Our WhatsApp number cannot be used for calls. This is a chat only number.
ಭಾರತದಲ್ಲಿ, ಹೆಲ್ತ್‌ಕೇರ್ ವೆಚ್ಚಗಳು ಹೆಚ್ಚುತ್ತಿವೆ ಮತ್ತು ಅನಿರೀಕ್ಷಿತ ವೈದ್ಯಕೀಯ ವೆಚ್ಚಗಳಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಪ್ರತಿಯೊಬ್ಬ ವ್ಯಕ್ತಿಯು ಹೆಲ್ತ್ ಇನ್ಶೂರೆನ್ಸ್ ಪ್ಲ್ಯಾನ್‌ ಅನ್ನು ಪಡೆದುಕೊಳ್ಳುವುದು ಅತ್ಯಗತ್ಯ.
ಹೆಲ್ತ್ ಇನ್ಶೂರೆನ್ಸ್ ಪ್ಲ್ಯಾನ್‌ಗಳು ಮುಖ್ಯವಾಗಿದ್ದರೂ, ಸೀನಿಯರ್ ಸಿಟಿಜನ್ ಪೋಷಕರಿಗಾಗಿ ಇದು ಇನ್ನಷ್ಟು ಮುಖ್ಯವಾಗುತ್ತದೆ. ಜನರಿಗೆ ವಯಸ್ಸಾದಂತೆ, ಅವರ ಹೆಲ್ತ್‌ಕೇರ್ ಅಗತ್ಯತೆಗಳು ಹೆಚ್ಚಾಗುತ್ತವೆ ಮತ್ತು ಅವರು ಅನಾರೋಗ್ಯ ಹಾಗೂ ಕಾಯಿಲೆಗಳಿಗೆ ಹೆಚ್ಚು ಒಳಗಾಗುತ್ತಾರೆ.
ಮೊದಲನೆಯದಾಗಿ ನಮ್ಮ ಪೋಷಕರಿಗಾಗಿ ಹೆಲ್ತ್ ಕವರೇಜ್ ಅನ್ನು ಹೊಂದುವುದು ಎಷ್ಟು ಅವಶ್ಯಕವೋ, ನಿಮ್ಮ ಸ್ವಂತ ಪಾಲಿಸಿಯೊಂದಿಗೆ ಅವರನ್ನು ಸೇರಿಸಿಕೊಳ್ಳುವ ಬದಲು ಅವರಿಗಾಗಿಯೇ ಪ್ರತ್ಯೇಕ ಪಾಲಿಸಿಯನ್ನು ಖರೀದಿಸುವುದು ಯಾವಾಗಲೂ ಉತ್ತಮವಾಗಿದೆ.
ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಅನ್ನು ಖರೀದಿಸುವುದು ಉತ್ತಮ ಎಂಬುದಕ್ಕೆ 5 ಕಾರಣಗಳು ಇಲ್ಲಿವೆ.
ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ನೀವು ನಿಮ್ಮ ಪೋಷಕರನ್ನು ಸೇರಿಸಿದಾಗ, ಲಭ್ಯವಿರುವ ಒಟ್ಟು ಕವರೇಜ್ ಅನ್ನು ನಿಮ್ಮ ಪಾಲಿಸಿಯ ಎಲ್ಲಾ ಸದಸ್ಯರ ನಡುವೆ ಹಂಚಿಕೊಳ್ಳಲಾಗುತ್ತದೆ. ಇದರರ್ಥ ಕುಟುಂಬದ ಒಬ್ಬ ಸದಸ್ಯರು ಕ್ಲೈಮ್ ಮಾಡಿದರೆ, ಅದರಿಂದ ಇತರರಿಗೆ ಲಭ್ಯವಿರುವ ಕವರೇಜ್ ಕಡಿಮೆಯಾಗುತ್ತದೆ.
ಮತ್ತೊಂದೆಡೆ, ನೀವು ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸಿದಾಗ, ಸಂಪೂರ್ಣ ಕವರೇಜ್ ಅವರಿಗೆ ಮೀಸಲಾಗಿರುತ್ತದೆ. ಇದರಿಂದಾಗಿ ಅವರು ವೆಚ್ಚಗಳ ಬಗ್ಗೆ ಹೆಚ್ಚು ಚಿಂತಿಸದೆ, ಅಗತ್ಯ ವೈದ್ಯಕೀಯ ಚಿಕಿತ್ಸೆಯನ್ನು ಪಡೆಯುತ್ತಾರೆ ಎಂದು ಖಚಿತಪಡಿಸಿಕೊಳ್ಳುತ್ತಾರೆ.
ಸೀನಿಯರ್ ಸಿಟಿಜನ್‌ಗಳಿಗಾಗಿ ಹೆಲ್ತ್ ಇನ್ಶೂರೆನ್ಸ್ ಪ್ರೀಮಿಯಂಗಳು ಸಾಮಾನ್ಯವಾಗಿ ಕಿರಿಯ ವ್ಯಕ್ತಿಗಳಿಗಿಂತ ಹೆಚ್ಚಿರುತ್ತದೆ. ನೀವು ನಿಮ್ಮ ಪಾಲಿಸಿಯಲ್ಲಿ ನಿಮ್ಮ ಪೋಷಕರನ್ನು ಸೇರಿಸಿದಾಗ, ಸಂಪೂರ್ಣ ಪಾಲಿಸಿಯ ಪ್ರೀಮಿಯಂ ಹಿರಿಯ ಸದಸ್ಯರ ವಯಸ್ಸನ್ನು ಆಧರಿಸಿರುತ್ತದೆ. ಇದರರ್ಥ ನಿಮ್ಮ ಪೋಷಕರಲ್ಲಿ ಒಬ್ಬರು ಸೀನಿಯರ್ ಸಿಟಿಜನ್ ಆಗಿದ್ದರೆ, ಸಂಪೂರ್ಣ ಪಾಲಿಸಿಯ ಪ್ರೀಮಿಯಂ ಹೆಚ್ಚಾಗುತ್ತದೆ.
ಮತ್ತೊಂದೆಡೆ, ನೀವು ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸಿದಾಗ, ಆ ಪಾಲಿಸಿಯ ಪ್ರೀಮಿಯಂ ಅವರ ವಯಸ್ಸು ಮತ್ತು ಹೆಲ್ತ್ ಕಂಡೀಷನ್ ಅನ್ನು ಆಧರಿಸಿರುತ್ತದೆ. ಇದು ನೀವು ಸಾಧ್ಯವಾದಷ್ಟು ಉತ್ತಮ ಪ್ರೀಮಿಯಂ ದರಗಳನ್ನು ಪಡೆಯುತ್ತೀರಿ ಎಂಬುದನ್ನು ಖಚಿತಪಡಿಸುತ್ತದೆ.
ಪ್ರತಿಯೊಬ್ಬ ವ್ಯಕ್ತಿಯು ವಿಭಿನ್ನ ಹೆಲ್ತ್‌ಕೇರ್ ಅಗತ್ಯಗಳನ್ನು ಹೊಂದಿರುತ್ತಾನೆ ಮತ್ತು ಈ ಅಗತ್ಯಗಳು ವಯಸ್ಸಿನೊಂದಿಗೆ ಭಿನ್ನವಾಗಿರುತ್ತವೆ. ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕವಾದ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ನೀವು ಖರೀದಿಸಿದಾಗ, ಅವರ ನಿರ್ದಿಷ್ಟ ಹೆಲ್ತ್‌ಕೇರ್ ಅಗತ್ಯಗಳಿಗೆ ಸರಿಹೊಂದುವಂತೆ ನೀವು ಪಾಲಿಸಿಯನ್ನು ಕಸ್ಟಮೈಸ್ ಮಾಡಬಹುದು. ಆಸ್ಪತ್ರೆಗೆ ದಾಖಲಾಗುವಿಕೆ, ವೈದ್ಯರ ಶುಲ್ಕ, ಡಯಾಗ್ನೊಸ್ಟಿಕ್ ಟೆಸ್ಟ್‌ಗಳು ಮತ್ತು ಔಷಧೋಪಚಾರ ಸೇರಿದಂತೆ ಎಲ್ಲಾ ವೈದ್ಯಕೀಯ ವೆಚ್ಚಗಳಿಗೆ ಅವರು ಅಗತ್ಯ ಕವರೇಜನ್ನು ಪಡೆಯುತ್ತಾರೆ ಎಂಬುದನ್ನು ಇದು ಖಚಿತಪಡಿಸುತ್ತದೆ.
ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯಲ್ಲಿ ನೀವು ನಿಮ್ಮ ಪೋಷಕರನ್ನು ಸೇರಿಸಿದಾಗ, ನೋ ಕ್ಲೈಮ್ ಬೋನಸ್ ಅನ್ನು ಆ ಪಾಲಿಸಿಯ ಎಲ್ಲಾ ಸದಸ್ಯರ ನಡುವೆ ಹಂಚಲಾಗುತ್ತದೆ. ಆದಾಗ್ಯೂ, ನೀವು ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸಿದಾಗ, ಅವರು ಪಾಲಿಸಿಯ ಅವಧಿಯಲ್ಲಿ ಯಾವುದೇ ಕ್ಲೈಮ್‌ಗಳನ್ನು ಮಾಡದಿದ್ದರೆ, ಆಗ ಅವರು ನೋ-ಕ್ಲೈಮ್ ಬೋನಸ್ ಅನ್ನು ಪಡೆಯಬಹುದು. ಈ ಬೋನಸ್ ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪ್ಲ್ಯಾನ್‌ನ ವೆಚ್ಚವನ್ನು ಕಡಿಮೆ ಮಾಡಲು ಮತ್ತು ಹೆಚ್ಚುವರಿ ಪ್ರಯೋಜನಗಳನ್ನು ಪಡೆಯಲು ಸಹಾಯ ಮಾಡುತ್ತದೆ.
ಮತ್ತೊಂದೆಡೆ, ವಯಸ್ಸಾದಂತೆ ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಆದ್ದರಿಂದ, ಫ್ಯಾಮಿಲಿ ಪಾಲಿಸಿಯಲ್ಲಿ ನಿಮ್ಮ ಪೋಷಕರನ್ನು ಸೇರಿಸುವುದರಿಂದ, ಅದು ನಿಮ್ಮ ಫ್ಯಾಮಿಲಿ ಪಾಲಿಸಿಯಲ್ಲಿ ಎನ್‌ಸಿಬಿ ಅನ್ನು ಕ್ಲೈಮ್ ಮಾಡುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.
ಹೀಗಾಗಿ, ಪೋಷಕರಿಗಾಗಿ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಅನ್ನು ಖರೀದಿಸುವುದು ಉತ್ತಮ ಆಯ್ಕೆಯಾಗಿದೆ.
ನೀವು ನಿಮ್ಮ ಪೋಷಕರಿಗಾಗಿ ಪ್ರತ್ಯೇಕವಾದ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸಿದಾಗ, ಇನ್ಕಮ್ ಟ್ಯಾಕ್ಸ್ ಆ್ಯಕ್ಟ್‌ನ ಸೆಕ್ಷನ್ 80D ಅಡಿಯಲ್ಲಿ ನೀವು ಟ್ಯಾಕ್ಸ್ ಪ್ರಯೋಜನಗಳನ್ನು ಪಡೆಯಬಹುದು. ಅವರ ಹೆಲ್ತ್ ಇನ್ಶೂರೆನ್ಸ್ ಪ್ಲ್ಯಾನ್‌ಗಾಗಿ ಪಾವತಿಸಿದ ಪ್ರೀಮಿಯಂಗೆ ನೀವು ಹೆಚ್ಚುವರಿ ಟ್ಯಾಕ್ಸ್ ಪ್ರಯೋಜನಗಳನ್ನು ಪಡೆಯುತ್ತೀರಿ ಎಂಬುದನ್ನು ಇದು ಖಚಿತಪಡಿಸುತ್ತದೆ.
ಕೊನೆಯದಾಗಿ ಹೇಳುವುದಾದರೆ, ನಿಮ್ಮ ಪೋಷಕರನ್ನು ನಿಮ್ಮ ಸ್ವಂತ ಪಾಲಿಸಿಯೊಂದಿಗೆ ಸೇರಿಸಿಕೊಳ್ಳುವುದಕ್ಕಿಂತಲೂ, ನಿಮ್ಮ ಪೋಷಕರಿಗಾಗಿಯೇ ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸುವುದು ಯಾವಾಗಲೂ ಉತ್ತಮ ಆಯ್ಕೆಯಾಗಿದೆ. ಇದು ಹೆಚ್ಚಿನ ಕವರೇಜ್, ಕಡಿಮೆ ಪ್ರೀಮಿಯಂಗಳು, ಕಸ್ಟಮೈಸೇಶನ್, ನೋ ಕ್ಲೈಮ್ ಬೋನಸ್ ಮತ್ತು ಟ್ಯಾಕ್ಸ್ ಪ್ರಯೋಜನಗಳನ್ನು ನೀಡುತ್ತದೆ. ಅಷ್ಟೇ ಅಲ್ಲದೇ ನಿಮ್ಮ ಪೋಷಕರು ಖರ್ಚುಗಳ ಬಗ್ಗೆ ಹೆಚ್ಚು ಚಿಂತಿಸದೆ, ಅಗತ್ಯ ವೈದ್ಯಕೀಯ ಚಿಕಿತ್ಸೆಯನ್ನು ಪಡೆಯುತ್ತಾರೆ ಎಂಬುದನ್ನು ಖಚಿತಪಡಿಸುತ್ತದೆ.
ಆದ್ದರಿಂದ, ನಿಮ್ಮ ಪೋಷಕರನ್ನು ಅನಿರೀಕ್ಷಿತ ವೈದ್ಯಕೀಯ ವೆಚ್ಚಗಳಿಂದ ರಕ್ಷಿಸಲು ಅವರಿಗಾಗಿ ನೀವು ಪ್ರತ್ಯೇಕ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಆಯ್ಕೆ ಮಾಡಿಕೊಳ್ಳಲು ನಿಮಗೆ ಹೆಚ್ಚು ರೆಕಮೆಂಡ್ ಮಾಡಲಾಗಿದೆ.
Please try one more time!
