ఎలక్ట్రిక్ బైక్ ఇన్సూరెన్స్

ఎలక్ట్రిక్ బైక్ ఇన్సూరెన్స్ అనేది ఒక రకమైన మోటారు ఇన్సూరెన్స్. విద్యుత్​తో నడిచే టూ వీలర్లకు ప్రకృతి విపత్తులు, ప్రమాదాలు, అగ్ని ప్రమాదాల వలన సంభవించే అవకాశమున్న డ్యామేజీలు, నష్టాల నుంచి కవర్ చేస్తుంది.  

ఎలక్ట్రిక్ బైక్స్​ను e-బైక్స్ అని కూడా పిలుస్తారు లేదా ఎలక్ట్రిక్ టూ వీలర్స్ అంటారు. ఇవి పర్యావరణానికి ఎటువంటి హాని చేయవు. అందుకోసమే ఇవి రోజురోజుకూ ప్రసిద్ధి చెందుతున్నాయి. రెగ్యులర్ బైక్స్​తో పోల్చుకుంటే రోడ్డు మీద వెళ్లేటపుడు కూడా వీటి నుంచి ఎక్కువ శబ్దం రాదు.

సాధారణంగా వాహనాలకు ఇంధనంగా పెట్రోల్ అవసరం. కానీ వీటికి మాత్రం విద్యుత్​తో చార్జ్ చేస్తే సరిపోతుంది. (మీ స్మార్ట్​ఫోన్​కు చార్జింగ్ పెట్టిన విధంగానే).

భారతదేశంలో ఎలక్ట్రిక్ వాహనాల కాన్సెప్ట్ ఇప్పటికీ కొత్తదిగానే అనిపిస్తుంటుంది. కానీ ఎలక్ట్రిక్ వాహనాలకు బైక్ ఇన్సూరెన్స్ పాలసీ పొందడం అనేది మాత్రం సాధారణంగా పెట్రోల్​తో నడిచే వాహనాలతో పోల్చుకుంటే వేరుగా ఉండదు.

మీరు ఎంతగానో ఇష్టపడే ఎలక్ట్రిక్ స్కూటర్​కు ఎటువంటి సమయంలో ఏం జరుగుతుందో ఎవరూ చెప్పలేరు. ప్రస్తుతం ఎలక్ట్రిక్ బైక్ ఇండస్ట్రీ రాకెట్ వేగంతో దూసుకుపోతుంది. ఇది ఇప్పుడిప్పుడే అభివృద్ధిలోకి వచ్చింది కాబట్టి షరతులు, నిబంధనలు ఇంకా సెట్ చేయలేదు. ఏదేమైనప్పటికీ e-బైక్స్ చాలా ఖర్చుతో కూడుకున్నవి.

ఈ బైక్స్​లో ఉన్న పరికరాలు, ఇందులో ఉండే టెక్నాలజీ చాలా సంక్లిష్టంగా ఉంటుంది. ఇందులోని మెకానికల్ భాగాలు ఎప్పుడైనా కానీ మీకు ఇబ్బంది కలిగించవచ్చు. అందుకోసమే ఇతర రకాల వాహనాల వలె ఈ వాహనానికి కూడా బీమా కలిగి ఉండటం చాలా అవసరం. అంతే కాకుండా మీరు ఎటువంటి చింత లేకుండా బండి నడిపేందుకు ఇది ఉపయోగపడుతుంది.

మోటారు వాహనాల చట్టం ప్రకారం కనీసం థర్డ్ పార్టీ ఇన్సూరెన్స్ అయినా కలిగి ఉండటం తప్పనిసరి.