ಹೆಲ್ತ್ ಇನ್ಶೂರೆನ್ಸ್ ಆನ್‌ಲೈನ್‌ನಲ್ಲಿ ಖರೀದಿಸಿ

Exclusive

Wellness Benefits

24*7 Claims

Support

Tax Savings

u/s 80D

9000+ Cashless Hospitals PAN India

Pincode

+91 Enter Mobile Number

Try agian later

I agree to the Terms & Conditions

Port My Policy

Download Policy

(Incl 18% GST)

ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಕುರಿತ ಸಂಪೂರ್ಣ ವಿವರಣೆ

ಹದಗೆಡುತ್ತಿರುವ ಆರೋಗ್ಯವು ಯಾವಾಗಲೂ ಚಿಂತೆಗೆ ಕಾರಣವಾಗುತ್ತದೆ. ಇದು ಸರಳವಾದ ಶೀತವಾಗಿರಲಿ ಅಥವಾ ಹೆಚ್ಚು ತೀವ್ರತರದ ಸ್ಥಿತಿಯಾಗಿರಲಿ, ಅನಾರೋಗ್ಯಗಳು ಜೀವನದಲ್ಲಿ ಅನೇಕ ಸಹಜ ಕೆಲಸಗಳನ್ನೂ ಮಾಡದಂತೆ ತಡೆಯುತ್ತವೆ. ಇದಲ್ಲದೆ, ನೀವು ಉನ್ನತ ಅಧ್ಯಯನದಲ್ಲಿ ಅಥವಾ ಉದ್ಯೋಗದಲ್ಲಿ ತೊಡಗಿದ್ದರೆ, ಇಂತಹ ಆರೋಗ್ಯ ಪರಿಸ್ಥಿತಿಗಳು ನಿಮಗೆ ಮುಖ್ಯವಾದ ನಿಗದಿತ ವೇಳಾಪಟ್ಟಿಯಲ್ಲಿ ರಾಜಿಯಾಗುವಂತೆ ಮಾಡಬಹುದು.

ಅಲ್ಲದೆ, ಇವು ಸಂಭವಿಸಿದಾಗ, ಕೆಲವು ಕಾಯಿಲೆಗಳು ಹೆಚ್ಚು ದುಃಖ ತಂದುಕೊಡುತ್ತವೆ ಮತ್ತು ನಂತರದಲ್ಲಿ ಅವು ತೀವ್ರವಾದ ಡ್ಯಾಮೇಜ್ ಅನ್ನು (ಆರೋಗ್ಯ ಮತ್ತು ಹಣಕಾಸಿನ ವಿಷಯದಲ್ಲಿ) ಉಳಿಸಿಹೋಗುತ್ತವೆ. ಇವುಗಳನ್ನು ಕ್ರಿಟಿಕಲ್ ಇಲ್‌ನೆಸ್ ಎಂದು ಕರೆಯಲಾಗುತ್ತದೆ ಮತ್ತು ನೀವು ಅವುಗಳಿಗೆ ಸೂಕ್ತವಾಗಿ ಸಿದ್ಧರಾಗಿರದಿದ್ದರೆ ನಿಮ್ಮ ಜೀವನದಲ್ಲಿ ಅವು ಡ್ಯಾಮೇಜ್ ಅನ್ನು ಉಂಟುಮಾಡಬಹುದು.

ಇವುಗಳನ್ನು ಹೆಚ್ಚು ವಿವರವಾಗಿ ನೋಡೋಣ.

ಕ್ರಿಟಿಕಲ್ ಇಲ್‌ನೆಸ್ ಎಂದರೇನು?

ಕ್ರಿಟಿಕಲ್ ಇಲ್‌ನೆಸ್ ಮಾರಣಾಂತಿಕ ಮತ್ತು ತೀವ್ರವಾದ ಆರೋಗ್ಯ ಪರಿಸ್ಥಿತಿಗಳನ್ನು ಸೂಚಿಸುತ್ತವೆ. ಇವುಗಳಿಗೆ ತೀವ್ರವಾದ ಮೆಡಿಕಲ್ ಕೇರ್ ಅಗತ್ಯವಿರುತ್ತದೆ. ಸಾಮಾನ್ಯವಾಗಿ, ಅಂತಹ ಕಾಯಿಲೆಗಳಿಗೆ ದೀರ್ಘಕಾಲದ ಮೆಡಿಕಲ್ ಕೇರ್ ಅಗತ್ಯವಿರುತ್ತದೆ, ಆಸ್ಪತ್ರೆ ಅಥವಾ ಮನೆಯಲ್ಲಿಯೇ ಚಿಕಿತ್ಸೆ ನೀಡಬಹುದಾಗಿರುತ್ತದೆ.

ಆದ್ದರಿಂದ, ಇತರ ಕಾಯಿಲೆಗಳ ಚಿಕಿತ್ಸೆಗೆ ಹೋಲಿಸಿದರೆ ಕ್ರಿಟಿಕಲ್ ಇಲ್‌ನೆಸ್ ಚಿಕಿತ್ಸೆಗಳಿಗೆ ಖರ್ಚಾಗುವ ವೆಚ್ಚವು ಸಾಮಾನ್ಯವಾಗಿ ಹೆಚ್ಚಾಗಿರುತ್ತದೆ.

Team Digit

ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್/ಕವರ್ ಎಂದರೇನು?

ನೀವು ಮಾರಣಾಂತಿಕ ಸ್ಥಿತಿಯಿಂದ ಪೀಡನೆಗೆ ಒಳಗಾಗಿದ್ದರೆ ಸ್ಟ್ಯಾಂಡರ್ಡ್ ಹೆಲ್ತ್ ಪ್ಲಾನ್ ಅದಕ್ಕೆ ಅಗತ್ಯವಿರುವ ಸೂಕ್ತ ರಕ್ಷಣೆ ನೀಡಲು ವಿಫಲವಾಗಬಹುದು. ಉದಾಹರಣೆಗೆ ಕ್ಯಾನ್ಸರ್ ಒಂದು ಕ್ರಿಟಿಕಲ್ ಇಲ್‌ನೆಸ್ ಆಗಿದ್ದು, ಚಿಕಿತ್ಸೆಗೆ ಗಣನೀಯ ವೆಚ್ಚಗಳನ್ನು ಒಳಗೊಂಡಿರುತ್ತದೆ. ಆ ಚಿಕಿತ್ಸೆ ಸಾಮಾನ್ಯ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್ ನಲ್ಲಿ ಸಮ್ ಇನ್ಶೂರ್ಡ್ ಗಿಂತ ತುಂಬಾ ಹೆಚ್ಚಿನ ಮೊತ್ತವನ್ನು ಬಯಸುತ್ತದೆ.

ವಿಶೇಷವಾಗಿ ಭಾರತದಲ್ಲಿ ಇಂದು ಗುಣಮಟ್ಟದ ಆರೈಕೆ ತುಂಬಾ ದುಬಾರಿಯಾಗಿದೆ. ಆದ್ದರಿಂದ ಅಂಥಾ ತೀವ್ರ ಪರಿಸ್ಥಿತಿಗಳನ್ನು ಸುಲಭವಾಗಿ ನಿರ್ವಹಿಸಲು ಸಾಧ್ಯವಾಗುವ ನಿರ್ದಿಷ್ಟ ಇನ್ಶೂರೆನ್ಸ್ ಪಾಲಿಸಿಯು ಅಗತ್ಯವಾಗಿದೆ. ಈ ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಪ್ಲಾನ್ ಗಳು ಕಡಿಮೆ ತೀವ್ರತೆಯ ರೋಗಗಳು ಮತ್ತು ಹಾಸ್ಪಿಟಲೈಸೇಷನ್ ವಿರುದ್ಧ ಯಾವುದೇ ಕವರೇಜನ್ನು ನೀಡುವುದಿಲ್ಲ. ಆದರೆ ಪಟ್ಟಿ ಮಾಡಲಾದ ತೀವ್ರತರದ ಪರಿಸ್ಥಿತಿಗಳಲ್ಲಿ ಒಂದನ್ನು ಗುರುತಿಸಿದಾಗ ಮಾತ್ರ ಅನ್ವಯವಾಗುತ್ತದೆ.

ಕ್ರಿಟಿಕಲ್ ಇಲ್‌ನೆಸ್ ಪ್ಲಾನ್ ಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ?

ರೆಗ್ಯುಲರ್ ಹೆಲ್ತ್ ಇನ್ಶೂರೆನ್ಸ್ ಯೋಜನೆಗಳಲ್ಲಿ ವೈದ್ಯಕೀಯ ಆರೈಕೆಯ ಸಂದರ್ಭದಲ್ಲಿ ಉಂಟಾದ ಖರ್ಚುವೆಚ್ಚಗಳ ಮರುಪಾವತಿಯನ್ನು ನೀವು ಸ್ವೀಕರಿಸುತ್ತೀರಿ.

ಆದಾಗ್ಯೂ, ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ಯಾವುದೇ ಕ್ರಿಟಿಕಲ್ ಇಲ್‌ನೆಸ್ ಪತ್ತೆಯಾದ ಸಂದರ್ಭದಲ್ಲಿ ಅದರ ಚಿಕಿತ್ಸೆಯ ವೆಚ್ಚವನ್ನು ಸರಿದೂಗಿಸುವಷ್ಟು ಒಂದು ದೊಡ್ಡ ಮೊತ್ತವನ್ನು ನೀವು ಪಡೆಯಬಹುದು.

ಉದಾಹರಣೆಗೆ, ಪಾಲಿಸಿಯ ಸಮ್ ಇನ್ಶೂರ್ಡ್ ₹25 ಲಕ್ಷ ಆಗಿದೆ ಎಂದಿಟ್ಟುಕೊಳ್ಳಿ. ನಿಮ್ಮ ಇನ್ಶೂರೆನ್ಸ್ ಪೂರೈಕೆದಾರರು ನೀಡಿರುವ ಕ್ರಿಟಿಕಲ್ ಇಲ್‌ನೆಸ್ ಪಟ್ಟಿಯಲ್ಲಿ ಇರುವ ಮಾರಣಾಂತಿಕ ಕಾಯಿಲೆಗಳಲ್ಲಿ ಯಾವುದೋ ಒಂದು ಕಾಯಿಲೆ ನಿಮ್ಮಲ್ಲಿ ಕಂಡುಬಂದರೆ, ಆ ತಕ್ಷಣ ನೀವು ಈ ಸಂಪೂರ್ಣ ಮೊತ್ತವನ್ನು ಕ್ಲೈಮ್ ಮಾಡಬಹುದು.

ಇನ್ನಷ್ಟು ಓದಿ: ಕೋವಿಡ್ 19 ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯು ಏನನ್ನು ಕವರ್ ಮಾಡುತ್ತದೆ?

ಕ್ರಿಟಿಕಲ್ ಇಲ್‌ನೆಸ್ ಗಳ ಪಟ್ಟಿ

ಕ್ರಿಟಿಕಲ್ ಇಲ್‌ನೆಸ್ ಗಳ ಪಟ್ಟಿಯಲ್ಲಿ ಬರುವ ಕೆಲವು ಕಾಯಿಲೆಗಳು ಈ ಕೆಳಗಿನಂತಿವೆ, ಅವುಗಳ ಚಿಕಿತ್ಸಾ ವೆಚ್ಚವು ಸಾಮಾನ್ಯವಾಗಿ ಸ್ಟ್ಯಾಂಡರ್ಡ್ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳ ಸಮ್ ಇನ್ಶೂರ್ಡ್ ಅನ್ನು ಮೀರುತ್ತದೆ.

ಮಯೋಕಾರ್ಡಿಯಲ್ ಇನ್ ಫಾರ್ಕ್ಷನ್ ಅಥವಾ ಹೃದಯಾಘಾತ	ಮಹಾಪಧಮನಿಯ ಸರ್ಜರಿ
ಕೊನೆಯ ಹಂತದ ಯಕೃತ್ತಿನ ವೈಫಲ್ಯ	ತೆರೆದ ಹೃದಯ ಸಿ.ಎ.ಬಿ.ಜಿ (CABG) ಅಥವಾ ಬೈಪಾಸ್ ಸರ್ಜರಿ
ಅಪಾಲಿಕ್ ಸಿಂಡ್ರೋಮ್ ಅಥವಾ ಪರ್ಸಿಸ್ಟೆಂಟ್ ವೆಜಿಟೇಟಿವ್ ಸ್ಥಿತಿ	ಹಾನಿಕರವಲ್ಲದ ಬ್ರೈನ್ ಟ್ಯೂಮರ್ ಗಳು
ಎಂಡ್-ಸ್ಟೇಜ್ ಲಂಗ್ ಫೇಲ್ಯೂರ್	ಅಲ್ಜೈಮರ್ ಕಾಯಿಲೆ
ಮೋಟಾರ್ ನ್ಯೂರಾನ್ ಕಾಯಿಲೆ	ಒಂದು ನಿರ್ದಿಷ್ಟ ಹಂತವನ್ನು ದಾಟಿದ ಕ್ಯಾನ್ಸರ್
ಪೋಲಿಯೊಮೈಲಿಟಿಸ್	ಶಾಶ್ವತ ಅಂಗ ಪಾರ್ಶ್ವವಾಯು
ಲಾಸ್ ಆಫ್ ಲಿಂಬ್	ತೀವ್ರತರದ ತಲೆಗೆ ಪೆಟ್ಟು
ನಿರ್ದಿಷ್ಟ ತೀವ್ರತೆ ಮೀರಿದ ಕೋಮಾ	ಮಸ್ಕ್ಯೂಲರ್ ಡಿಸ್ಟ್ರೋಫಿ
ಶಾಶ್ವತ ಅಂಗವೈಕಲ್ಯಕ್ಕೆ ಕಾರಣವಾಗುವ ಪಾರ್ಶ್ವವಾಯು	ಮೆಡುಲ್ಲರಿ ಸಿಸ್ಟಿಕ್ ಕಾಯಿಲೆ
ಅಪ್ಲಾಸ್ಟಿಕ್ ಅನೀಮಿಯಾ	ತೀವ್ರ ಅಥವಾ ಥರ್ಡ್-ಡಿಗ್ರಿ ಸುಟ್ಟಗಾಯಗಳು
ಆಂಜಿಯೋಪ್ಲಾಸ್ಟಿ	ಪಾರ್ಕಿನ್ಸನ್ ಕಾಯಿಲೆ
ಕಾರ್ಡಿಯೊಮಿಯೊಪತಿ ಅಥವಾ ಹೃದಯ ಸ್ನಾಯುವಿನ ಕಾಯಿಲೆ	ಕುರುಡುತನ
ದೀರ್ಘಕಾಲದ ಶ್ವಾಸಕೋಶದ ಕಾಯಿಲೆ	ಬೋನ್ ಮ್ಯಾರೊ ಟ್ರಾನ್ಸ್ ಪ್ಲಾಂಟ್
ಮಲ್ಟಿಪಲ್ ಸ್ಕ್ಲೆರೋಸಿಸ್‌ಗೆ ಸಂಬಂಧಿಸಿದ ನಿರಂತರ ಲಕ್ಷಣಗಳು	ಹೃದಯ ಕವಾಟ ಶಸ್ತ್ರಚಿಕಿತ್ಸೆ
ಮೂತ್ರಪಿಂಡ ವೈಫಲ್ಯ	ಆರ್ಗನ್ ಟ್ರಾನ್ಸ್ ಪ್ಲಾಂಟ್
ಬ್ರೈನ್ ಸರ್ಜರಿ	ಸ್ವತಂತ್ರ ಅಸ್ತಿತ್ವವನ್ನು ಕಳೆದುಕೊಂಡಿರುವುದು
ಕಿವುಡುತನ	ಮಾತು ಕಳೆದುಕೊಂಡಿರುವುದು

ಆದಾಗ್ಯೂ, ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಪಾಲಿಸಿಯ ಅಡಿಯಲ್ಲಿ ಬರುವ ಕಾಯಿಲೆಗಳ ಸಂಖ್ಯೆಯು ಒಂದು ಇನ್ಶೂರೆನ್ಸ್ ಕಂಪನಿಯಿಂದ ಇನ್ನೊಂದು ಕಂಪನಿಗೆ ಬದಲಾಗಬಹುದು. ಹೆಚ್ಚಿನ ಮಾಹಿತಿಗಾಗಿ, ನಿಮ್ಮ ಇನ್ಶೂರೆನ್ಸ್ ಪೂರೈಕೆದಾರರೊಂದಿಗೆ ನೀವು ಚರ್ಚಿಸಬಹುದು.

ಅಂತಹ ವಿಶೇಷ ಪ್ಲಾನ್ ಗಳ ಅಡಿಯಲ್ಲಿ ಬರುವ ಕ್ರಿಟಿಕಲ್ ಇಲ್‌ನೆಸ್ ಗಳ ಸಂಪೂರ್ಣ ಪಟ್ಟಿಯನ್ನು ಕಂಪನಿಯು ನಿಮಗೆ ಒದಗಿಸಬಹುದು.

ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಖರೀದಿಸುವುದು ಹೇಗೆ?

ಕ್ರಿಟಿಕಲ್ ಇಲ್‌ನೆಸ್ ಪಟ್ಟಿಯ ಬಗ್ಗೆ ನಿಮಗೆ ಈಗಾಗಲೇ ತಿಳಿದಿದೆ. ಈಗ ನೀವು ಪಾಲಿಸಿಯನ್ನು ಖರೀದಿಸುವ ಪ್ರಕ್ರಿಯೆಯನ್ನು ತಿಳಿಯಬೇಕು. ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಪಡೆಯಲು ನಿಮಗೆ ಎರಡು ಉಪಯುಕ್ತ ಆಯ್ಕೆಗಳಿವೆ.

ಒಂದು ಸ್ವತಂತ್ರ ಪಾಲಿಸಿಯಾಗಿ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಖರೀದಿಸುವುದು.
ಎರಡನೆಯದು ಈಗಾಗಲೇ ಇರುವ ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪ್ಲಾನ್ ನಲ್ಲಿ ಆ್ಯಡ್-ಆನ್ ಯೋಜನೆಯನ್ನು ಖರೀದಿಸುವುದು.

ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಹೊಂದಿರದ ವ್ಯಕ್ತಿಗಳು ಸ್ವತಂತ್ರ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿ ಖರೀದಿಸುವುದು ಒಳಿತು.

ಕ್ರಿಟಿಕಲ್ ಇಲ್‌ನೆಸ್ ಪ್ಲಾನ್ ಗಳು ಏಕೆ ಮುಖ್ಯ?

ಆರೋಗ್ಯ ಕಾಳಜಿ ವೆಚ್ಚಗಳಲ್ಲಿ ಗಣನೀಯ ಪ್ರಮಾಣದ ಏರಿಕೆ ಆಗಿರುವುದು ಒತ್ತಡಕ್ಕೆ ಮತ್ತು ಆರೋಗ್ಯ ಹದಗೆಡುವಿಕೆಗೆ ಕಾರಣವಾಗಿದೆ. ವರದಿಯೊಂದರ ಪ್ರಕಾರ 2018-19ರ ಭಾರತದ ಹೆಲ್ತ್ ಕೇರ್ ಹಣದುಬ್ಬರವು ಸುಮಾರು ಶೇ.7.4ರಷ್ಟಿದೆ. ಇದು ದೇಶದ ಒಟ್ಟಾರೆ ಹಣದುಬ್ಬರ ದರವಾದ ಶೇ.3.4ಗಿಂತ ಎರಡು ಪಟ್ಟು ಹೆಚ್ಚು. (1)

ನಿಮ್ಮ ರೆಗ್ಯುಲರ್ ಮೆಡಿಕಲ್ ಇನ್ಶೂರೆನ್ಸ್ ಪ್ಲಾನ್ ಕ್ರಿಟಿಕಲ್ ಇಲ್‌ನೆಸ್ ಚಿಕಿತ್ಸೆ ವೆಚ್ಚಗಳ ವಿರುದ್ಧ ರಕ್ಷಣೆ ನೀಡಲು ವಿಫಲವಾದಾಗ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಗಳಿಂದ ಬರುವ ಹೆಚ್ಚುವರಿ ಹಣಕಾಸಿನ ನೆರವು ನಿಮಗೆ ಸಹಾಯ ಮಾಡಬಹುದು.

ಹೀಗಾಗಿ, ದೇಶದಲ್ಲಿ ಕೈಗೆಟುಕುವ ಮತ್ತು ಗುಣಮಟ್ಟದ ಆರೋಗ್ಯಸೇವೆಗಳ ಬಗ್ಗೆ ನಿಮಗಿರುವ ಚಿಂತೆ ಸಮರ್ಥನೀಯವಾದುದು.

ಗುಣಮಟ್ಟದ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ಪಡೆದುಕೊಳ್ಳುವ ಪ್ರಯೋಜನವೆಂದರೆ ಕೆಲವು ತೀವ್ರ ಕಾಯಿಲೆಗಳು ತಂದೊಡ್ಡುವ ಆರ್ಥಿಕ ಹೊಣೆಗಾರಿಕೆಗಳನ್ನು ಈ ಪಾಲಿಸಿಗಳು ಒದಗಿಸುವ ಭಾಗಶಃ ರಕ್ಷಣೆಯಿಂದ ದೂರ ಮಾಡಬಹುದು. ನಿಮಗೆ ಕೆಲವು ಅನಾರೋಗ್ಯದ ಪರಿಸ್ಥಿತಿಗಳು ಕಂಡುಬಂದಲ್ಲಿ ಈ ಪ್ಲಾನ್ ಗಳು ಹಾಸ್ಪಿಟಲೈಸೇಷನ್ ಶುಲ್ಕಗಳು, ಹಾಸ್ಪಿಟಲೈಸೇಷನ್ ಪೂರ್ವ ಮತ್ತು ನಂತರದ ವೆಚ್ಚಗಳು, ಔಷಧೀಯ ವೆಚ್ಚಗಳು ಮತ್ತು ಹೆಚ್ಚಿನ ವೆಚ್ಚಗಳನ್ನು ಒಳಗೊಂಡಂತೆ ಎಲ್ಲಾ ಚಿಕಿತ್ಸಾ ವೆಚ್ಚವನ್ನು ನಿಮಗೆ ಮರುಪಾವತಿಸುತ್ತವೆ.

ಆದ್ದರಿಂದ, ನೀವು ಹೆಲ್ತ್ ಇನ್ಶೂರೆನ್ಸ್ ಯೋಜನೆಯನ್ನು ಖರೀದಿಸಿದರೆ ಅಲ್ಲಿಗೆ ನೀವು ಸುರಕ್ಷಿತವಾಗಿರುತ್ತೀರಿ, ಹೌದು ತಾನೇ? ತಪ್ಪು!

ಸ್ಟ್ಯಾಂಡರ್ಡ್ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳು ಕೇವಲ ಕೆಲವು ನಿರ್ದಿಷ್ಟಪಡಿಸಿದ ರೋಗ ಮತ್ತು ಅವುಗಳ ಕಾರ್ಯವಿಧಾನಗಳಿಂದ ಉಂಟಾಗುವ ಹಣಕಾಸಿನ ಲಯಬಿಲಿಟಿಗಳಿಂದ ಮಾತ್ರ ರಕ್ಷಿಸುತ್ತವೆ. ನಿಮ್ಮ ಸಾಮಾನ್ಯ ಮೆಡಿಕಲ್ ಇನ್ಶೂರೆನ್ಸ್ ಪಾಲಿಸಿಯು ಸಾಮಾನ್ಯ ಅನ್ನಿಸುವ ತೀವ್ರವಾದ ಕಾಯಿಲೆಗಳ ಚಿಕಿತ್ಸಾ ವೆಚ್ಚವನ್ನು ಸರಿದೂಗಿಸಲು ಅಗತ್ಯವಿರುವ ಸಮ್ ಇನ್ಶೂರ್ಡ್ ಅನ್ನು ನೀಡುವುದಿಲ್ಲ ಎಂಬುದು ನೀವು ಅರ್ಥಮಾಡಿಕೊಳ್ಳಬೇಕಾದ ಪ್ರಮುಖ ಅಂಶ.

ಉದಾಹರಣೆಗೆ, ನೀವು ಕ್ಯಾನ್ಸರ್, ಹೃದ್ರೋಗ ಅಥವಾ ಅಂಗಾಂಗ ಕಸಿಯ ಅಗತ್ಯ ಹೊಂದಿದ್ದರೆ ಅಂತಹ ಕಾಯಿಲೆಗಳ ಚಿಕಿತ್ಸೆಯ ವೆಚ್ಚವನ್ನು ಭರಿಸಲು ನಿಮ್ಮ ಮೆಡಿಕಲ್ ಇನ್ಶೂರೆನ್ಸ್ ಪಾಲಿಸಿಯು ಸಾಕಾಗುವುದಿಲ್ಲ. ಈ ಪರಿಸ್ಥಿತಿಗಳು ಮತ್ತು ಸನ್ನಿವೇಶಗಳ ವಿರುದ್ಧ ಆರ್ಥಿಕವಾಗಿ ನಿಮ್ಮನ್ನು ರಕ್ಷಿಸಿಕೊಳ್ಳಲು ನೀವು ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಪಡೆದುಕೊಳ್ಳಬೇಕು.

ನೀವು ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಪಾಲಿಸಿಯನ್ನು ಏಕೆ ಪಡೆದುಕೊಳ್ಳಬೇಕು?

ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯ ಪ್ರಯೋಜನಗಳನ್ನು ನಿರ್ಧರಿಸುವಾಗ ಕೆಳಗೆ ತಿಳಿಸಲಾದ ನಾಲ್ಕು ಅಂಶಗಳ ಬಗ್ಗೆ ನೀವು ತಿಳಿದಿರಬೇಕು.

ನಿಮ್ಮ ಆದಾಯಕ್ಕೆ ಪರ್ಯಾಯವಾಗುತ್ತದೆ - ನೀವು ಸ್ಟ್ರೋಕ್ ಗೆ ಒಳಗಾಗಿದ್ದೀರಿ ಮತ್ತು ನಿಮ್ಮ ದೇಹದ ಎಡಭಾಗವು ಪಾರ್ಶ್ವವಾಯುವಿಗೆ ಒಳಗಾಗಿದೆಯೆಂದು ಭಾವಿಸೋಣ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಕೆಲಸ ಮಾಡುವುದು ಮತ್ತು ನಿಮ್ಮ ಜೀವನ ನಿರ್ವಹಣೆಗಾಗಿ ಸಂಪಾದಿಸುವುದು ಅಸಾಧ್ಯ. ನೀವು ಗಣನೀಯ ಪ್ರಮಾಣದ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಹೊಂದಿದ್ದರೆ ನೀವು ಸಮ್ ಇನ್ಶೂರ್ಡ್ ಅನ್ನು ಕ್ಲೈಮ್ ಮಾಡಬಹುದು. ಆ ಮೂಲಕ ಚಿಕಿತ್ಸೆ ಮತ್ತು ಜೀವನಾಂಶಕ್ಕಾಗಿ ಆ ಹಣವನ್ನು ಬಳಸಬಹುದು. ವಿಶೇಷವಾಗಿ ತಮ್ಮ ಕುಟುಂಬದ ನಿರ್ವಹಣೆಗಾಗಿ ದುಡಿಯುವ ಏಕೈಕ ವ್ಯಕ್ತಿ ಇದ್ದರೆ ಅವರಿಗೆ ಇದು ಉಪಯುಕ್ತವಾಗಿದೆ. ಪಾಲಿಸಿಯ ಈ ನಿರ್ದಿಷ್ಟ ಅಂಶವು ಗಣನೀಯ ಪ್ರಮಾಣದ ಸಮ್ ಇನ್ಶೂರ್ಡ್ ಹೊಂದಿರುವ ಕ್ರಿಟಿಕಲ್ ಇಲ್‌ನೆಸ್ ಯೋಜನೆಗಳನ್ನು ಆಯ್ಕೆ ಮಾಡಲು ಪ್ರಮುಖ ಕಾರಣವಾಗಿದೆ.
ನಿಮ್ಮ ಇನ್ಶೂರೆನ್ಸ್‌ನಿಂದ ಪಡೆದ ಮೊತ್ತವು ಟ್ಯಾಕ್ಸ್- ವಿನಾಯಿತಿಯಿಂದ ಕೂಡಿದೆ - ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಪಡೆಯುವ ಮತ್ತೊಂದು ಪ್ರಮುಖ ಪ್ರಯೋಜನವೆಂದರೆ ಅದರ ಟ್ಯಾಕ್ಸ್-ವಿನಾಯಿತಿ ಗುಣ ಸ್ವಭಾವ. ನೀವು ಕ್ರಿಟಿಕಲ್ ಇಲ್‌ನೆಸ್ ನಿಂದ ಬಳಲುತ್ತಿದ್ದರೆ ಮತ್ತು ಪಾಲಿಸಿಯನ್ನು ಕ್ಲೈಮ್ ಮಾಡಲು ಬಯಸಿದರೆ ಪಾಲಿಸಿಯಿಂದ ನೀವು ಪಡೆಯುವ ಹಣದ ಅಮೌಂಟ್ ಆದಾಯ ತೆರಿಗೆ ಕಾಯಿದೆ 1961ರ ಅಡಿಯಲ್ಲಿ ಟ್ಯಾಕ್ಸ್ ಮುಕ್ತವಾಗಿರುತ್ತದೆ. ಹೀಗಾಗಿ, ನಿಮ್ಮ ಬಳಕೆಗಾಗಿ ನೀವು ಆ ಎಲ್ಲಾ ಹಣವನ್ನು ಇಟ್ಟುಕೊಳ್ಳಬಹುದು. ಅದರಲ್ಲಿ ಶೇಕಡವಾರು ಅಮೌಂಟ್ ಅನ್ನು ಸರಕಾರಕ್ಕೆ ಪಾವತಿಸುವ ಅಗತ್ಯವಿಲ್ಲ.
ಅಂತಿಮ-ಬಳಕೆ ನಿರ್ಬಂಧವಿಲ್ಲ - ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳಂತೆ ಅಲ್ಲ. ನೀವು ಬಯಸಿದಂತೆ ಕ್ಲೈಮ್ ಹಣವನ್ನು ಬಳಸಲು ಇಲ್ಲಿ ನೀವು ಸ್ವತಂತ್ರರು. ಆದ್ದರಿಂದ, ನೀವು ಪ್ರೀಮಿಯರ್ ಹೆಲ್ತ್ ಕೇರ್ ಸಂಸ್ಥೆಯಲ್ಲಿ ಉತ್ತಮ ಗುಣಮಟ್ಟದ ಚಿಕಿತ್ಸೆಯನ್ನು ಪಡೆಯಲು ಅಥವಾ ಯಾವುದೇ ಇತರ ಅವಶ್ಯಕತೆಗಳನ್ನು ಪೂರೈಸಿಕೊಳ್ಳಲು ಪಾಲಿಸಿಯ ಅಮೌಂಟ್ ಅನ್ನು ಬಳಸಬಹುದು. ಇನ್ಶೂರೆನ್ಸ್ ಪೂರೈಕೆದಾರರು ನಿಮ್ಮ ಸಮ್ ಇನ್ಶೂರ್ಡ್ ಬಳಕೆಯ ಮೇಲೆ ನಿಮಗೆ ಯಾವುದೇ ನಿಯಂತ್ರಣವನ್ನು ಜಾರಿಗೊಳಿಸುವುದಿಲ್ಲ.
ಮನಃ ಶಾಂತಿ - ನಿರ್ದಿಷ್ಟವಾದ ಮಾರಣಾಂತಿಕ ಮತ್ತು ಜಟಿಲವಾದ ಕಾಯಿಲೆ ಪತ್ತೆಯಾದಾಗ ಹೆಚ್ಚಿನ ಜನರು ಚಿಕಿತ್ಸಾ ವೆಚ್ಚಗಳ ಬಗ್ಗೆಯೇ ಚಿಂತಿಸುತ್ತಾರೆ. ಇಂತಹ ಸಂದರ್ಭಗಳಲ್ಲಿ ಜನರು ಆರೋಗ್ಯ ಚೇತರಿಕೆಯ ಮೇಲೆ ಗಮನ ಹರಿಸುವ ಬದಲು ಚಿಕಿತ್ಸೆ ವೆಚ್ಚಕ್ಕೆ ಅಗತ್ಯವಿರುವ ಹಣವನ್ನು ಹೊಂದಿಸಲು ಪ್ರಯತ್ನಿಸುತ್ತಾರೆ. ಈವೇಳೆ ಹತಾಶರಾಗಿ ಮತ್ತಷ್ಟು ಆರೋಗ್ಯ ಹಾನಿ ಉಂಟಾಗುತ್ತದೆ. ಇದು ಕೇವಲ ನಿಮ್ಮ ಆರೋಗ್ಯವನ್ನು ಮತ್ತಷ್ಟು ಕ್ಷೀಣಿಸಲು ಕೊಡುಗೆ ನೀಡುವ ಹೆಚ್ಚುವರಿ ತೊಂದರೆ. ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿ ಇದ್ದರೆ ನೀವು ಹಣಕಾಸು ಅಂಶದ ಮೇಲೆ ಹೆಚ್ಚು ಒತ್ತು ನೀಡುವ ಬದಲು ಚಿಕಿತ್ಸೆಯ ಗುಣಮಟ್ಟ ಮತ್ತು ಆರೋಗ್ಯ ಚೇತರಿಕೆಯ ಮೇಲೆ ಗಮನ ಕೇಂದ್ರೀಕರಿಸಬಹುದು.

ಕ್ರಿಟಿಕಲ್ ಇಲ್‌ನೆಸ್ ಗಳು ಇತರ ಯಾವುದೇ ಪರಿಸ್ಥಿತಿಗಳಂತೆ ಸಾಮಾನ್ಯವಾಗಿವೆ ಮತ್ತು ವ್ಯಾಪಕವಾಗಿವೆ. ಸ್ಟ್ಯಾಂಡರ್ಡ್ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯ ಅಗತ್ಯತೆಯನ್ನು ನೀವು ಅರ್ಥಮಾಡಿಕೊಂಡರೆ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಆಯ್ಕೆಮಾಡುವುದು ಏಕೆ ಅತ್ಯಗತ್ಯ ಎಂಬುದನ್ನು ಗ್ರಹಿಸಲು ನಿಮಗೆ ಸಾಧ್ಯವಾಗುತ್ತದೆ.

ಕ್ರಿಟಿಕಲ್ ಇಲ್‌ನೆಸ್ ಇನ್ಶೂರೆನ್ಸ್ ಬಗ್ಗೆ ಪದೇ ಪದೇ ಕೇಳಲಾದ ಪ್ರಶ್ನೆಗಳು

All

ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಗಳು ಸ್ವತಂತ್ರ ಇನ್ಶೂರೆನ್ಸ್ ಪಾಲಿಸಿಗಳೇ?

ಭಾರತದಲ್ಲಿನ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಗಳು ಸ್ವತಂತ್ರ ಪಾಲಿಸಿಗಳಾಗಿರಬಹುದು ಅಥವಾ ಆಗಿಲ್ಲದಿರಬಹುದು. ಅವುಗಳು ಹೆಚ್ಚಾಗಿ ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ಆ್ಯಡ್-ಆನ್ ಕವರ್ ಆಗಿ ಲಭ್ಯವಿರುತ್ತವೆ. ಅಂತಹ ಸಂದರ್ಭಗಳಲ್ಲಿ, ಈ ರೈಡರ್ ಅನ್ನು ಪಡೆಯಲು ನೀವು ಪ್ರೀಮಿಯಂ ರೂಪದಲ್ಲಿ ಹೆಚ್ಚುವರಿ ಅಮೌಂಟ್ ಅನ್ನು ಪಾವತಿಸಬೇಕಾಗುತ್ತದೆ.

ಇತರ ಸಂದರ್ಭಗಳಲ್ಲಿ, ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಗಳನ್ನು ಸ್ವತಂತ್ರ ಉತ್ಪನ್ನವಾಗಿ ಒದಗಿಸಲಾಗುತ್ತದೆ. ಈ ಉದಾಹರಣೆಗಾಗಿ, ನೀವು ಸ್ಟ್ಯಾಂಡರ್ಡ್ ಮೆಡಿಕಲ್ ಇನ್ಶೂರೆನ್ಸ್ ಪಾಲಿಸಿಯನ್ನು ಹೊಂದಿದ್ದೀರಿ ಎಂಬುದರ ಹೊರತಾಗಿಯೂ ಕ್ರಿಟಿಕಲ್ ಇಲ್‌ನೆಸ್ ಪಾಲಿಸಿಯನ್ನು ಖರೀದಿಸಬಹುದು.

ಕ್ರಿಟಿಕಲ್ ಇಲ್‌ನೆಸ್ ಯೋಜನೆಗಳಿಗೆ ಪಾವತಿಸಬೇಕಾದ ಪ್ರೀಮಿಯಂಗಳಲ್ಲಿ ನಾನು ಎಷ್ಟು ಟ್ಯಾಕ್ಸ್ ಉಳಿಸಬಹುದು?

ನೀವು ಕ್ರಿಟಿಕಲ್ ಇಲ್‌ನೆಸ್ ಪ್ರೀಮಿಯಂಗಳನ್ನು ಪಾವತಿಸಿದರೆ ಇನ್ ಕಮ್ ಟ್ಯಾಕ್ಸ್ ಕಾಯಿದೆಯ ಸೆಕ್ಷನ್ 80D ಅಡಿಯಲ್ಲಿ ಬರುವ ಸ್ಟ್ಯಾಂಡರ್ಡ್ ಮೆಡಿಕಲ್ ಇನ್ಶೂರೆನ್ಸ್ ಯೋಜನೆಗಳ ಪ್ರಕಾರವೇ ಆದಾಯ ತೆರಿಗೆ ವಿನಾಯಿತಿಗಳಿಗೆ ಜವಾಬ್ದಾರರಾಗಿರುತ್ತೀರಿ.

ನೀವು 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೆ ವರ್ಷಕ್ಕೆ ₹25,000 ವರೆಗೆ.
ನೀವು 60 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದರೆ ವರ್ಷಕ್ಕೆ ₹50,000 ವರೆಗೆ.

ಭಾರತದಲ್ಲಿನ ಪ್ರತಿಯೊಂದು ಇನ್ಶೂರೆನ್ಸ್ ಪೂರೈಕೆದಾರರು ಪಾಲಿಸಿಯಡಿಯಲ್ಲಿ ನೀಡುವ ಕ್ರಿಟಿಕಲ್ ಇಲ್‌ನೆಸ್ ಗಳ ಪಟ್ಟಿ ಒಂದೇ ಆಗಿದೆಯೇ?

ಇಲ್ಲ, ಪಾಲಿಸಿಯಲ್ಲಿ ಸೇರಿಸಲಾದ ಕ್ರಿಟಿಕಲ್ ಇಲ್‌ನೆಸ್ ಗಳ ಪಟ್ಟಿಯು ಒಂದು ಇನ್ಶೂರೆನ್ಸ್ ಕಂಪನಿಯಿಂದ ಇನ್ನೊಂದು ಇನ್ಶೂರೆನ್ಸ್ ಕಂಪನಿಗೆ ಬದಲಾಗುತ್ತದೆ.

ಆರೋಗ್ಯ ವಿಮೆಗೆ ಸಂಬಂಧಿಸಿದ ಇನ್ನಷ್ಟು ಲೇಖನಗಳು

ಡಿಜಿಟ್ ನಿಂದ ಆನ್ಲೈನ್ ಕ್ಯಾಶ್ಲೆಸ್ ಹೆಲ್ತ್ ಇನ್ಸೂರೆನ್ಸ್

ಒಪಿಡಿ(OPD) ಇನ್ಶೂರೆನ್ಸ್

ಹೆಲ್ತ್ ಇನ್ಸೂರೆನ್ಸ್ ನಲ್ಲಿ ಸಂಚಿತ ಬೋನಸ್

ಆನ್‌ಲೈನ್ ನಲ್ಲಿ ಭಾರತದಲ್ಲಿರುವ ಇಂಡಿವಿಜುವಲ್ ಹೆಲ್ತ್ ಇನ್ಶೂರೆನ್ಸ್

ಹೆಲ್ತ್ ಇನ್ಶೂರೆನ್ಸ್ ತೆರಿಗೆ ಪ್ರಯೋಜನ

ಗ್ರೂಪ್ ಹೆಲ್ತ್ ಇನ್ಶೂರೆನ್ಸ್

ಹೆಲ್ತ್ ಇನ್ಶೂರೆನ್ಸ್ ಪೋರ್ಟೆಬಿಲಿಟಿ

ಭಾರತದಲ್ಲಿರುವ ಹೆಲ್ತ್ ಇನ್ಶೂರೆನ್ಸ್ ಅನ್ನು ಆನ್ಲೈನ್ ಹೋಲಿಕೆ ಮಾಡಿ ಒಂದು ಪಾಲಿಸಿಯನ್ನು ಆಯ್ಕೆ ಮಾಡಿ

ಮೆಟರ್ನಿಟಿ ಹೆಲ್ತ್ ಇನ್ಶೂರೆನ್ಸ್ ಎಂದರೇನು

ಹೆಲ್ತ್ ಇನ್ಶೂರೆನ್ಸಿನ ವಿಧಗಳು

ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪ್ರೀಮಿಯಂ ಅನ್ನು ಕಡಿಮೆ ಮಾಡುವುದು ಹೇಗೆ

ಹೆಲ್ತ್ ಇನ್ಶೂರೆನ್ಸ್ ಎಂದರೇನು

ಹೆಲ್ತ್ ಇನ್ಶೂರೆನ್ಸ್ ಪ್ರೀಮಿಯಂ ಕ್ಯಾಲ್ಕುಲೇಟರ್

ಹೆಲ್ತ್ ಇಇನ್ಶೂರೆನ್ಸ್ ಆಡ್-ಆನ್‌ಗಳು

ಸೂಪರ್ ಟಾಪ್-ಅಪ್ ಹೆಲ್ತ್ ಇನ್ಶೂರೆನ್ಸ್

ಡಿಜಿಟ್ ನ ಹೆಲ್ತ್ ಇನ್ಸೂರೆನ್ಸ್ ಪಾಲಿಸಿ ಮಿತಿ ರಹಿತ ರೂಂ ಬಾಡಿಗೆ

ಆನ್‌ಲೈನ್‌ನಲ್ಲಿ ವೆಕ್ಟರ್ ಮೂಲಕ ಹರಡುವ ರೋಗಗಳು ಮತ್ತು ಕೋವಿಡ್-19 ಗಾಗಿ ಹೆಲ್ತ್ ಇನ್ಶೂರೆನ್ಸ್

ರಿನೀವಲ್ ಮೇಲೆ ಹೆಲ್ತ್ ಇನ್ಶೂರೆನ್ಸ್ ಪ್ರೀಮಿಯಂ ಏಕೆ ಹೆಚ್ಚಾಗುತ್ತದೆ?

ಆರೋಗ್ಯ ಸಂಜೀವಿನಿ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ

ಕೊರೋನಾ ವೈರಸ್ ಗಾಗಿ ಹೆಲ್ತ್ ಇನ್ಶೂರೆನ್ಸ್

ಕಣ್ಣಿನ ಪೊರೆ ಶಸ್ತ್ರಚಿಕಿತ್ಸೆ

ಡಯಾಬಿಟೀಸ್ ಹೆಲ್ತ್ ಇನ್ಶೂರೆನ್ಸ್

ಭಾರತದಲ್ಲಿ ಪೋಷಕರಿಗಾಗಿ ಹೆಲ್ತ್ ಇನ್ಶೂರೆನ್ಸ್

ಆಯುಷ್ ಪ್ರಯೋಜನದೊಂದಿಗೆ ಹೆಲ್ತ್ ಇನ್ಶೂರೆನ್ಸ್

ಅತ್ಯುತ್ತಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ

ಹಿರಿಯ ನಾಗರಿಕರಿಗಾಗಿ ಹೆಲ್ತ್ ಇನ್ಶೂರೆನ್ಸ್

ಡೆಂಟಲ್ ಹೆಲ್ತ್ ಇನ್ಶೂರೆನ್ಸ್

ಫ್ಯಾಮಿಲಿ ಫ್ಲೋಟರ್ vs ಇಂಡಿವಿಜುವಲ್ ಹೆಲ್ತ್ ಇನ್ಶೂರೆನ್ಸ್ ನಡುವಿನ ವ್ಯತ್ಯಾಸ

ಹೆಲ್ತ್ ಇನ್ಶೂರೆನ್ಸ್‌ನಲ್ಲಿ ಸಮ್ ಇನ್ಶೂರ್ಡ್

ಟರ್ಮ್ ಇನ್ಶೂರೆನ್ಸ್ ಮತ್ತು ಹೆಲ್ತ್ ಇನ್ಶೂರೆನ್ಸ್ ನಡುವಿನ ವ್ಯತ್ಯಾಸ

ಹೆಲ್ತ್ ಇನ್ಶೂರೆನ್ಸ್‌ನಲ್ಲಿ ರೀಸ್ಟೊರೇಷನ್ ಬೆನಿಫಿಟ್

ಕ್ಯಾನ್ಸರ್ ಇನ್ಶೂರೆನ್ಸ್ ಪ್ಲಾನ್

ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ ಪದಗಳನ್ನು ಡೌನ್‌ಲೋಡ್ ಮಾಡಿ

ಪಾಲಿಸಿ ಪದಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ | ಡಿಜಿಟ್ ಹೆಲ್ತ್ ಕೇರ್ ಪ್ಲಸ್ ಪಾಲಿಸಿ - ಪ್ರಯೋಜನದ ವಿವರಣೆ

ಹಕ್ಕು ನಿರಾಕರಣೆ #1: *ಗ್ರಾಹಕರು ವಿಮೆಯನ್ನು ಪಡೆಯುವ ಸಮಯದಲ್ಲಿ ಆಯ್ಕೆಗಳನ್ನು ಆಯ್ಕೆ ಮಾಡಬಹುದು. ಪ್ರೀಮಿಯಂ ಮೊತ್ತವು ಅನುಗುಣವಾಗಿ ಬದಲಾಗಬಹುದು. ವಿಮೆದಾರರು ಪ್ರಸ್ತಾವನೆ ರೂಪದಲ್ಲಿ ಪಾಲಿಸಿ ನೀಡುವ ಮೊದಲು ಯಾವುದೇ ಪೂರ್ವ ಅಸ್ತಿತ್ವದಲ್ಲಿರುವ ಸ್ಥಿತಿಯನ್ನು ಅಥವಾ ಚಿಕಿತ್ಸೆಗೆ ಹೋಗುತ್ತಿರುವುದನ್ನು ಬಹಿರಂಗಪಡಿಸುವ ಅಗತ್ಯವಿದೆ.

ಹಕ್ಕುತ್ಯಾಗ #2: ಈ ಮಾಹಿತಿಯನ್ನು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಸೇರಿಸಲಾಗಿದೆ ಮತ್ತು ಇಂಟರ್ನೆಟ್‌ನಾದ್ಯಂತ ವಿವಿಧ ಮೂಲಗಳಿಂದ ಸಂಗ್ರಹಿಸಲಾಗಿದೆ. ಅಂಕಿ ವಿಮೆ ಇಲ್ಲಿ ಯಾವುದನ್ನೂ ಪ್ರಚಾರ ಮಾಡುತ್ತಿಲ್ಲ ಅಥವಾ ಶಿಫಾರಸು ಮಾಡುತ್ತಿಲ್ಲ. ಯಾವುದೇ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮೊದಲು ದಯವಿಟ್ಟು ಮಾಹಿತಿಯನ್ನು ಪರಿಶೀಲಿಸಿ.

Get 10+ Exclusive Features only on Digit App

Install

Get 10+ Exclusive Features only on Digit App

CIN: U66010PN2016PLC167410, IRDAI Reg. No. 158.

ಗೋ ಡಿಜಿಟ್ ಜನರಲ್ ಇನ್ಶೂರೆನ್ಸ್ ಲಿಮಿಟೆಡ್ (ಹಿಂದೆ ಒಬೆನ್ ಜನರಲ್ ಇನ್ಶೂರೆನ್ಸ್ ಲಿಮಿಟೆಡ್ ಎಂದು ಕರೆಯಲಾಗುತ್ತಿತ್ತು) - ರಿಜಿಸ್ಟರ್ಡ್ ಆಫೀಸ್ ವಿಳಾಸ - 1 ರಿಂದ 6ನೇ ಮಹಡಿಗಳು, ಅನಂತ ಒನ್ (ಎಆರ್ ಒನ್), ಪ್ರೈಡ್ ಹೋಟೆಲ್ ಲೇನ್, ನರ್ವೀರ್ ತಾನಾಜಿ ವಾಡಿ, ಸಿಟಿ ಸರ್ವೆ ನಂ.1579, ಶಿವಾಜಿ ನಗರ, ಪುಣೆ -411005, ಮಹಾರಾಷ್ಟ್ರ | ಕಾರ್ಪೊರೇಟ್ ಆಫೀಸ್ ವಿಳಾಸ - ಅಟ್ಲಾಂಟಿಸ್, 95, 4ನೇ B ಕ್ರಾಸ್ ರೋಡ್, ಕೋರಮಂಗಲ ಇಂಡಸ್ಟ್ರಿಯಲ್ ಲೇಔಟ್, 5ನೇ ಬ್ಲಾಕ್, ಬೆಂಗಳೂರು-560095, ಕರ್ನಾಟಕ | ಮೇಲೆ ಡಿಸ್‌ಪ್ಲೇ ಮಾಡಲಾದ ಗೋ ಡಿಜಿಟ್ ಜನರಲ್ ಇನ್ಶೂರೆನ್ಸ್ ಲಿಮಿಟೆಡ್ ಎಂಬ ಟ್ರೇಡ್ ಲೋಗೋ, ಗೋ ಡಿಜಿಟ್ ಇನ್ಫೋವರ್ಕ್ಸ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್ ಗೆ ಸೇರಿದೆ ಮತ್ತು ಇದನ್ನು ಲೈಸೆನ್ಸ್‌ನ ಅಡಿಯಲ್ಲಿ ಗೋ ಡಿಜಿಟ್ ಜನರಲ್ ಇನ್ಶೂರೆನ್ಸ್ ಲಿಮಿಟೆಡ್ ಒದಗಿಸಿದೆ ಮತ್ತು ಬಳಸುತ್ತದೆ.