డిజిట్ హెల్త్ ఇన్సురంచె ఆన్లైన్

మీ వద్ద ఉన్న అత్యంత విలువైన ఆస్తుల్లో మీ ఆరోగ్యం ఒకటి. అందుకోసమే దానికి ఎటువంటి హాని కలగకుండా మీరు తగు చర్యలను తీసుకోవాలి. అయినప్పటికీ అనారోగ్యాలు లేదా ప్రమాదాలు అనేవి చాలా సాధారణం. ఇవి మిమ్మల్ని ఎప్పుడైనా ఎమర్జెన్సీ రూమ్‌కు పంపొచ్చు.

ఇండియాలో హెల్త్ కేర్ కి సంబంధించి ప్రస్తుత పరిస్థితులు మరియు వైద్య ఖర్చులు వల్ల, అలాంటిది అనుకోకుండా ఆస్పత్రికి గనుక వెళితే మీ ఆర్థిక పరిస్థితి తలకిందులవుతోంది.

అదృష్టవశాత్తూ, మెడికల్ ఇన్సూరెన్స్ తో తమ హెల్త్ ని సురక్షితం చేసుకున్న వ్యక్తులు అలాంటి అనుకొని ఖర్చులను భరించాల్సిన అవసరం లేదు.

హెల్త్ ఇన్సూరెన్స్ పాలసీ ఆస్పత్రి ఖర్చులతో పాటు ట్రీట్మెంట్ చేసుకునేందుకు ఆర్థికంగా ఉపయోగపడుతుంది. కొన్ని పరిస్థితులలో, మెడికల్ కేర్ కోసం పాలసీదారులు నెట్‌వర్క్ హాస్పిటల్స్ మరియు క్లినిక్స్‌కు వెళ్లినపుడు వారి జేబు నుంచి డబ్బు ఖర్చు కాకుండా ఉంటుంది.

హెల్త్ ఇన్సూరెన్స్ ప్లాన్‌ల వలన ఆస్పత్రిలో చేరే ముందు మరియు డిశ్చార్జి తర్వాత అయిన ఖర్చులు కవర్ అవ్వడం, డే కేర్ ఖర్చుల రీయింబర్స్‌మెంట్ మరియు ఆకర్షణీయమైన వార్షిక పన్ను లాభాలు వంటి అదనపు ప్రయోజనాలు ఉన్నాయి.

మీరు కింది విషయాలను దృష్టిలో ఉంచుకుంటే మీరు కొనుగోలు చేసే హెల్త్ ఇన్సూరెన్స్ ప్లాన్ మీకు తగినంత ఫైనాన్షియల్ కవరేజ్ అందిస్తుంది.

• బ్రాండ్ యొక్క కీర్తి - మెడికల్ ఎమర్జెన్సీ సమయంలో మీరు మీ హెల్త్ ఇన్సూరెన్స్ ప్రొవైడర్ మీదే ఆధారపడాల్సి ఉంటుంది. కావున మీ ఇన్సూరెన్స్ ప్రొవైడర్‌ను ఎన్నుకునే ముందు ఆన్‌లైన్ ప్లాట్‌ఫామ్స్‌లో రేటింగ్స్ తనిఖీ చేయడం చాలా ముఖ్యం. కంపెనీలో ఇప్పటికే పాలసీలు తీసుకున్న వినియోగదారులు తమ అనుభవం గురించి, వారు ఎదుర్కొన్న సమస్యల గురించి చేసే నెగటివ్ కామెంట్స్ అస్సలే మిస్సవకండి.
• ఐఆర్డిఏఐ ఆమోదం తప్పనిసరి - ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా అనేది ఒక ప్రభుత్వ సంస్థ. ఇది ఇండియాలో ఉన్న ఇన్సూరెన్స్ కంపెనీల మీద నియంత్రణను కలిగి ఉంటుంది. దీనికింద నమోదైన కంపెనీలు తమ కార్యకలాపాల్లో పారదర్శకతను పాటిస్తూ దాని మార్గదర్శకాలకు కట్టుబడి ఉండాలి. కాబట్టి మీకు లేదా మీ కుటుంబానికి మెడికల్ ఇన్సూరెన్స్ తీసుకోవాలని అనుకున్నపుడు ఐఆర్డిఏఐ ద్వారా ఆమోదం పొందిన కంపెనీల నుంచి పాలసీలు తీసుకోవడం మంచిది.
• క్లెయిమ్ సెటిల్‌మెంట్ రికార్డును ట్రాక్ చేయండి - మెడికల్ ఎమర్జెన్సీ వచ్చినప్పుడు అవసరం అయ్యే చికిత్స కోసం డబ్బులు సర్దుబాటు చేసేందుకు మీకు చాలా తక్కువ సమయం ఉంటుంది. అటువంటి సమయంలో క్లెయిమ్ రిక్వెస్ట్‌ను త్వరగా ఆమోదించి, ఆర్థిక పరిహారాన్ని అందించే ఇన్సూరెన్స్ సంస్థలు అవసరం. ఇందువల్ల మీకు సంరక్షణ ఆలస్యం కాకుండా ఉంటుంది. మీరు ఇన్సూరెన్స్ కంపెనీని ఎంచుకునే ముందు దాని క్లెయిమ్ సెటిల్‌మెంట్ రేషియోను తనిఖీ చేయండి. కంపెనీ ఎన్ని క్లెయిమ్స్ స్వీకరిస్తే ఎన్నింటిని సెటిల్ చేస్తుందనే విషయాల గురించి మీకు సరైన అవగాహన వస్తుంది. ఎక్కువ రేషియో ఉండాలని ప్రత్యేకంగా చెప్పక్కర్లేదు.
• నెట్‌వర్క్ హాస్పిటల్స్ - పాలసీదారులు తాము పాలసీ తీసుకున్న కంపెనీ యొక్క నెట్‌వర్క్ ఆస్పత్రులలో క్యాష్ లెస్ ట్రీట్మెంట్ పొందే అవకాశం ఉంటుంది. ఇటువంటి సందర్భంలో ఆర్థిక పరిహారాన్ని పొందేందుకు ఎటువంటి క్లెయిమ్‌ను ఫైల్ చేయాల్సిన అవసరం గానీ.. రీయింబర్స్‌మెంట్ ప్రొసీజర్ కానీ అవసరం ఉండదు. మెడికల్ బిల్స్ అనేవి డైరెక్ట్‌గా ఇన్సూరెన్స్ సంస్థ ఆస్పత్రి మధ్యే పరిష్కరించబడతాయి. ఎక్కువ సంఖ్యలో నెట్‌వర్క్ ఆస్పత్రులను కలిగి ఉన్న కంపెనీల కోసం చూడండి. అలా అయితే మీరు ఎల్లప్పుడూ క్యాష్ లెస్ ట్రీట్మెంట్ పొందేందుకు అవకాశం ఉంటుంది.
• ఎటువంటి అడ్డంకులు లేని క్లెయిమ్ ప్రాసెస్ - క్లెయిమ్ ఫైలింగ్ (నమోదు చేయడం) అనేది సంక్లిష్టంగా ఉంటే అది ఎమర్జెన్సీ సమయంలో మిమ్మల్ని ఇబ్బంది పెట్టొచ్చు. వైద్యపరంగా ఎమర్జెన్సీ పరిస్థితి వచ్చినప్పుడు ఆర్థిక సాయం చేసేందుకని మీరు పేజీల కొద్దీ రాత పనిని చేయలేరు. కాబట్టి మీరు హెల్త్ ఇన్సూరెన్స్ పాలసీని ఎంచుకునేటప్పుడు ప్రొవైడర్ ఎటువంటి అవాంతరాలు లేని క్లెయిమ్ విధానాన్ని అనుసరిస్తున్నారా? లేదా? అని చెక్ చేయండి. క్లెయిమ్ ప్రాసెస్ అనేది ఎక్కువ సమయం తీసుకుంటూ గందరగోళానికి గురి చేసే విధంగా ఉండకూడదు.
• హెల్త్ ఇన్సూరెన్స్ ప్రీమియం - మీరు హెల్త్ ఇన్సూరెన్స్ ప్లాన్‌ను కొనుగోలు చేసేటప్పుడు పరిగణించాల్సిన మరో విషయం ఆ ప్లాన్ కోసం మీరు ఎంత డబ్బు చెల్లిస్తున్నారని. కేవలం పాలసీ ధర తక్కువ ఉందని మాత్రం తీసుకోవద్దు. మీరు పెట్టిన డబ్బుకు ప్రయోజనం చేకూర్చే పాలసీ కోసం చూడండి. పాలసీలో చేర్చే మరియు తీసేసే యాడ్ ఆన్స్ ను దృష్టిలో పెట్టుకుని తేడాలు చూడండి. అలా చేయడం వలన మెడికల్ ఎమర్జెన్సీ వచ్చినప్పుడు మీకు ఆర్థికంగా భరోసానిచ్చే ప్లాన్‌ను ఎటువంటి అడ్డంకులు లేకుండా మీరు ఎంచుకోవచ్చు.

పొటెన్షియల్ హెల్త్ ఇన్సూరెన్స్ ను కొనుగోలు చేసే వ్యక్తికి ఇచ్చే ముఖ్యమైన సలహా ఏంటంటే.. మీరు అటువంటి పాలసీను కొనుగోలు చేసేటప్పుడు నేరుగా ఇన్సూరెన్స్ కంపెనీ నుంచే కొనుగోలు చేయండి.

మెడికల్ కేర్‌ను కొనుగోలు చేసేటప్పుడు ఏజెంట్ల ద్వారా వెళ్లేందుకు చాలా మంది ఇష్టపడతారు. అయినప్పటికీ కంపెనీతో డైరెక్ట్‌గా పాలసీని తీసుకోవడం వలన ఎన్నో ప్రయోజనాలు కలుగుతాయి.

ఎందుకో ఇప్పుడు తెలుసుకుందాం!

బ్రోకర్లు మరియు ఇతర మార్గాల నుంచి కాకుండా డైరెక్ట్‌ గా కంపెనీ నుంచే హెల్త్ పాలసీని కొనుగోలు చేయడం వల్ల కలిగే ప్రయోజనాలు:

• వివిధ ఆప్షన్ల నుంచి ఎంచుకోండి - బ్రోకర్లు లేదా ఏజెంట్లు ఎల్లప్పుడూ అన్ని ప్రముఖ కంపెనీల హెల్త్ ఇన్సూరెన్స్ పాలసీల గురించి మనకు చెప్పరు. వారు మీ ఆలోచనలను ఖరీదైన పాలసీల మీదే కేంద్రీకృతం చేస్తారు. ఎందుకంటే ఖరీదైన పాలసీల ద్వారా వారు ఎక్కువ కమీషన్ పొందుతారు. ఇన్సూరెన్స్ కంపెనీల ద్వారా నేరుగా కొనుగోలు చేయడం వలన అటువంటి పరిమితులను తొలగించుకోవచ్చు.
• మీ అవసరాలకు తగిన విధంగా ఇన్సూరెన్స్ ప్లాన్‌ను కస్టమైజ్ చేయడం - ఇన్సూరెన్స్ సంస్థలు తమ పాలసీదారులకు అనేక రకాల కస్టమైజేషన్ ఎంపికలను అందిస్తున్నాయి. వీటిని ఉపయోగించుకుని మీరు మీ అవసరాలకు తగిన విధంగా ఇన్సూరెన్స్ పాలసీని మార్చుకోవచ్చు. ఒక బ్రోకర్ మీకు పాలసీని విక్రయిస్తే.. మీరు బేసిక్ పాలసీకి స్టిక్ అయి పోతారు కాబట్టి కస్టమైజేషన్స్ గురించి ఆలోచించరు.
• ఎటువంటి కమీషన్ ఉండదు - ఏజెంట్లు లేదా బ్రోకర్లు మీకు మరియు మీకు మెడికల్ కవరేజ్‌ను అందించే కంపెనీ మధ్య మధ్యవర్తిత్వం వహిస్తూ ఉంటారు. మీరు అటువంటి బ్రోకర్ నుంచి కొనుగోలు చేయాలని నిర్ణయించుకున్నపుడు మీరు మీ పాలసీ ప్రీమియం కింద అదనపు ఫీజును చెల్లించాల్సి వస్తుంది. ఆ ఫీజును ఏజెంట్ కమీషన్‌గా తీసుకుంటాడు. ఇన్సూరెన్స్ కంపెనీతో మీరు నేరుగా డీల్ చేసుకునేటప్పుడు అటువంటి ఫీజులు అవసరం ఉండదు.
• వివిధ రకాల ఉత్పత్తులను సరిపోల్చండి - మీరు మార్కెట్లో ఉన్న అన్ని పాలసీలను చూసే అవకాశం బ్రోకర్లు అరుదుగా ఇస్తారు. వారు అందించే ఇన్సూరెన్స్ పాలసీని కొనుగోలు చేయమని వారు మిమ్మల్ని తొందరపెడతారు. మీరు కనుక నేరుగా కంపెనీలను సంప్రదిస్తే అందుబాటులో ఉన్న ప్లాన్లను గురించి సరిపోల్చేందుకు మీకు సమయం లభిస్తుంది. పూర్తి అవగాహనతో తెలుసుకుని సెలెక్ట్ చేసుకున్న తర్వాత మాత్రమే మీరు పాలసీ డాక్యుమెంట్లపై సంతకం చేయాలి.

హెల్త్ ఇన్సూరెన్స్ పాలసీ అనేది జీవితం మరియు మరణం మధ్య వ్యత్యాసం. అందుకోసమే పాలసీకి సంబంధించిన నిర్ణయాలను తేలికగా తీసుకోకండి.

మీరు తీసుకునే పాలసీ ఏం కవర్ చేస్తుంది? మరియు ఏం కవర్ చేయదనే అన్ని షరతులు మరియు నిబంధనలను చదవండి. (పాలసీ డాక్యుమెంట్స్‌లో అన్ని నిబంధనలు ఉంటాయి) అలా చేయడం వల్ల దీర్ఘకాలంలో మీ ప్రయోజనాలను పెంచుకోవడంలో సహాయపడుతుంది