यूलिप(ULIP) कॅल्क्युलेटर

યુનિટ લિંક્ડ ઇન્સ્યોરન્સ પ્લાન અથવા ULIP ઈન્વેસ્ટમેન્ટ અને લાઈફ ઇન્સ્યોરન્સનું સંયોજન છે. તેમાં ચૂકવેલ પ્રીમિયમનો એક ભાગ લાઈફ કવર માટે જાય છે, બાકીની રકમ ફાઈનાન્શિયલ ઈન્સ્ટ્રુમેન્ટમાં રોકવામાં આવે છે.

વધુમાં, કોઈપણ ઇન્સ્યોરન્સ પ્રોડક્ટમાં રોકાણ કરતા પહેલા, વ્યક્તિએ ખર્ચ અને રિટર્નની તુલના કરવી જોઈએ. આ સરખામણી અને રોકાણની એકંદર પ્રક્રિયાને સરળ બનાવવા માટે, ULIP કેલ્ક્યુલેટર એક મદદરૂપ સાધન બની શકે છે.

ULIP કેલ્ક્યુલેટર ઓનલાઈનથી સંબંધિત તમામ મહત્વપૂર્ણ પાસાઓ જાણવા માટે વાંચતા રહો.

ઓનલાઈન ફ્રી ULIP કેલ્ક્યુલેટર એ એક સરળ સાધન છે જે રોકાણકારોને તેમનું અપેક્ષિત વળતરનો ખ્યાલ આપે છે. આ ગણતરી માટે પ્રીમિયમ, ઉંમર, કાર્યકાળ/ટેન્યોર અને રિટર્નનો દર જેવા નિર્ણાયક ડેટા પોઈન્ટનું મૂલ્યાંકન કરે છે.

અગાઉ જણાવ્યા મુજબ જ યુલિપ બજારના જોખમોને આધીન હોય છે. આ ઓનલાઈન કેલ્ક્યુલેટર રોકાણકારોને સંભવિત વળતરનો અંદાજ કાઢવામાં જ મદદ કરશે.

વધુમાં, ભંડોળની ફાળવણી કરતા પહેલા એ સુનિશ્ચિત કરવું હિતાવહ છે કે પસંદ કરેલ ULIP સ્કીમ વ્યક્તિની જરૂરિયાતોને અનુરૂપ છે. તેમાં ULIP રિટર્ન કેલ્ક્યુલેટર સહાયક સાધનસંપન્ન સાબિત થાય છે.

[સ્ત્રોત]

યુલિપ ઇન્સ્યોરન્સ પ્લાનની સુરક્ષા અને સલામતીની સાથે ઈન્વેસ્ટમેન્ટ પ્લાનના સંપત્તિસર્જન સાથે જોડે છે. વાસ્તવમાં, યુલિપની આ બમણા ફાયદાની ખાસિયત તેને જોખમ-વિરોધી રોકાણકારોમાં લોકપ્રિય ઈન્વેસ્ટમેન્ટ ઈન્સ્ટ્રુમેન્ટ બનાવે છે. જોકે તેની વિવિધતાને જોતાં સંભવિત રોકાણકારો માટે તેમને અનુકૂળ હોય તેવો યુલિપ પ્લાન પસંદ કરવો પડકારજનક બની શકે છે.

આ સમયે યુલિપ પ્લાન રિટર્ન કેલ્ક્યુલેટર અમલમાં આવે છે. તે પ્રીમિયમની રકમ અને સંભવિત વળતરની ગણતરી કરીને દૂરંદેશી વિચાર આપે છે. પરિણામે આ ટૂલ રોકાણકારોને પ્લાનમાં અગમચેતી મેળવવા અને જાણકારીભર્યો યોગ્ય રોકાણ નિર્ણય લેવાનો અવકાશ આપે છે. સૌથી અગત્યનું યુલિપ પ્લાન કેલ્ક્યુલેટર સુનિશ્ચિત કરે છે કે વ્યક્તિઓ તેમના નાણાકીય લક્ષ્યો અને રોકાણની ક્ષિતિજને આધારે રોકાણ કરી શકે છે.

 

ઓનલાઈન યુલિપ મેચ્યોરિટી રકમ કેલ્ક્યુલેટર નીચે દર્શાવેલ સુવિધાઓ સહિત અનેક વિશેષતાઓ સાથે આવે છે:

• યુઝર્સ ફ્રેન્ડલી - યુલિપ ઇન્સ્યોરન્સ કેલ્ક્યુલેટર એ ઉપયોગમાં સરળ ડિજિટલ સાધન છે. રોકાણકારે આ કેલ્ક્યુલેટરમાં કેટલીક મુખ્ય વિગતો દાખલ કરવાની જ જરૂર છે. માહિતી દાખલ થતાં જ આ ટૂલ યુલિપ વળતરનો સ્નેપશોટ દર્શાવશે.
• ફ્લેક્સિબલ - યુલિપ ઈન્ટરેસ્ટ રેટ કેલ્ક્યુલેટર વ્યક્તિઓને યુલિપમાં ફાળવવા માટેની રકમનો પણ અંદાજ આપે છે. વધુમાં, રોકાણકારો તેમની જરૂરિયાતો અનુસાર મુખ્ય ઘટકોમાં ફેરફાર કરી શકે છે, જે પછી આઉટપુટમાં ફેરફાર થાય છે.

• પારદર્શિતા - રોકાણ પરનું રિટર્ન બજારની વધઘટ મુજબ ફેરફારને પાત્ર છે. યુલિપ કેલ્ક્યુલેટર પારદર્શિતા આપે છે કારણ કે તે ચોક્કસ સમયગાળા માટે ફંડનું વળતર નક્કી કરવામાં મદદ કરે છે.

• પ્લાનિંગ - યુલિપ ફંડ રિટર્ન કેલ્ક્યુલેટર સાથે તમે બજારમાં વિવિધ યુલિપ પ્રોડક્ટોના અંદાજિત વળતરની તુલના અને વિશ્લેષણ કરી શકો છો. વધુમાં, યુલિપ કેલ્ક્યુલેટરનો ઉપયોગ કરીને પ્લાનના તુલનાત્મક ખર્ચ-ફાયદા એનાલિસિસ સાથે વળતરનો અંદાજ લગાવવાથી રોકાણના વધુ સારા નિર્ણયો લેવામાં મદદ મળી શકે છે.

બહુપક્ષીય પ્રોડક્ટ, યુલિપ વ્યક્તિના લાંબા ગાળાના નાણાકીય ઉદ્દેશ્યોને પરિપૂર્ણ કરવા ઉપરાંત લાઈફ ઇન્સ્યોરન્સ ઓફર કરે છે. આ ઇન્સ્ટ્રુમેન્ટમાં રોકાણ કરવાની યોજના ધરાવતી વ્યક્તિઓ જાણકારીપૂર્વકનો સમજદારીભર્યો નિર્ણય લેવા માટે યુલિપ કેલ્ક્યુલેટરનો ઉપયોગ કરી શકે છે.