वापरलेल्या बाईकसाठी इन्शुरन्स पॉलिसी

जर आपण स्वत:साठी बाईक घेण्याचा विचार करत असाल पण त्यासाठी आपल्याला खूप खर्च करायचा नसेल तर वापरलेली बाईक खरेदी करणं हा एक चांगला पर्याय ठरू शकतो. आपले मन तयार करा आणि आपल्या नजरेत असलेल्या बाईकमध्ये काय शोधावे हे जाणून घ्या. स्वत:ला अशी बाईक मिळवा जी स्त्यावर अगणित मैल चालेल आणि साहसीपणाची मजा देईल.

काय तपासायचे, कुठून सुरुवात करायची याबाबत संभ्रम आहे? काळजी करू नका, आम्ही आपल्याला  मार्गदर्शन करू.

आपण वापरलेली बाईक खरेदी करण्यापूर्वी टिक ऑफ करण्यासाठी चेकलिस्ट

आपण ज्या प्रकारच्या रायडिंगची योजना आखत आहात त्यासाठी योग्य अशा बाईक्स शोधा - आपण बाईक कशी आणि कोणत्या उद्देशाने वापरत आहात हे स्वत: ला विचारा आणि नंतर त्यानुसार आपला शोधाचा दृष्टिकोन ठेवा.

संशोधन करणे आवश्यक आहे - ऑनलाइन जा, आपल्याला बाईक्सबद्दल जे काही माहित असणे आवश्यक आहे ते जाणून घेण्यासाठी तज्ञांशी बोला, विशेषत: त्या प्रकारच्या गोष्टीसाठी जे आपण इच्छित आहात.

बाईकची तपासणी करा - रंग, खरचटणं, कोणत्याही फ्लुइड लिकेज, टायर्स किंवा कोणतीही झीज तपासा. सर्वसाधारण बाह्य शरीराची तपासणी करा. कोणत्याही डेंट्सवर बारीक लक्ष ठेवा. स्क्रॅचेस ठीक मानले जाऊ शकतात, जर ते जास्त खोल नसतील तर

ब्रेक्स - वापरलेल्या बहुतांश बाईक्सना ड्रम ब्रेक असतात. म्हणून, ब्रेकची चाचणी घ्या आणि नंतर आपण ते बदलू इच्छिता की ते ठेवू इच्छिता हे ठरवा. कदाचित आपल्याला सर्व्हिसिंगही करून घ्यावी लागेल.

सर्व्हिसिंग रेकॉर्ड - सांगितलेली बाईक किती वेळा सर्व्हिसिंगसाठी गेली आहे आणि कोणत्या कारणांसाठी गेली आहे, हे मालकाकडून जाणून घ्या.

कोणत्याही त्रुटीसाठी बाईकचा व्ही.आय.एन.(VIN) नंबर स्कॅन करा - व्हेईकल आयडेंटिफिकेशन नंबर वाहन कायदेशीररित्या ओळखण्यासाठी वापरला जाणारा एक अद्वितीय अनुक्रमांक आहे. बऱ्याच बाईक्सवर, आपल्याला व्ही.आय.एन. नंबर फ्रेमच्या स्टिअरिंग नेक सेक्शनवर कोरलेला सापडेल, हेडलाइटच्या अगदी मागे. ते जुळत आहेत याची खात्री करण्यासाठी अधिकृत टायटलवरील क्रमांकाशी जुळवून बघा.

लाइट्स - हेडलाइट बल्ब, इंडिकेटर आणि टेल लाईट्स कार्यरत स्थितीत आणि पुरेसे चमकदार असावेत. नसेल तर बल्ब बदला.

पेपर्स तपासा – आर.सी(RC) बुक, बाईक इन्शुरन्स, बाईक इन्शुरन्सची वैधता, प्रदूषण प्रमाणपत्र, ओरिजिनल इनव्हॉइस, एक्सटेंडेड वॉरंटी (असल्यास).

टेस्ट ड्राइव्ह – बाईकची कामगिरी समाधानकारक आहे की नाही ही जाणण्यासाठी क्विक राइड वर जा आणि वेग, मायलेज तपासा.

सविस्तर तपासणीसाठी स्थानिक मेकॅनिकशी बोला - जरी आपण आपली सेकंड-हँड बाईक एखाद्या खासगी पार्टीकडून खरेदी करण्याचा निर्णय घेतला असेल, तरीही आपण कोणत्याही प्रकारचे करार करण्यापूर्वी ते त्रयस्थ पक्षाद्वारे पाहिले जाणे शहाणपणाचे आहे.

एकदा आपण वापरलेल्या बाईकवर सेटल झाल्यावर, आपण मेकॅनिकसारखे तज्ञ नसल्याने तपासणी साठी आपल्या स्थानिक बाईकच्या दुकानात जायची खात्री करा. हे झाल्यानंतर आता सर्व कागदपत्रांची पूर्तता करण्याची वेळ आली आहे, जी मुख्यत: मालकी आणि इन्शुरन्स आपल्या नावावर हस्तांतरित करण्यावर आहे.

मालकीचे हस्तांतरण महत्वाचे आहे, आणि आपल्याला हे कसे करणे आवश्यक आहे:

स्टेप 1 - ज्या आर.टी.ओ(RTO) मध्ये बाईक मालकाने सुरुवातीला बाईकची नोंदणी करून घेतली त्याच आर.टी.ओ मध्ये आपल्याला बाईक ओनरशिप ट्रान्सफर करण्यासाठी अर्ज करावा लागेल.

स्टेप २ - आर.सी(RC), इन्शुरन्स, एमिशन टेस्ट, टॅक्स पेड पावत्या, तीन पासपोर्ट आकाराची छायाचित्रे विक्रेत्याचा पत्त्याचा पुरावा आदी मूळ कागदपत्रांसह परिवहन संचालनालयाच्या कार्यालयात फॉर्म 29 आणि फॉर्म 30 सादर करा.

स्टेप 3 - रजिस्टरिंग ॲथॉरिटीकडून सर्व पडताळणी झाल्यानंतर 14 दिवसांच्या आत बाइकच्या इन्शुरन्ससह मालकी तुमच्याकडे हस्तांतरित केली जाईल.

सोपं आहे ना? आणि आपल्याला आवश्यक असलेली कागदपत्रे अशी आहेत:

• विक्रेत्याच्या सहीसह फॉर्म 29 भरावा : 2 प्रती .
• दोन्ही पक्षांना फॉर्म 30 वर चेसिस प्रिंटसह स्वाक्षरी करावी लागेल: 1 प्रत
• जर दुचाकी दुसऱ्या प्रदेशातून किंवा आर.टी.ओ मधून आणली गेली असेल तर त्याने/तिने एन.ओ.सी(NOC) तयार करणे आवश्यक आहे.
• जर बाईक विक्रेत्याने कर्ज घेऊन खरेदी केली असेल तर बँकरद्वारे एन.ओ.सी तयार करणे आवश्यक आहे
• मूळ आर.सी.
• इन्शुरन्स प्रत
• उत्सर्जन चाचणी
• कर भरलेल्या पावत्या
• विक्रेत्याचा पत्ता पुरावा
• तीन पासपोर्ट आकाराची छायाचित्रे

केंद्रीय मोटार वाहन नियम, 1989 च्या नियम 81 नुसार ही वरील कागदपत्रे नोंदणी शुल्कासह नोंदणी प्राधिकरणाकडे सादर करावयाची आहेत.

संबंधित बाईक इन्शुरन्स हस्तांतरित करणे तितकेच महत्वाचे आहे. बाईकची मालकी हस्तांतरित करताना आपण सर्व प्रक्रिया योग्यरित्या पूर्ण केल्या आहेत याची खात्री करणे महत्वाचे आहे. हे सुनिश्चित करते की बाईक इन्शुरन्स हस्तांतरित करण्याची प्रक्रिया सोपी आहे.

बाईक इन्शुरन्स हस्तांतरित करण्यासाठी आपल्याला काय करावे लागेल ते येथे आहे:

• बाईक मालकी हस्तांतरणाच्या तारखेपासून 15 दिवसांच्या आत मालकाने इन्शुरन्स कंपनीकडे इन्शुरन्स हस्तांतरणासाठी अर्ज करावा.
• नोंदणी प्रमाणपत्र, मालकी हस्तांतरणाची तारीख, मूळ इन्शुरन्स पॉलिसीचा तपशील, वाहन तपशील, डीलरचे नाव आणि भरलेले प्रीमियम अशी आवश्यक कागदपत्रे सोबत ठेवा.
• मालकाच्या वैयक्तिक तपशिलाबरोबरच खरेदीदाराने इन्शुरन्स हस्तांतरणाच्या नोंदीसाठी पॅनकार्ड किंवा आधार, चालक परवाना इत्यादी आपला वैयक्तिक आय.डी(ID)ही सादर करावा. एकदा इन्शुरन्स कंपनीने सर्व कागदपत्रांची पडताळणी केली की, पॉलिसीतील नाव बदलून नव्या मालकाचे नाव टाकण्यात येईल.
• दुचाकीच्या मालकाने ट्रान्सफरच्या वेळी थर्ड पार्टी इन्शुरन्स जमा करावा, कारण बाईक इन्शुरन्स प्रीमियम कॅलक्यूलेट करणे  गरजेचे आहे.
• बाईकचा मालक आपल्या नवीन वाहनासाठी इन्शुरन्स खरेदी करताना एन.सी.बी(NCB) प्रमाणपत्र सादर केल्यावर सध्याच्या दुचाकीकडून प्रीमियमच्या रकमेवर सवलतीच्या स्वरूपात नो-क्लेम बोनसचा लाभ घेऊ शकतो.

जर आपली सेकंड हँड बाईकइन्शुरन्ससह मिळत नसेल तर ते आपण स्वत:च घेतले पाहिजे, कारण कायद्याने ते बंधनकारक आहे. सेकंड हँड बाईकसाठी सर्वात जास्त पसंतीची पॉलिसी म्हणजे  कॉम्प्रिहेन्सिव्ह इन्शुरन्स पॉलिसी आहे जी आपल्या फायद्यासाठी आपल्याला कस्टमाइज्ड ॲड-ऑन्स सह जास्तीत जास्त कव्हरेज देऊ शकते. आपण एकतर आपल्या बाईकचा ऑनलाइन विमा उतरवू शकता किंवा सर्व संबंधित कागदपत्रांसह विमा कंपनीला वैयक्तिकरित्या भेट देऊ शकता आणि विविध पॉलिसींमधून जी पॉलिसी आपल्या बाईकला सर्वात योग्य आहे ती निवडू शकता.

वापरलेल्या बाईकसाठी धोरणांचे प्रकार

थर्ड पार्टी - थर्ड पार्टी इन्शुरन्स नावाप्रमाणेच थर्ड पार्टी लॉसेस आणि मालकासाठी पर्सनल ॲक्सिडेंटचा समावेश करतो.

काय कव्हर्ड आहे?

• इजा किंवा थर्ड पार्टीचा मृत्यू
• दुसऱ्याच्या मालमत्तेचे किंवा वाहनाचे नुकसान
• जर आपल्याकडे आधीपासूनच नसेल तर मालक-ड्रायव्हरसाठी अमर्यादित वैयक्तिक नुकसान कव्हरचा पर्याय

काय कव्हर्ड नाही?

• पार्ट्स डिप्रिसिएशन, ब्रेकडाउन असिस्टन्स इ. सारख्या ॲड-ऑन्स.
• अपघात, चोरी, आग आदींमुळे स्वतःच्या वाहनाचे नुकसान.

आम्ही बऱ्याच ग्राहकांना कॉम्प्रिहेन्सिव्ह किंवा स्टँडर्ड पॅकेज पॉलिसीची शिफारस करतो. परंतु, जर आपण क्वचितच आपली बाईक चालवत असाल किंवा ती आधीच खूप जुनी असेल तर, थर्ड-पार्टी लायॅबिलिटी ही एक चांगला पर्याय आहे.

कॉम्प्रिहेन्सिव्ह पॉलिसी - या पॉलिसीमध्ये थर्ड पार्टी नुकसान, आपल्या बाईकला झालेल्या अपघातांमुळे होणारे नुकसान आणि मालकासाठी वैयक्तिक अपघात यांचा समावेश आहे. ही एक कॉम्प्रिहेन्सिव्ह किंवा स्टँडर्ड टू-व्हीलर इन्शुरन्स पॉलिसी आहे जी आपल्या बाईकला आणि अर्थातच आपल्या खिशाला सर्वात जास्त आर्थिक सुरक्षा देऊ शकते.

काय कव्हर केलेले आहे?

• थर्ड पार्टी इन्शुरन्सचे सर्व फायदे म्हणजे थर्ड पार्टीच्या मालमत्तेचे किंवा वाहनाचे नुकसान आणि हॉस्पिटलायझेशन, मृत्यू किंवा अपंगत्व यासारख्या थर्ड-पार्टीचे कोणतेही वैयक्तिक नुकसान.
• शिवाय, अपघात, आग, चोरीमुळे स्वत:च्या वाहनाचे नुकसान
• जर आपल्याकडे आधीपासूनच नसेल तर मालक-ड्रायव्हरसाठी अमर्यादित वैयक्तिक नुकसान कव्हरचा पर्याय

वापरलेल्या बाईक इन्शुरन्ससह उपलब्ध असलेले ॲड-ऑन कव्हर्स

आपल्या सेकंडहँड बाईकच्या पूर्ण संरक्षणासाठी आम्ही आपल्याला योग्य ॲड-ऑन्स देतो. जास्तीत जास्त फायदे मिळविण्यासाठी आपल्या पॉलिसीसह सर्वोत्कृष्ट बाईक इन्शुरन्स ॲड-ऑन्स निवडा.

• पार्ट्स डिप्रिसिएशन कव्हर (झीरो डेप/बंपर टू बंपर) – कालांतराने आपल्या बाईकची किंमत कमी होईल, ज्यामुळे त्याचे डिप्रिसिएशन शुल्क आकारले जाईल आणि क्लेम्सच्या वेळी त्याचाही विचार केला जाईल. तथापि, झिरो-डिप्रिसिएशन कव्हर डिप्रिसिएशन रद्द करते आणि आपल्याला डिजिट अधिकृत वर्कशॉपमध्ये क्लेम्स दरम्यान दुरुस्ती किंवा बदलीचा संपूर्ण खर्च देते.
• कंझ्युमेबल कव्हर - या ॲड-ऑनमध्ये, स्क्रू, इंजिन ऑईल्स, नट आणि बोल्ट्स, ग्रीस सारख्या भागांच्या बदलीची किंमत कव्हर केली जाते.
• इंजिन आणि गिअर-बॉक्स प्रोटेक्शन कव्हर - एखाद्या अपघातामुळे इंजिनचे नुकसान झाल्यास ते स्टँडर्ड पॅकेज पॉलिसीअंतर्गत कव्हर केले जाते. परंतु जर ते परिणामी नुकसान असेल तर ते कव्हर्ड नाही. येथे, हा ॲड-ऑन आपल्या बचावासाठी येतो, अपघात झाला नसला तरीही दुरुस्ती शुल्क कव्हर करतो.
• रिटर्न टू इनव्हॉइस कव्हर - जर आपली बाईक चोरीला गेली किंवा कोणत्याही दुरुस्तीच्या पलीकडे गेल्यास किंवा दुरुस्ती किंमत त्याच्या आय.डी.व्ही(IDV)च्या अंदाजे 75% पेक्षा जास्त असेल तर आम्ही समान नवीन बाईक खरेदी करण्याचा खर्च कव्हर करतो म्हणजे आपल्याला आय.डी.व्ही (इन्शुअर्ड डिक्लेअर्ड व्हॅल्यू) वजा करून एक्स-शोरूम किंमत किंवा लास्ट इनव्हॉईस व्हॅल्यू मिळते. तसे पाहिले, तर मग आम्ही नवीन वाहनाचे नोंदणी शुल्क आणि रस्ता कर देखील कव्हर करू.
• ब्रेकडाऊन असिस्टन्स (आर.एस.ए/RSA) –  रस्त्यावर ब्रेकडाऊन  झाल्यास 24*7 ची मदत घ्या, तसेच शहराच्या मध्यवर्ती भागापासून 500 किमीपर्यंत मदत हवी असल्यास मिळू शकते.

आपल्याला अधिक प्रश्न असतील तर आमच्याशी संपर्क साधा. तुम्हाला मदत करण्यात आम्हाला आनंद होईल!