હેલ્થ ઈન્સ્યોરન્સ ઓનલાઈન ખરીદો

કો-પે, કો-ઇન્સ્યોરન્સ અને ડિડક્ટિબલ શું છે

હેલ્થ ઇન્સ્યોરન્સ મેળવવાની વાત આવે છે, ત્યારે તમારી પાસે અમુક ગૂંચવણમાં મુકતી શરતો પર સ્પષ્ટતા હોવી અતિઆવશ્યક છે.

ખાસ કરીને, જ્યારે કો-પે, ડિડક્ટિબલ અને કો-ઇન્સ્યોરન્સ જેવી શરતોની વાત આવે છે ત્યારે યોગ્ય માહિતી વિનાની વ્યક્તિ ખૂબ જ જલદી મૂંઝાઈ શકે છે.

ચિંતા કરશો નહીં, અમે તમને આવરી લીધા છે!

અમે તમને અહિં કો-ઇન્સ્યોરન્સ, ડિડક્ટિબલ અને કો-પેનો અર્થ અને હેલ્થ ઇન્સ્યોરન્સ પોલિસી પર તેની અસરો વિશે બધું સમજાવીશું.

ચાલો એક નજર કરીએ!

હેલ્થ ઇન્સ્યોરન્સમાં કો-પેનો અર્થ શું છે?

કો-પેનો મતલબ છે કે પોલિસીધારકોએ જ્યારે મેડિકલ ટ્રીટમેન્ટ માટેના કુલ ખર્ચનો એક નિશ્ચિત ભાગ પોતે ઉઠાવવો પડે અને બાકીનો હિસ્સો ઇન્સ્યોરન્સ પ્રોવાઈડર્સ દ્વારા ઉઠાવવામાં આવે છે. કો-પે નિશ્ચિત રકમ અથવા મેડિકલ ખર્ચની નિશ્ચિત ટકાવારી તરીકે હોઈ શકે છે.

ઉદાહરણ તરીકે, જો તમારી ઇન્સ્યોરન્સ પોલિસી મેડિકલ ખર્ચના રૂ. 2000ની કો-પે કલમ સાથે આવે છે અને સારવારનો કુલ ખર્ચ રૂ. 10,000 છે તો તમારે સારવાર પેટે રૂ. 2000 ચૂકવવાના રહેશે, જ્યારે બાકીના રૂ. 8000 ઇન્સ્યોરન્સ કંપની દ્વારા આવરી લેવામાં આવશે.

આ સિવાય, જો કો-પે કલમ હેઠળ તમારે કુલ ખર્ચના 10% કવર કરવાની જરૂર હોય, તો તમારે રૂ. 1000 જ ચૂકવવાના રહેશે અને બાકીના 90% (રૂ. 9000) ઇન્સ્યોરન્સ કંપની દ્વારા ચૂકવવામાં આવશે.

ઇન્સ્યોરન્સ પોલિસી હેઠળ કો-પેના ફીચર્સ નીચે મુજબ સૂચિબદ્ધ કરી શકાય છે:

• કો-પે ક્લોઝ સાથે, ઇન્સ્યોરન્સ પ્રોવાઈડર્સઓ મોટાભાગનો ક્લેમ સહન કરે છે જ્યારે પોલિસીધારકે ચોક્કસ નિશ્ચિત ભાગ આવરી લેવાનો રહે છે.
• કો-પેની રકમ મેળવેલ મેડિકલ સર્વિસિસ અનુસાર નક્કી કરવામાં આવે છે.
• ઓછી કો-પેમેન્ટ રકમનો અર્થ થાય છે વધુ પ્રીમિયમ ચૂકવણી.
• વરિષ્ઠ નાગરિકો માટેની હેલ્થ ઇન્સ્યોરન્સ પોલિસી પર મુખ્યત્વે આ વસૂલવામાં આવે છે.
• આ સારવારનો ખર્ચ વધુ છે તેવા મેટ્રોપોલિટન શહેરોમાં વધુ લોકપ્રિય છે.

શૂન્ય કો-પેમેન્ટનો અર્થ છે કે સારવારના ખર્ચની સંપૂર્ણ રકમ ઇન્સ્યોરન્સ પ્રોવાઈડર દ્વારા ઉઠાવવામાં આવે છે.

ડિજિટ ઇન્સ્યોરન્સ 0% કો-પેમેન્ટ સાથે હેલ્થ ઇન્સ્યોરન્સ પોલિસી પ્રદાન કરે છે અને વ્યક્તિ દ્વારા કરવામાં આવતા સમગ્ર મેડિકલ ખર્ચને આવરી લેવાય છે.

વિશે વધુ જાણો:

• હેલ્થ ઇન્સ્યોરન્સમાં કો-પે શું છે
• COVID 19 માટે હેલ્થ ઇન્સ્યોરન્સ
• ભારતમાં ઓપીડી કવર સાથે હેલ્થ ઇન્સ્યોરન્સ

ડિડક્ટિબલ્સનો અર્થ શું છે?

પોલિસીધારકોએ ઇન્સ્યોરન્સ પોલિસી તેમની મેડિકલ ટ્રીટમેન્ટમાં યોગદાન આપવાનું શરૂ કરે તે પહેલાં ચૂકવવાની નિશ્ચિત જરૂરી રકમને ડિડક્ટિબલ્સ કહેવાય છે. ડિડક્ટિબલ ચૂકવણી માટેના ધારાધોરણો પ્રતિ વર્ષ કે પ્રતિ સારવાર, વગેરે ઇન્સ્યોરન્સ પ્રોવાઈડર્સ દ્વારા નક્કી કરવામાં આવે છે.

ઉદાહરણ તરીકે, જો તમારી પોલિસીમાં રૂ. 5000નું ડિડક્ટિબલ ફરજિયાત છે તો તમારે તમારા સારવાર ખર્ચના શરૂઆતી રૂ. 5000 ચૂકવવાના રહેશે અને બાદમાં તમારી ઇન્સ્યોરન્સ પોલિસીનું કવરેજ શરૂ થશે.

ડિડક્ટિબલ્સની કેટલીક વિશેષતાઓ નીચે મુજબ છે:

• તે ઇન્સ્યોરન્સ કંપનીઓને નિયમિત અને બિનજરૂરી ક્લેમ સામે પોતાના હિતોનું રક્ષણ કરવામાં મદદ કરવા માટે વસૂલવામાં આવે છે.
• તે ઇન્સ્યોરન્સ પોલિસી તરફ પ્રીમિયમ ચૂકવણી ઘટાડવામાં મદદ કરે છે.
• તે વ્યક્તિની મેડિકલ ટ્રીટમેન્ટ માટેનો કુલ ખર્ચ વધારી શકે છે.

હેલ્થ ઇન્સ્યોરન્સ ડિડક્ટિબલ વિશે વધુ જાણો .

કો-ઇન્સ્યોરન્સનો અર્થ શું છે?

કો-ઇન્સ્યોરન્સ મેડિકલ ખર્ચની ટકાવારીનો સંદર્ભ આપે છે, જે તમારે ડિડક્ટિબલ રકમ ચૂકવ્યા પછી સહન કરવી પડે છે. આ રકમ સામાન્ય રીતે નિશ્ચિત ટકાવારી તરીકે ઓફર કરવામાં આવે છે. તે હેલ્થ ઇન્સ્યોરન્સ હેઠળના કો-પેમેન્ટની ક્લોઝ સમાન છે.

ઉદાહરણ તરીકે, જો તમારું કો-ઇન્સ્યોરન્સ 20% છે, તો તમે મેડિકલ ખર્ચના 20% સહન કરવા માટે જવાબદાર હશો જ્યારે બાકીના 80% તમારા ઇન્સ્યોરન્સ પ્રોવાઈડર્સ દ્વારા ઉઠાવવામાં આવશે.

એટલે કે, જો કોઈ ચોક્કસ રોગની સારવાર માટે તમારો ખર્ચ રૂ. 10,000 છે, તો તમારે રૂ. 2000 ચૂકવવા પડશે અને રૂ. 8000 તમારી ઇન્સ્યોરન્સ પોલિસી દ્વારા આવરી લેવામાં આવશે. આ રકમની ગણતરી સામાન્ય રીતે તમારા ડિડક્ટિબલ્સની ચૂકવણી કર્યા પછી કરવામાં આવે છે.

નીચે કો-ઇન્સ્યોરન્સ પ્લાનની કેટલીક વિશેષતાઓ વર્ણવી છે:

• તે ઇન્સ્યોરન્સ કંપનીઓને મોટા ક્લેમ સામે રક્ષણ આપવામાં મદદ કરે છે.
• પોલિસી ધારકોએ તેમની ડિડક્ટિબલ રકમ તેમનો કો-ઇન્સ્યોરન્સ પ્લાન અમલમાં આવે તે પહેલાં ચૂકવવી જરૂરી છે.
• કો-ઇન્સ્યોરન્સની ટકાવારી નિશ્ચિત રહે છે.
• આ ટકાવારી તમારી ઇન્સ્યોરન્સ પોલિસી બાકીની ચૂકવણી કરે તે પહેલાં તમે એક વર્ષ માટે ચૂકવી શકો છો તે આઉટ-ઓફ-પોકેટ મહત્તમ રકમ છે.

હવે ઉપરોક્ત સમજણ સાથે તમારી હેલ્થ ઇન્સ્યોરન્સ પોલિસી માટે આ દરેક શરતોનો અર્થ શું છે તેનો ખ્યાલ આવી જ ગયો હશે તો, ચાલો આ દરેક વચ્ચેના તફાવતો પર એક નજર કરીએ.

કો-પે, ડિડક્ટિબલ અને કો-ઇન્સ્યોરન્સ કોસ્ટ-શેરિંગ મુદ્દાઓ છે પરંતુ તેને લાગુ કરવાથી તમારા હેલ્થ ઇન્સ્યોરન્સ પ્લાનમાં એકંદરે ઘણો ફરક પડી શકે છે.

ડિડક્ટિબલ અને કો-ઇન્સ્યોરન્સ કલમો મોટાભાગે એક જ ઇન્સ્યોરન્સ પ્લાન હેઠળ એકસાથે લાગુ કરવામાં આવે છે પરંતુ, કેટલાક ઇન્સ્યોરન્સ પ્લાન એકસાથે કો-પેમેન્ટ અને ડિડક્ટિબલ કલમોનો પણ અમલ કરે છે.

જો તમારો હેલ્થ ઇન્સ્યોરન્સ પ્લાન પણ આવું જ કરે છે, તો તમારા માટે તેનો અર્થ શું હશે, આવો જાણીએ-

• તમારે તમારા ટ્રીટમેન્ટ પ્લાન માટે એક નિશ્ચિત રકમ ચૂકવવી પડશે. તમે ચૂકવેલ ડિડક્ટિબલ રકમ ખતમ થઈ જાય પછી જ તમારો ઇન્સ્યોરન્સ પ્લાન તમારી સારવારમાં યોગદાન આપવાનું શરૂ કરશે.
• એકવાર ઇન્સ્યોરન્સ પ્લાન શરૂ થઈ જાય, પછી જ્યારે પણ તમે પોલિસી સામે ક્લેમ કરો ત્યારે તમારે ચોક્કસ રકમ ચૂકવવાની જરૂર પડશે. તમે તમારી કો-પેમેન્ટની રકમ ચૂકવી દો તે પછી ઇન્સ્યોરન્સ પ્લાન બાકી રહેલી રકમને આવરી લેશે.
• તમારે પોલિસી માટે ઓછા પ્રિમીયમ ચૂકવવાના રહેશે એટલેકે પ્લાન સસ્તા રહેશે.

જો તમે આવી ખર્ચ-શેરિંગ શરતોવાળી પોલિસી પસંદ કરશો તો કાગળ પર તમારી પ્રીમિયમની ચૂકવણીમાં ચોક્કસથી ઘટાડો થશે, પરંતુ પોલિસી પ્રત્યેની તમારી જવાબદારી ચોક્કસથી વધશે. તબીબી કટોકટી ઊભી થશે ત્યારે તમારે ખર્ચના એક ચોક્કસ ભાગનું વહન કરવાનું જ રહેશે. જો તમારી પાસે હાથમાં સરળતાથી રોકડ ઉપલબ્ધ ન હોય તો આ કપરી સ્થિતિમાં મુશ્કેલીઓ તરફ દોરાઈ શકો છો.

આમ આવી કોસ્ટ-શેરિંગ શરતો ન લાદેલ હેલ્થ ઇન્સ્યોરન્સ પ્લાન વધુ ફાયદાકારક રહેશે. ભારતમાં ઇન્સ્યોરન્સ કંપનીઓ દ્વારા પ્રદાન કરવામાં આવતી અનેક અઢળક હેલ્થ ઇન્સ્યોરન્સ પોલિસીઓમાંથી તમે સરળતાથી એવી પોલિસી શોધી શકો છો જે તમારી જરૂરિયાતોને અસરકારક રીતે અનુરૂપ હોય.

તમારી આવશ્યકતાઓને અનુરૂપ એક પોલિસીનો લાભ લેવા માટે દરેક પોલિસીના તમામ નિયમો અને શરતોને ચકાસીને ખાતરી કરો!