, అతడు మరణించినట్లయితే అతడి బంధువులకు రూ. 5 లక్షల మేర నష్టపరిహారం అందుతుంది.

మీరు సెకండ్​ హ్యాండ్​ బండి మీద రైడ్​కి వెళ్లాలని భావించినపుడు అన్ని రకాల బండి పేపర్లు మీ పేరు మీద ఉన్నాయో లేదో ఒక్కసారి తనిఖీ చేసుకోండి. ఆర్​సీ (RC) బదిలీ అనేది చాలా ముఖ్యం.

మీరు బదిలీ అభ్యర్థన​ పెట్టినట్లయితే మీకు ముందుగా బైక్​ రిజిస్ట్రేషన్​ చేయించుకున్న రవాణా శాఖ కార్యాలయం (RTO) నుంచి పొందిన నో అబ్జెక్షన్​ సర్టిఫికెట్​ (NOC) అవసరం అవుతుంది. ఒకవేళ మీరు కొనుగోలు చేసిన వాహనం లోన్​ ద్వారా కొనుగోలు చేసినట్లయితే బ్యాంకు కూడా నో అబ్జెక్షన్​ సర్టిఫికెట్​ (NOC) ఇవ్వాల్సి ఉంటుంది.

మీ సెకండ్​ హ్యాండ్​ బండిని పూర్తిగా మీ పేరు మీదకు మార్పించుకునేందుకు మీరు కింద పేర్కొన్న సులభమైన స్టెప్స్​ను పాటిస్తే సరిపోతుంది:

మీరు అన్ని ఫీజులు కట్టిన తర్వాత ఓనర్‌‌షిప్​ బదిలీకి 10-15 రోజుల సమయం పడుతుంది. ఈ సమయంలో బండికి ఇన్సూరెన్స్​ ఉందా? లేదా అనే విషయం తనిఖీ చేయాలి. ఆ బండికి ఉన్న ఇన్సూరెన్స్​ను తనిఖీ చేయాలని భావిస్తే కొత్త పాలసీని మీకు ఇష్టం వచ్చిన సర్వీస్​ ప్రొవైడర్​ నుంచి తీసుకోవచ్చు.

ఇన్సూరెన్స్​ ఉండి దానిని మీ పేరుకు బదిలీ చేయించుకోవాలని భావిస్తే అటువంటి సమయంలో మీరు కొన్ని నియమాలు పాటించాల్సి ఉంటుంది. గత యజమాని​తో కలిసి మీరు ఆ వాహన ఇన్సూరెన్స్​కు సంబంధించిన పత్రాలను తీసుకొని మీరు సదరు కంపెనీని సంప్రదించాలి. అక్కడ ఫామ్​–20, ఫామ్​–30 వివరాలతో పాటు గుర్తింపు కార్డు​, ఇన్సూరెన్స్​ కాపీని సబ్మిట్​ చేయాలి. ఇన్సూరెన్స్​ కంపెనీ ప్రతినిధులు మీ అభ్యర్థనను పూర్తి చేసేందుకు దాదాపు 15 రోజుల సమయం పడుతుంది.

తెలివైన వ్యక్తులెవరూ కూడా సెకండ్​ హ్యాండ్​ బైక్​ కొనే ముందు దాని ప్రయోజనాలను తనిఖీ చేయకుండా అస్సలు కొనుగోలు చేయరు. సెకండ్​ హ్యాండ్​ బైక్​ కొనుగోలు చేసేటపుడు తనిఖీ చేయాల్సిన కొన్ని విషయాలు ఇక్కడ ఉన్నాయి.

• బైక్​ను భౌతికం​గా తనిఖీ చేయండి: సెకండ్​ హ్యాండ్​ బైక్​ను కొనేముందు సరిగ్గా చూడండి. మీరు చూసిన బండిని భౌతికం​గా తనిఖీ చేయండి. ఆ బండికి ఏ విధమైన గీతలు కానీ, ఇంతకు ముందు ప్రమాదాలు జరిగిన గుర్తులు కానీ ఉన్నాయో సరిగ్గా చూడండి.
• శబ్ధం​ ఎలా వస్తుందో పరిశీలించండి: మీరు బైక్​ను భౌతికంగా తనిఖీ చేస్తున్నపుడు దానిని స్టార్ట్​ చేసి శబ్ధం​ ఎలా వస్తుందో యాక్సిలరేషన్​ ఇచ్చి చూడండి. మీరు యాక్సిలరేషన్​ ఇచ్చినపుడు బండి శబ్ధాన్ని​ చెక్ చేయండి. ఇండికేటర్​, హర్న్​ సౌండ్​ ఎలా వస్తుందో చూడండి.
• డాక్యుమెంట్లను పరిశీలించండి: ఆర్​సీ (RC) సరిగ్గా ఉందో లేదో తనిఖీ చేయండి. ఇంజన్​ వివరాలను సరి చూసుకోండి. ఏవైనా వివరాలు సరిగా లేకపోతే మీరు క్లెయిమ్​ చేసే సమయంలో ఇబ్బంది పడాల్సి వస్తుందని గుర్తుంచుకోండి.
• సర్వీస్​ వివరాలను​ తెలుసుకోండి: మీరు ఆ బండి సర్వీస్​ వివరాలను గురించి ఆ బండి యజమానిని అడిగి తెలుసుకోండి.
• టెస్ట్​ రైడ్​కు వెళ్లండి: పైన పేర్కొన్న అన్ని వివరాలు సరిగానే ఉంటే అప్పుడు మీరు ఆ బండిని టెస్ట్​ రైడ్​కు తీసుకెళ్లండి. ఆ బండి బ్రేకులు, సస్పెన్షన్​​ ఎలా పని చేస్తున్నాయో బండి నడుపుతున్న​ సమయంలో గమనించండి.

మీరు సెకండ్​ హ్యాండ్​ బైక్​ను కొనుగోలు చేసే ముందు ఈ వివరాలను కచ్చితంగా తనిఖీ చేయండి. ఓనర్​షిప్​ను మీ పేరు మీదకి ఎలా మార్చుకోవాలనే విధానం గురించి కూడా మీరు తెలుసుకోవాల్సి ఉంటుంది. లేకపోతే మీరు కొత్త ఇన్సూరెన్స్​ తీసుకోవాలని భావించినపుడు ఈ విషయం మిమ్మల్ని అధికంగా ఇబ్బంది పెడుతుంది. కావున సెకండ్​ హ్యాండ్​ బైక్​ తీసుకునేటపుడు అన్ని విషయాలను తనిఖీ చేయాల్సిందే. మీ సెకండ్​ హ్యాండ్​ బైక్​కు ఎలా ఇన్సూరెన్స్​ పొందవచ్చో ఇప్పుడు తెలుసుకుందాం.

మీరు కొనుగోలు చేసిన సెకండ్​ హ్యాండ్​ బైక్​కు సరైన ఇన్సూరెన్స్​ లేకపోయినా లేదా ప్రస్తుతం ఉన్న ఇన్సూరెన్స్​తో మీరు సంతృప్తి చెందకపోయినా కింద పేర్కొన్న సులభమైన స్టెప్పుల​ను ఉపయోగించి సెకండ్​ హ్యాండ్​ బైక్​కు ఇన్సూరెన్స్​ చేయించండి:

# చాలా ఇన్సూరెన్స్​ కంపెనీలు ఆన్​లైన్ సేవలు అందిస్తున్నాయి. కాబట్టి మీరు కావాలనుకుంటున్న కంపెనీ యొక్క అధికారిక వెబ్​సైట్​ను సందర్శించండి.  

# మీ ఆర్​సీ (RC) స్కాన్​ కాపీని అక్కడ సమర్పిస్తే సరిపోతుంది. మీ ఇన్​వాయిస్​ కాపీ, గుర్తింపు కార్డు కాపీని ఆన్​లైన్​లో పోర్టల్‌లో సమర్పించాలి. లేదంటే మీరు ఏ నగరంలో రిజిస్ట్రేషన్​ చేసుకున్నారో తెలిపితే సరిపోతుంది. మోడల్​ పేరు​, వేరియంట్​, రిజిస్ట్రేషన్​ తేదీ​ తదితర వివరాలను సమర్పించాలి.

# మీకు ఇన్సూరెన్స్​ ఇచ్చే కంపెనీ మీ బైక్​ తనిఖీ కోసం ఓ తేదీని చెప్తుంది. అప్పుడు మీరు ప్రీమియం కట్టే సదుపాయం ఉంటుంది.

# ఆ తర్వాత మీరు ఎంత మాత్రం వేచి ఉండాల్సిన అవసరం ఉండదు. మీరు వెంటనే ఇన్సూరెన్స్​ కాపీని పొందుతారు.

చివరగా మీరు మీ కలల బైక్​ను పొందుతారు. మీ జీవితం ఎన్నో సాహసాలతో కూడుకున్నదే అయినా చాలా విలువైనది కూడా. మీరు కొనుగోలు చేసిన బైక్​ ఇదివరకే వాడింది అయినా కానీ మీరు బైక్​ను నడిపేటపుడు జాగ్రత్తలు తీసుకోవడం చాలా ముఖ్యం. మీరు బైక్​ను జాగ్రత్తగా నడపడం వలన అది కేవలం మిమ్మలను మాత్రమే కాకుండా రోడ్డు మీద వెళ్లే ఇతరులను కూడా కాపాడుతుంది.