గడువు ముగిసిన బైక్​ ఇన్సూరెన్స్​ను రెన్యూ చేసుకోండి

మన భారతదేశంలో టూ వీలర్స్​ చాలా పాపులర్​. ధర విషయం పక్కన పెడితే టూ వీలర్స్​ అనేవి చాలా ఉపయోగకరమైనవి. ట్రాఫిక్​ ఎక్కువగా ఉండే నగరాల్లో టూ వీలర్స్​ చాలా కంఫర్ట్​గా ఉంటాయి. అయితే, బైక్​ రైడ్​ చేయాలంటే మాత్రం మనకు తప్పనిసరిగా ఇన్సూరెన్స్​ ఉండాలి. లేకపోతే బైక్​ నడపలేం.

టూ వీలర్​ ఇన్సూరెన్స్​ అనేది మీ బైక్​ను అనుకోని విపత్తుల నుంచి రక్షించడం మాత్రమే కాకుండా ఇంకా అనేక విధాలుగా మీకు సహాయపడుతుంది. భారతదేశ రోడ్ల మీద బైక్​ వేసుకుని తిరగాలంటే కనీసం థర్డ్​ పార్టీ ఇన్సూరెన్స్​ అయినా కలిగి ఉండాలి. లేకపోతే ట్రాఫిక్​ పోలీసులు ఫైన్లతో మీ జేబుకు చిల్లు పెట్టే ప్రమాదం ఉంది. చట్ట ప్రకారం కూడా బైక్​కు కనీసం థర్డ్​ పార్టీ టూ–వీలర్​ ఇన్సూరెన్స్​ కలిగి ఉండటం తప్పనిసరి.

కరోనా లాక్​డౌన్​ సమయంలో అనేక మంది టూ–వీలర్​ ఓనర్స్​ తమ ఇన్సూరెన్స్​ను రెన్యూ చేసుకోవడం మరిచిపోయారు. కొంతమంది ఇన్సూరెన్స్​ పాలసీ తీసుకోవడం అంత అవసరమా? అని భావిస్తారు. ఇంకొంత మందేమో మనం ఎలాగూ టూ వీలర్​ వాడటం లేదు కదా అని నిర్లక్ష్యం వహిస్తారు.

కానీ, బైక్​ ఇన్సూరెన్స్​ పాలసీని తప్పకుండా రెన్యువల్​ చేయించుకోవాలి. లేకపోతే మీరు అనేక రకాలుగా నష్టపోవాల్సి రావచ్చు. ఒకవేళ మీరు బైక్​ ఇన్సూరెన్స్  పాలసీని రెన్యువల్​ చేసుకోకపోతే నో క్లెయిమ్​ బోనస్​ను కూడా కోల్పోవాల్సి వస్తుంది. మీ బైక్​ ఇన్సూరెన్స్​ గడువు ముగిసినా రెన్యూ చేసుకోకపోతే ఏం జరుగుతుందో ఇక్కడ తెలుసుకుందాం.

మీదైనా, లేక మీకు తెలిసిన వారిదైనా సరే, బైక్​ ఇన్సూరెన్స్​ పాలసీ గడువు దగ్గర పడుతుంటే ఆన్​లైన్​లో రెన్యూ చేసుకోవడం ఎలా అని చాలా మందికి సందేహం వస్తుంది.

బైక్​ ఇన్సూరెన్స్​ పాలసీని రెన్యూ చేసుకోవడం అనేది ఇప్పుడు గతంలో ఉన్నంత కఠినంగా లేదు. మీరు ఇంట్లోనే కూర్చుని ఆన్​లైన్​లో బైక్​ ఇన్సూరెన్స్​ పాలసీని రెన్యూ చేసుకోవచ్చు. ఈ ప్రాసెస్​ చాలా ఈజీ. కొన్ని నిమిషాల్లోనే పూర్తవుతుంది.

ఇన్సూరెన్స్​ డెవలప్​మెంట్ అథారిటీ (IRDAI) గుర్తించిన దాని ప్రకారం చాలా మంది తమ ఇన్సూరెన్స్​ పాలసీని రెన్యూ చేసుకోవడం మర్చిపోతున్నారు. చాలా మందికి అసలు ఇన్సూరెన్స్​ పాలసీ లేకుండా వాహనం నడిపితే ఎటువంటి పరిణామాలు ఎదుర్కోవాల్సి వస్తుందనేది కూడా తెలియడం లేదు. మీరు మీ పాలసీ గడువు ముగిసే ముందే రెన్యూవల్​ చేసుకోండి.

ప్రస్తుతం ఐదు సంవత్సరాల వరకూ ఇన్సూరెన్స్​ పాలసీని తీసుకోవచ్చు. కాబట్టి లాంగ్ టర్మ్​ ఇన్సూరెన్స్​ను ఎంచుకొని నిశ్చింతంగా ఉండండి.

ఆన్​లైన్​లో ఇన్సూరెన్స్​ పాలసీని రెన్యూ చేసుకోవడం ఎలా అనే విషయం గురించి కింద సవివరం​గా ఉంది.

Digit ఇన్సూరెన్స్​తో బైక్​ ఇన్సూరెన్స్​ రెన్యూ చేసుకోవడం

• మీ వాహనానికి అయ్యే ప్రీమియం అమౌంట్ కోసం టూ వీలర్​ ఇన్సూరెన్స్​ ప్రీమియం చెక్​ చేసుకోండి.
• Digit బైక్​ ఇన్సూరెన్స్​ రెన్యూవల్​ పేజ్​ సందర్శించండి.
• మీ వాహన వివరాలు నమోదు చేసి ‘Get Quote’ బటన్​పై క్లిక్​ చేయండి. మీరు ఎంటర్​ చేసిన వివరాలు సరిగ్గా ఉన్నాయో లేవో సరిచూసుకోండి.
• మీకు నచ్చిన ఇన్సూరెన్స్​ పాలసీని ఎంచుకోండి. ఉదాహరణకు, థర్డ్​–పార్టీ పాలసీ లేదా కాంప్రహెన్సివ్​ పాలసీ.
• మీ టూ వీలర్​ కోసం సరైన యాడ్​–ఆన్స్​ను​ ఎంచుకోండి. (మీకు ఇష్టమైతేనే).
• అవసరమైన వివరాలు ఎంటర్​ చేసి పేమెంట్​ చేయండి.
• ఒకసారి మీరు పేమెంట్ ప్రక్రియను పూర్తి చేసిన తర్వాత మీకు PDF ఫార్మాట్​లో మీ పాలసీ కాపీ పంపించబడుతుంది. ఒకవేళ మీరు థర్డ్​ పార్టీ ఇన్సూరెన్స్​ తీసుకుంటే వెంటనే అది యాక్టివేట్​ అవుతుంది. ఇన్​స్పెక్షన్​ కోసం మీ వాహనం ఫొటోలు, వీడియోలను అప్​లోడ్​ చేయమని అడుగుతారు. ఇన్​స్పెక్షన్​ పూర్తయిన తర్వాత మీ కాంప్రహెన్సివ్​ పాలసీ యాక్టివేట్​ అవుతుంది. (సొంత​ డ్యామేజ్​లు​ కూడా కలిసే ఉంటాయి.)
• మీ డిజిటల్​ PDF కాపీని డౌన్​లోడ్​ చేసుకుని భద్రపర్చుకోండి.

గడువు ముగిసిన టూ వీలర్​ పాలసీని ఆఫ్​లైన్​లో రెన్యూ చేయడం

మీకు ఆన్​లైన్​లో బైక్​ ఇన్సూరెన్స్​ పాలసీని రెన్యూ చేసుకోవడం నచ్చకపోతే మీరు మీకు నచ్చిన ఇన్సూరెన్స్​ కంపెనీ యొక్క మీకు దగ్గర్లోని బ్రాంచ్​ను సంప్రదించవచ్చు. ప్రస్తుతం ఉన్న భయానక పరిస్థితుల్లో బ్రాంచ్​ను సందర్శించడం కంటే ఆన్​లైన్​లోనే పాలసీ రెన్యూ చేసుకోవడం ఉత్తమం.

బైక్​ ఇన్సూరెన్స్​ పాలసీ గడువు దగ్గర పడుతున్నపుడు వెంటనే మీ పాలసీని రెన్యూ చేసుకోండి. కొన్ని సందర్భాల్లో అనుకోని విషయాల వలన రెన్యూ చేయడం ఆలస్యం కావొచ్చు.

మీ బైక్​ ఇన్సూరెన్స్​ పాలసీ ఇప్పటికే పూర్తయినా, మీరు రెన్యూ చేయకుండా ఉన్నపుడు మీ బైక్​ను సురక్షితంగా ఉంచడమెలాగో తెలుసుకోండి.

• మీకు ఒకవేళ ఇన్సూరెన్స్​ పాలసీ లేకపోతే బండి నడపకండి. సరైన ఇన్సూరెన్స్​ లేకుండా మీరు బండి నడిపిప్పుడు పోలీసులు పట్టుకుంటే భారీ ఫైన్​ వేసే ప్రమాదం ఉంది. అంతేకాకుండా దురదృష్టవశాత్తు ఏదైనా యాక్సిడెంట్​ అయితే రిస్క్​ మామూలుగా ఉండదు.
• మీరు పాత ఇన్సూరెన్స్​ కంపెనీ నుంచి కొత్త కంపెనీకి మారడానికి తర్జన భర్జన పడుతుంటే, ఏఏ కంపెనీలు మంచి ఇన్సూరెన్స్ సర్వీస్​ ఇస్తాయనేది ఆన్​లైన్​లో వెతికి ఓ నిర్ణయం తీసుకోండి.
• ఆన్​లైన్​లో రెన్యూ చేసుకునేటపుడు మీరు లాంగ్​ టర్మ్​ పాలసీ తీసుకోండి. దీంతో మీరు కొంత కాలం వరకు ఇన్సూరెన్స్​ రెన్యూవల్స్​ గురించి ఆందోళన పడకుండా ఉండొచ్చు.
• మీరు పాలసీని రెన్యూ చేసేటపుడు మీ బైక్​ డాక్యుమెంట్లను అందుబాటులో ఉంచుకోండి. ఇన్సూరెన్స్​ పాలసీ రెన్యూ చేయడానికి బైక్​ డాక్యుమెంట్స్​ అవసరం ఉంటాయి.