ಹೆಲ್ತ್ ಇನ್ಶೂರೆನ್ಸ್ ಆನ್‌ಲೈನ್‌ನಲ್ಲಿ ಖರೀದಿಸಿ

ಹೆಚ್ಚುತ್ತಿರುವ ಆನ್‌ಸೈಟ್ ಉದ್ಯೋಗಾವಕಾಶಗಳೊಂದಿಗೆ, ಜನರು ತಮ್ಮ ವೃತ್ತಿಯನ್ನು ಮುಂದುವರಿಸಲು ತಮ್ಮ ಕುಟುಂಬಗಳಿಂದ ಮೈಲುಗಟ್ಟಲೆ ದೂರ ಹೋಗುತ್ತಿದ್ದಾರೆ. ಇದು ಯಾವುದೇ ಆದರೆಗಳಿಲ್ಲದ ಲಾಭದಾಯಕ ಆಯ್ಕೆಯಾಗಿ ಕಾಣಿಸಬಹುದಾದರೂ, ಒಬ್ಬರು ಹೊರದೇಶಕ್ಕೆ ಹೋಗುವ ನಿರ್ಧಾರವನ್ನು ತೆಗೆದುಕೊಳ್ಳುವ ಮೊದಲು ಪರಿಶೀಲನೆ ನಡೆಸಬೇಕಾದಂತಹ ಹಲವಾರು ಅಂಶಗಳಿವೆ; ಪಾಲಕರ ಆರೈಕೆಯು ಇಲ್ಲಿ ಮೊಟ್ಟಮೊದಲ ಕಾಳಜಿಗಳಲ್ಲಿ ಒಂದಾಗಿದೆ. ಇತ್ತೀಚಿನ ಕೋವಿಡ್ 19 ಸಾಂಕ್ರಾಮಿಕವು ಅವರ ಪೋಷಕರ ಆರೋಗ್ಯ ಮತ್ತು ಯೋಗಕ್ಷೇಮಕ್ಕಾಗಿ ಎನ್‌ಆರ್‌ಐಗಳ ಈ ಕಾಳಜಿಯನ್ನು ಮತ್ತಷ್ಟು ಹೆಚ್ಚಿಸಿದೆ. 

ಕೌಟುಂಬಿಕ ಆರೋಗ್ಯದ ಕಡೆಗೆ ತೆಗೆದುಕೊಳ್ಳಲಾದ ಪ್ರಮುಖ ಹೆಜ್ಜೆಗಳಲ್ಲಿ ಒಂದೆಂದರೆ ಹೆಲ್ತ್ ಇನ್ಶೂರೆನ್ಸ್ ಅನ್ನು ಖರೀದಿಸುವುದು ಮತ್ತು ಇದು ಎನ್‌ಆರ್‌ಐಗಳಿಗೂ ಅನ್ವಯಿಸುತ್ತದೆ. ಈ ನಿಟ್ಟಿನಲ್ಲಿ, ಆಗಾಗ್ಗೆ ಉದ್ಭವಿಸುವ ಸಾಮಾನ್ಯ ಪ್ರಶ್ನೆಯೆಂದರೆ, "ಎನ್‌ಆರ್‌ಐಗಳು ಭಾರತದಲ್ಲಿ ವಾಸಿಸುವ ತಮ್ಮ ಪೋಷಕರಿಗೆ ಹೆಲ್ತ್ ಇನ್ಶೂರೆನ್ಸ್ ಅನ್ನು ಖರೀದಿಸಬಹುದೇ?" ಈ ಪ್ರಶ್ನೆಗೆ ಉತ್ತರಿಸುತ್ತಾ, ಐಆರ್‌ಡಿಎ ಪ್ರಕಾರ, ಹೌದು, ಎನ್‌ಆರ್‌ಐಗಳು ಖಂಡಿತವಾಗಿಯೂ ಭಾರತದಲ್ಲಿ ವಾಸಿಸುವ ತಮ್ಮ ಪೋಷಕರಿಗೆ ಹೆಲ್ತ್ ಇನ್ಶೂರೆನ್ಸ್ ಖರೀದಿಸಬಹುದು.

• ಹೆಚ್ಚಿನ ವೈದ್ಯಕೀಯ ವೆಚ್ಚಗಳು : ಕಳೆದ ಕೆಲವು ದಶಕಗಳಲ್ಲಿ ಆಗಿರುವ ಜೀವಿತಾವಧಿಯಲ್ಲಿಯ ಹೆಚ್ಚಳವು ಒಂದು ಅನವಶ್ಯಕ ತಿರುವನ್ನೂ ಹೊಂದಿದೆ. ವೈದ್ಯಕೀಯ ವೆಚ್ಚಗಳು ಗಗನಕ್ಕೇರುತ್ತಿವೆ ಮತ್ತು ವಿಶೇಷವಾಗಿ ವೃದ್ಧಾಪ್ಯದಲ್ಲಿ ದುಬಾರಿ ವೈದ್ಯಕೀಯ ನೆರವು ಅಗತ್ಯವಿರುವ ಅನೇಕ ಘಟನೆಗಳು ಸಂಭವಿಸುತ್ತವೆ. ಇಂತಹ ಸಂದರ್ಭಗಳಲ್ಲಿ, ಒಂದು ಹೆಲ್ತ್ ಇನ್ಶೂರೆನ್ಸ್ ನಿಮ್ಮ ಉಳಿತಾಯಕ್ಕೆ ಕುಶನ್ ನೀಡುತ್ತದೆ.

• ಪಿಂಚಣಿಯನ್ನು ಸಂತೋಷದ ದಿನಗಳಿಗಾಗಿ ಉಳಿಸಿ : ನಿಮ್ಮ ಪೋಷಕರು ಪಿಂಚಣಿದಾರರಾಗಿದ್ದರೂ ಸಹ, ಆ ಪಿಂಚಣಿಯನ್ನು ಅವರ ವೈಯಕ್ತಿಕ ವೆಚ್ಚಗಳಿಗಾಗಿ ಸುರಕ್ಷಿತವಾಗಿರಿಸಿಕೊಳ್ಳಿ. ಉಳಿತಾಯದ ಪ್ರಮುಖ ಭಾಗವನ್ನು ನುಂಗಿಬಿಡುವ ವೈದ್ಯಕೀಯ ತುರ್ತುಸ್ಥಿತಿಗಳಿಗಾಗಿ, ಹೆಲ್ತ್ ಇನ್ಶೂರೆನ್ಸ್ ಅನ್ನು ಹೊಂದುವುದು ಎಂದಿಗೂ ಜಾಣ್ಮೆಯ ನಿರ್ಧಾರವಾಗಿರುತ್ತದೆ. 

• ಅನಿರೀಕ್ಷಿತ ಸಮಯಕ್ಕಾಗಿ ನಿಮ್ಮ ಪೋಷಕರನ್ನು ಸ್ವಾವಲಂಬಿಗಳನ್ನಾಗಿ ಮಾಡಿ : ಭಾರತೀಯ ಜನಸಂಖ್ಯೆಯ ಬಹುಪಾಲು ಭಾಗವು ಪಿಂಚಣಿ ಸೌಲಭ್ಯವನ್ನೂ ಹೊಂದಿಲ್ಲ. ಇಂತಹ ಸಂದರ್ಭಗಳಲ್ಲಿ, ಪೋಷಕರು ಹೆಚ್ಚಾಗಿ ತಮ್ಮ ಗಳಿಸುವ ಮಕ್ಕಳ ಮೇಲೆ ಅಥವಾ ಅವರ ಜೀವಮಾನದ ಉಳಿತಾಯದ ಮೇಲೆ ಅವಲಂಬಿತರಾಗಿರುತ್ತಾರೆ. ಈ ಎರಡೂ ಸಂದರ್ಭಗಳಲ್ಲಿ, ಹೆಲ್ತ್ ಇನ್ಶೂರೆನ್ಸ್ ವೈದ್ಯಕೀಯ ತುರ್ತು ಸಂದರ್ಭಗಳಲ್ಲಿ ನಮ್ಮ ಉಳಿತಾಯಕ್ಕೆ ಹೊಡೆತ ಬೀಳದಂತೆ ಅದನ್ನು ರಕ್ಷಿಸುತ್ತದೆ. ಅಲ್ಲದೆ, ಕೈಯಲ್ಲಿ ನಗದು ರಹಿತ ಇನ್ಶೂರೆನ್ಸ್ ಇರುವುದರಿಂದ, ನಾವು ಅವರೊಂದಿಗೆ ಇಲ್ಲದಿದ್ದರೂ ಸಹ ನಮ್ಮ ಪೋಷಕರು ಸರಳವಾದ ಗೊಂದಲ ಮುಕ್ತ ಹೆಲ್ತ್ ಕೇರ್ ಅನ್ನು ಪಡೆಯಬಹುದು. 

• ಉಳಿತಾಯಕ್ಕೆ ಆರ್ಥಿಕ ಕುಶನ್ : ಮೆಡಿಕಲ್ ಬಿಲ್‌ಗಳನ್ನು ಪಾವತಿಸುವುದು ಖಂಡಿತವಾಗಿಯೂ ಶ್ರಮದಾಯಕ ಕೆಲಸವಾಗಿದೆ ಮತ್ತು ಒಂದು ಯೋಜಿತ ಉದ್ದೇಶಕ್ಕಾಗಿ ಬಳಸಬಹುದಾದ ಉಳಿತಾಯದ ಮೇಲೆ ಭಾರೀ ಹೊಡೆತವನ್ನು ನೀಡುತ್ತದೆ. ಮತ್ತು ಈ ಆರೋಗ್ಯದ ಅವಶ್ಯಕತೆಗಳು ಅತ್ಯಂತ ಅನಿರೀಕ್ಷಿತ ಸಮಯದಲ್ಲಿಯೇ ಬರುತ್ತವೆ. ಅಂತಹ ಸಮಯಗಳಿಗಾಗಿ, ನಿಮ್ಮ ಯೋಜನೆಗಳು ಮತ್ತು ಸಂತೋಷದ ಸಮಯಗಳು ಕೆಡದಂತೆ ಹೆಲ್ತ್ ಇನ್ಶೂರೆನ್ಸ್ ಅನ್ನು ಪಡೆಯಿರಿ. 

• ಸ್ವಲ್ಪ ಹೆಚ್ಚು ಟ್ಯಾಕ್ಸ್ ಉಳಿತಾಯ ಯಾವಾಗಲೂ ಸ್ವಾಗತಾರ್ಹವಾಗಿದೆ : ಭಾರತದಲ್ಲಿ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗೆ ಪಾವತಿಸುವ ಪ್ರೀಮಿಯಂ ಭಾರತೀಯ ಆದಾಯ ತೆರಿಗೆ ಕಾಯಿದೆಯ ಪ್ರಕಾರ ಟ್ಯಾಕ್ಸ್ ವಿನಾಯಿತಿ ಅಡಿಯಲ್ಲಿ ಬರುತ್ತದೆ. ಇದು ಸ್ವಂತ, ಸಂಗಾತಿ, ಅವಲಂಬಿತ ಮಕ್ಕಳು ಮತ್ತು ಅವಲಂಬಿತ ಪೋಷಕರಿಗೆ ಪಾವತಿಸಿದ ಯಾವುದೇ ಪ್ರೀಮಿಯಂ ಅನ್ನು ಒಳಗೊಂಡಿರುತ್ತದೆ. ಆದ್ದರಿಂದ, ಎನ್‌ಆರ್‌ಐ ಗಳು ಸೆಕ್ಷನ್ 80ಡಿ ಅಡಿಯಲ್ಲಿ ತಮ್ಮ ಭಾರತೀಯ ಆದಾಯದ ಮೇಲೆ ರಿಯಾಯಿತಿಯನ್ನು ಪಡೆಯಬಹುದಾಗಿದೆ. 

   

ಟ್ಯಾಕ್ಸ್ ಪ್ರಯೋಜನಗಳ ಬಗ್ಗೆ ಇನ್ನಷ್ಟು ತಿಳಿಯಿರಿ: 

• ಹೆಲ್ತ್ ಇನ್ಶೂರೆನ್ಸ್ ಟ್ಯಾಕ್ಸ್ ಪ್ರಯೋಜನ

• ಹಿರಿಯ ನಾಗರಿಕರಿಗೆ ಆದಾಯ ತೆರಿಗೆ ಪ್ರಯೋಜನಗಳು