ಹೆಲ್ತ್ ಇನ್ಶೂರೆನ್ಸ್ ಆನ್‌ಲೈನ್‌ನಲ್ಲಿ ಖರೀದಿಸಿ

ಅನಿರೀಕ್ಷಿತ ಮೆಡಿಕಲ್ ತುರ್ತು ಸಂದರ್ಭಗಳಿಗೆ ಹೆಲ್ತ್ ಇನ್ಶೂರೆನ್ಸ್ ಒಂದು ಆವಶ್ಯಕ ಭದ್ರತೆಯಾಗಿದೆ. ಆದರೆ, ಹೆಲ್ತ್ ಇನ್ಶೂರೆನ್ಸ್ ಯೋಜನೆಗಳು ಹಾಸ್ಪಿಟಲೈಸೇಷನ್ ಅಥವಾ ಚಿಕಿತ್ಸೆಯ ವೆಚ್ಚವನ್ನು ಮಾತ್ರ ಕವರ್ ಮಾಡುತ್ತದೆ ಎಂದು ಅನೇಕ ಜನರು ಊಹಿಸುತ್ತಾರೆ. ವಾಸ್ತವದಲ್ಲಿ, ಇತ್ತೀಚಿಗೆ ಹೆಲ್ತ್ ಇನ್ಶೂರೆನ್ಸ್ ಅಪಘಾತಗಳು, ಮನೋಮೆಡಿಕಲ್ ಬೆಂಬಲ, ಹೆರಿಗೆ ವೆಚ್ಚಗಳು, ಹಾಗೆಯೇ ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ಸಂಬಂಧಿತ ವೆಚ್ಚಗಳಂತಹ ವಿಷಯಗಳನ್ನು ಸಹ ಕವರ್ ಮಾಡುತ್ತದೆ.

ಆಸ್ಪತ್ರೆಯ ಶುಲ್ಕಗಳು ರೂಮ್ ಬಾಡಿಗೆ, ಶುಶ್ರೂಷೆ ಶುಲ್ಕಗಳು, ಔಷಧಿಗಳು, ಆಮ್ಲಜನಕ ಮತ್ತು ನಿಮ್ಮ ಆಸ್ಪತ್ರೆಯಲ್ಲಿ ಉಳಿಯುವ ಸಮಯದಲ್ಲಿ ಇತರ ಬಳಕೆಯ ವಸ್ತುಗಳಂತಹ ವಿಷಯಗಳನ್ನು ಒಳಗೊಂಡಿರುತ್ತದೆ, ಆದರೆ ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ವೆಚ್ಚಗಳು ಯಾವುವು? ಒಂದು ನೋಟ ಹಾಯಿಸೋಣ:

ಇವುಗಳು ಹಾಸ್ಪಿಟಲೈಸೇಷನ್ ಮೊದಲು ಉಂಟಾಗುವ ಯಾವುದೇ ಮೆಡಿಕಲ್ ವೆಚ್ಚಗಳಾಗಿವೆ. ರೋಗಿಯನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸೇರಿಸುವ ಮೊದಲು ರೋಗನಿರ್ಣಯವನ್ನು ತಲುಪಲು ನಡೆಸುವ ಮೆಡಿಕಲ್ ಪರೀಕ್ಷೆಗಳು ಇವುಗಳಲ್ಲಿ ಸೇರಿವೆ.

ಉದಾಹರಣೆಗಳಲ್ಲಿ ರೋಗನಿರ್ಣಯ ಪರೀಕ್ಷೆಗಳು, ಎಕ್ಸ್- ರೇಗಳು, ಸಿಟಿ ಸ್ಕ್ಯಾನ್‌ಗಳು, ಎಂ ಆರ್ ಐ ಗಳು, ಆಂಜಿಯೋಗ್ರಾಮ್‌ಗಳು, ತನಿಖಾ ವಿಧಾನಗಳು, ಔಷಧಿಗಳು ಮತ್ತು ಹೆಚ್ಚಿನವು ಸೇರಿವೆ. ಸಾಮಾನ್ಯವಾಗಿ, ಆಸ್ಪತ್ರೆಗೆ ದಾಖಲಾಗುವ ದಿನಾಂಕಕ್ಕಿಂತ 30 ದಿನಗಳ ಮೊದಲು ಇಂತಹ ಯಾವುದೇ ವೆಚ್ಚಗಳನ್ನು ಕವರ್ ಮಾಡಲಾಗುತ್ತದೆ, ಆದರೆ ಇದು ಇನ್ಶೂರರ್ ನಿಂದ ಇನ್ಶೂರರ್ ಗೆ ಬದಲಾಗಬಹುದು.

 ಹೆಚ್ಚಿನ ಸಂದರ್ಭಗಳಲ್ಲಿ, ಆಸ್ಪತ್ರೆಯಿಂದ ಹೊರಬಂದ ತಕ್ಷಣ ಚಿಕಿತ್ಸೆ ಮತ್ತು ಚೇತರಿಕೆ ಸಾಮಾನ್ಯವಾಗಿ ಕೊನೆಗೊಳ್ಳುವುದಿಲ್ಲ. ಪೋಸ್ಟ್ ಹಾಸ್ಪಿಟಲೈಸೇಷನ್ ವೆಚ್ಚಗಳು ರೋಗಿಯನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಿದ ನಂತರ ಉಂಟಾಗುವ ವೆಚ್ಚಗಳಾಗಿವೆ.

ಇದು ಯಾವುದೇ ಫಾಲೋ-ಅಪ್ ಚಿಕಿತ್ಸೆಗಳು, ಮೆಡಿಕಲ್ ಸಮಾಲೋಚನೆ ಅವಧಿಗಳು, ರೋಗನಿರ್ಣಯ ಪರೀಕ್ಷೆಗಳು, ಔಷಧಿ ನೀಡುವಿಕೆ ಇತ್ಯಾದಿಗಳನ್ನು ಒಳಗೊಂಡಿರುತ್ತದೆ. ಸಾಮಾನ್ಯವಾಗಿ, ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳು ಆಸ್ಪತ್ರೆಯಿಂದ ಬಿಡುಗಡೆಯಾದ ನಂತರದ 45 ಇಂದ 90 ದಿನಗಳವರೆಗೆಯಾದ ಈ ಮೆಡಿಕಲ್ ವೆಚ್ಚಗಳನ್ನು ಕವರ್ ಮಾಡುತ್ತವೆ.

ಇಂತಹ ಪ್ರತಿಯೊಂದು ಕವರ್‌ಗಳಿಗೆ ಸೂಚಿಸಲಾದ ಅವಧಿಯೊಳಗೆ ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ವೆಚ್ಚಗಳಿಗೆ ಕ್ಲೈಮ್ ಮಾಡಲು ಮರೆಯದಿರಿ. ಕೆಳಗಿನ ಹಂತಗಳನ್ನು ಪರಿಗಣಿಸಬೇಕಾಗುತ್ತದೆ:

• ಹಂತ 1: ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ಗಾಗಿ ಮಾಡಿರುವ ಕ್ಲೈಮ್ ಅನ್ನು, ರೋಗಿಯನ್ನು ಯಾವ ಸ್ಥಿತಿಗಾಗಿ ದಾಖಲಿಸಲಾಗಿದೆಯೋ ಅದೇ ಸ್ಥಿತಿಯ ಚಿಕಿತ್ಸೆಗಾಗಿ ಮಾಡಲಾಗಿದೆ ಖಚಿತಪಡಿಸಿಕೊಳ್ಳಿ.
• ಹಂತ 2: ಅಗತ್ಯವಿರುವ ಕ್ಲೈಮ್‌ಗಳ ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ನಿಮ್ಮ ಆಸ್ಪತ್ರೆಯ ಬಿಲ್‌ಗಳು ಮತ್ತು ಎಲ್ಲಾ ಸಂಬಂಧಿತ ಡಾಕ್ಯುಮೆಂಟ್‌ಗಳನ್ನು ಲಗತ್ತಿಸಿ (ರೋಗನಿರ್ಣಯದ ದೃಢೀಕರಣ, ಪ್ರಿಸ್ಕ್ರಿಪ್ಷನ್‌ಗಳು, ಡಿಸ್ಚಾರ್ಜ್ ಸಾರಾಂಶ, ಇತ್ಯಾದಿ.) ಮತ್ತು ಅದನ್ನು ನಿಮ್ಮ ಇನ್ಶೂರರ್ ಮತ್ತು ಟಿಪಿಎ ಜೊತೆಗೆ ಹಂಚಿಕೊಳ್ಳಿ.
• ಹಂತ 3: ಆಸ್ಪತ್ರೆಗೆ ದಾಖಲಾದ 45 ರಿಂದ 90 ದಿನಗಳ ಒಳಗೆ ಕ್ಲೈಮ್ ಅನ್ನು ಫೈಲ್ ಮಾಡಲು ಮರೆಯದಿರಿ. (ಕ್ಲೈಮ್ ಅನ್ನು ಫೈಲ್ ಮಾಡಲು ಇರುವ ಟೈಮ್‌ಲೈನ್‌ಗಳ ಕುರಿತು ನಿಮ್ಮ ಇನ್ಶೂರರ್ ನೊಂದಿಗೆ ಪರಿಶೀಲಿಸಿ).
• ಹಂತ 4: ಡಾಕ್ಯುಮೆಂಟ್‌ಗಳನ್ನು ಸಲ್ಲಿಸಿದ ನಂತರ, ಇನ್ಶೂರರ್ ಅವುಗಳನ್ನು ಪರಿಶೀಲಿಸುತ್ತಾರೆ ಮತ್ತು ನಂತರ, ವೆಚ್ಚಗಳು ನಿಜವಾಗಿ ರೋಗಿಯು ಆಸ್ಪತ್ರೆಗೆ ದಾಖಲಾಗಿರುವ ಮೆಡಿಕಲ್ ಸ್ಥಿತಿಗೆ ಸಂಬಂಧಿಸಿವೆ ಎಂದು ಅವರು ನಿರ್ಧರಿಸಿದರೆ, ಕ್ಲೈಮ್ ಅನ್ನು ಸ್ವೀಕರಿಸಲಾಗುತ್ತದೆ.

ನೀವು ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ವೆಚ್ಚಗಳನ್ನು ಕವರ್ ಮಾಡುವ ಹೆಲ್ತ್ ಇನ್ಶೂರೆನ್ಸ್ ಅನ್ನು ಹೊಂದಿರುವಾಗ, ಹಲವಾರು ಪ್ರಯೋಜನಗಳಿರುತ್ತವೆ, ಅವುಗಳೆಂದರೆ:

• ಕಡಿಮೆ ಹಣಕಾಸಿನ ಹೊರೆ: ಈ ಹೆಚ್ಚುವರಿ ವೆಚ್ಚಗಳು ಕವರ್ ಆಗುವುದರಿಂದ ನಿಮ್ಮ ಹಣಕಾಸಿನ ಹೊರೆಯನ್ನು ಕಡಿಮೆ ಮಾಡಲು ಸಹಾಯ ದೊರೆಯುತ್ತದೆ.
• ಕಡಿಮೆಯಾದ ಒತ್ತಡ: ನೀವು ಈ ಕವರೇಜ್ ಅನ್ನು ಹೊಂದಿರುವಾಗ, ನಿಮ್ಮ ಮೆಡಿಕಲ್ ವೆಚ್ಚಗಳ ಬಗ್ಗೆ ಹೆಚ್ಚು ಚಿಂತಿಸದೆ ನಿಮ್ಮ ಚಿಕಿತ್ಸೆ ಮತ್ತು ಚೇತರಿಕೆಯ ಮೇಲೆ ನೀವು ಗಮನ ಹರಿಸಬಹುದಾಗಿದೆ.
• ಮೆಡಿಕಲ್ ತುರ್ತುಸ್ಥಿತಿಗಳಿಗೆ ಹೆಚ್ಚು ಸಿದ್ಧ: ಯಾವುದೇ ಅನಿರೀಕ್ಷಿತ ಮೆಡಿಕಲ್ ತುರ್ತು ಪರಿಸ್ಥಿತಿಯ ಸಂದರ್ಭದಲ್ಲಿ, ಹಾಸ್ಪಿಟಲೈಸೇಷನ್ ನಂತರವೂ, ನೀವು ಇನ್ನಷ್ಟು ಸಿದ್ಧರಾಗಿರುತ್ತೀರಿ.
• ನಿಮ್ಮ ಉಳಿತಾಯವನ್ನು ಸಂರಕ್ಷಿಸುತ್ತದೆ: ನಿಮ್ಮ ಆರೋಗ್ಯಕ್ಕಾಗಿ ನೀವು ಅತ್ಯುತ್ತಮ ಕಾಳಜಿಯನ್ನು ಪಡೆಯುತ್ತಿರುವಾಗಲೂ ನಿಮ್ಮ ಉಳಿತಾಯವು ಬರಿದಾಗುವುದಿಲ್ಲ ಎಂದು ಇದು ಖಚಿತಪಡಿಸುತ್ತದೆ.

ಮೆಡಿಕಲ್ ಬಿಲ್‌ಗಳು ಹೆಚ್ಚಾಗಿ ಆಸ್ಪತ್ರೆಯಲ್ಲಿ ಉಳಿಯಲು ನೀವು ಪಾವತಿಸಬೇಕಾದುದನ್ನು ಮೀರಿ ಹೋಗುತ್ತವೆ. ನೀವು ಆಸ್ಪತ್ರೆಗೆ ಸೇರಬೇಕಾದಾಗ (ಅಪಘಾತಗಳ ಸಂದರ್ಭಗಳನ್ನು ಹೊರತುಪಡಿಸಿ), ನೀವು ಇದಕ್ಕೂ ಮೊದಲು ಹಲವಾರು ಪರೀಕ್ಷೆಗಳಿಗೆ ಒಳಗಾಗಿರುತ್ತೀರಿ ಮತ್ತು ನಂತರ, ನಿಮಗೆ ಹೆಚ್ಚಿನ ಪರೀಕ್ಷೆಗಳು, ಔಷಧಿಗಳು ಅಥವಾ ಚಿಕಿತ್ಸೆಯ ಅಗತ್ಯವಿರಬಹುದು. ಆದರೆ, ಮೆಡಿಕಲ್ ಆರೈಕೆಯ ಹೆಚ್ಚುತ್ತಿರುವ ಬೆಲೆಗಳೊಂದಿಗೆ, ಈ ವೆಚ್ಚಗಳು ತುಂಬಾ ಹೆಚ್ಚಾಗಬಹುದು ಮತ್ತು ನಿಮ್ಮ ಉಳಿತಾಯವನ್ನು ಖಾಲಿಮಾಡಿಯೇ ತೀರಬಹುದು.

ಹೀಗಾಗಿ, ನೀವು ಪ್ರೀ ಮತ್ತು ಪೋಸ್ಟ್ ಹಾಸ್ಪಿಟಲೈಸೇಷನ್ ವೆಚ್ಚಗಳಿಗೆ ಕವರೇಜ್ ಒದಗಿಸುವ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಹುಡುಕುವುದು ಮುಖ್ಯವಾಗುತ್ತದೆ.