ಅನಾರೋಗ್ಯದ ಚಿಕಿತ್ಸೆಗೆ ಖಾಲಿಯಾದ ಬಳಿಕ ಇನ್ಶೂರೆನ್ಸ್ ಕಂಪನಿಯು ಸಮ್ ಇನ್ಶೂರ್ಡ್ ಅನ್ನು ರೀಸ್ಟೋರ್ ಮಾಡುವ ಪ್ರಯೋಜನವೇ ರೀಸ್ಟೊರೇಷನ್ ಬೆನಿಫಿಟ್.
ಆದ್ದರಿಂದ, ನೀವು ಸಂಪೂರ್ಣ ಸಮ್ ಇನ್ಶೂರ್ಡ್ ಅನ್ನು ಬಳಸಿದ್ದರೂ ಸಹ ಚಿಂತಿಸಬೇಕಿಲ್ಲ. ನೀವು ಈ ಪ್ರಯೋಜನವನ್ನು ಹೊಂದಿದ್ದರೆ ನಿಮ್ಮ ಇನ್ಶೂರೆನ್ಸ್ ಕಂಪನಿಯು ಸಂಪೂರ್ಣ ಸಮ್ ಇನ್ಶೂರ್ಡ್ ಅನ್ನು ರೀಸ್ಟೋರ್ ಮಾಡಬಹುದು ಮತ್ತು ನೀವದನ್ನು ಭವಿಷ್ಯದಲ್ಲಿ ಬಳಸಿಕೊಳ್ಳಬಹುದು.
ಇದನ್ನು ಒಂದು ಉದಾಹರಣೆಯೊಂದಿಗೆ ಅರ್ಥಮಾಡಿಕೊಳ್ಳೋಣ - ಶ್ರೀ ರವಿ ಅವರು ರೀಸ್ಟೊರೇಷನ್ ಬೆನಿಫಿಟ್ನೊಂದಿಗೆ ₹ 4 ಲಕ್ಷಗಳ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಹೊಂದಿದ್ದಾರೆ. ಅವರು ಹೃದಯ ಶಸ್ತ್ರಚಿಕಿತ್ಸೆಗೆ ಒಳಗಾಗಬೇಕಾಯಿತು. ₹4 ಲಕ್ಷ ರೂಪಾಯಿಗಳ ಸಂಪೂರ್ಣ ಸಮ್ ಇನ್ಶೂರ್ಡ್ ಖಾಲಿಯಾಯಿತು.
ಕೆಲವು ತಿಂಗಳ ನಂತರ ರವಿಯವರಿಗೆ ಕ್ಯಾನ್ಸರ್ ಇರುವುದು ಪತ್ತೆಯಾಯಿತು. ಇದಕ್ಕೆ ಸುಮಾರು ₹2 ಲಕ್ಷ ವೆಚ್ಚದ ಶಸ್ತ್ರಚಿಕಿತ್ಸೆಯ ಅಗತ್ಯವಿತ್ತು. ಈಗ ಇನ್ಶೂರೆನ್ಸ್ ಕಂಪನಿ ರವಿಯವರ ಶಸ್ತ್ರಚಿಕಿತ್ಸೆ, ಆಸ್ಪತ್ರೆ ದಾಖಲಾತಿ ಮತ್ತು ವೈದ್ಯಕೀಯ ಚಿಕಿತ್ಸಾ ವೆಚ್ಚವನ್ನು ಭರಿಸುತ್ತದೆ. ಏಕೆಂದರೆ ರವಿಯವರು ತಮ್ಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸುವಾಗ ರೀಸ್ಟೊರೇಷನ್ ಬೆನಿಫಿಟ್ ಅನ್ನು ಆರಿಸಿಕೊಂಡಿದ್ದರಿಂದ ₹ 4 ಲಕ್ಷಗಳ ಮೂಲ ಸಮ್ ಇನ್ಶೂರ್ಡ್ ಅನ್ನು ಕಂಪನಿ ರೀಸ್ಟೋರ್ ಮಾಡಿದೆ.
ಕೇವಲ ಆಡಂಬರದ ಪ್ರಯೋಜನ ನೀಡಿ ಗ್ರಾಹಕರನ್ನು ಓಲೈಸುವುದರಲ್ಲಿ ನಮಗೆ ನಂಬಿಕೆಯಿಲ್ಲ. ದೀರ್ಘಾವಧಿಯಲ್ಲಿ ನಿಮಗೆ ನಿಜವಾಗಿಯೂ ಸಹಾಯವಾಗುವ ರೀಸ್ಟೊರೇಷನ್ ಬೆನಿಫಿಟ್ನಂತಹ ನೈಜ ಪ್ರಯೋಜನಗಳನ್ನು ನಾವು ನಿಮಗೆ ನೀಡುತ್ತೇವೆ.
ಇದು ಏಕೆ ಮುಖ್ಯ - ಇದು ತುಂಬಾ ಮುಖ್ಯ ಮತ್ತು ಪ್ರಯೋಜನಕಾರಿಯಾಗಿದೆ. ಏಕೆಂದರೆ ನೀವಿದನ್ನು ಆಯ್ಕೆ ಮಾಡಿದಾಗ ನೀವು ಬುದ್ಧಿವಂತ ನಿರ್ಧಾರವನ್ನು ತೆಗೆದುಕೊಂಡಿದ್ದೀರಿ ಎದರ್ಥ.
ಯಾವುದೇ ಸಂದರ್ಭದಲ್ಲಿ ಬ್ಯಾಕ್-ಅಪ್ ಯೋಜನೆಯನ್ನು ಹೊಂದಿರುವುದು ಯಾವಾಗಲೂ ಅವಶ್ಯಕ. ವಿಶೇಷವಾಗಿ ನಿಮ್ಮ ಆರೋಗ್ಯದ ವಿಷಯಕ್ಕೆ ಬಂದಾಗ. ಅಂತೆಯೇ, ರೀಸ್ಟೊರೇಷನ್ ಬೆನಿಫಿಟ್ ನಿಮ್ಮ ಬ್ಯಾಕ್-ಅಪ್ ಯೋಜನೆಯಾಗಿದೆ ಮತ್ತು ಅಗತ್ಯವಿದ್ದಾಗ ನಿಮಗೆ ಸಹಾಯ ಮಾಡುತ್ತದೆ.
ಇದರ ಬಗ್ಗೆ ಇನ್ನಷ್ಟು ಓದಿ:
ರೀಸ್ಟೊರೇಷನ್ ಬೆನಿಫಿಟ್ ನ ವಿಧಗಳು
ನಿಮಗೆ ಎರಡು ವಿಧದ ರೀಸ್ಟೊರೇಷನ್ ಆಯ್ಕೆಗಳು ಲಭ್ಯವಿವೆ. ನೀವು ಅವುಗಳಲ್ಲಿ ಒಂದನ್ನು ಆಯ್ಕೆಮಾಡುವ ಮೊದಲು ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯನ್ನು ಗಮನವಿಟ್ಟು ಓದಬೇಕೆಂದು ನಾವು ಸೂಚಿಸುತ್ತೇವೆ:
ಸಮ್ ಇನ್ಶೂರ್ಡ್ ಸಂಪೂರ್ಣ ಬಳಕೆ - ಈ ಆಯ್ಕೆಯಲ್ಲಿ ಸಮ್ ಇನ್ಶೂರ್ಡ್ ಸಂಪೂರ್ಣ ಖಾಲಿಯಾದಾಗ ಮಾತ್ರ ಈ ಪ್ರಯೋಜನವು ಕಾರ್ಯರೂಪಕ್ಕೆ ಬರುತ್ತದೆ.
ಸಮ್ ಇನ್ಶೂರ್ಡ್ ಭಾಗಶಃ ಬಳಕೆ - ಈ ಆಯ್ಕೆಯಲ್ಲಿ ಸಮ್ ಇನ್ಶೂರ್ಡ್ ನಲ್ಲಿ ಒಂದು ಭಾಗ ಖಾಲಿಯಾದಾಗಲೂ ಪ್ರಯೋಜನವು ಜಾರಿಗೆ ಬರುತ್ತದೆ.
ರಿಸ್ಟೊರೇಷನ್ ಬೆನಿಫಿಟ್ ಅನ್ನು ಯಾರು ಆಯ್ಕೆ ಮಾಡಿಕೊಳ್ಳಬೇಕು?
ನಿಮ್ಮ ಪಾಲಿಸಿಯ ಗರಿಷ್ಠ ಪ್ರಯೋಜನಗಳನ್ನು ಆನಂದಿಸಲು ಫ್ಯಾಮಿಲಿ ಫ್ಲೋಟರ್ ಪಾಲಿಸಿಯನ್ನು ಖರೀದಿಸುವಾಗ ಈ ಆ್ಯಡ್-ಆನ್ ಪ್ರಯೋಜನವನ್ನೂ ಖರೀದಿಸುವಂತೆ ನಾವು ನಿಮಗೆ ಸಲಹೆ ನೀಡುತ್ತೇವೆ. ಈ ಪ್ರಯೋಜನವು ನಿಮ್ಮ ಫ್ಯಾಮಿಲಿ ಫ್ಲೋಟರ್ ಯೋಜನೆಗೆ ಸರಿಹೊಂದುತ್ತದೆ ಮತ್ತು ಇದು ನಿಮ್ಮ ಯೋಜನೆಗೆ ಸರಿಯಾದ ಮೌಲ್ಯವನ್ನು ಸೇರಿಸುತ್ತದೆ.
ಇದರ ಬಗ್ಗೆ ಕಡಿಮೆ ತಿಳಿದುಕೊಂಡವರಿಗೆ ಹೇಳುವುದಾದರೆ, ಫ್ಯಾಮಿಲಿ ಫ್ಲೋಟರ್ ಯೋಜನೆಗಳಲ್ಲಿ ಕುಟುಂಬದ ಸದಸ್ಯರ ನಡುವೆ ಪ್ರಯೋಜನವು 'ಹಂಚಲ್ಪಡುತ್ತದೆ'. ಅಂತಹ ಪಾಲಿಸಿಗಳಲ್ಲಿ, ರಿಸ್ಟೊರೇಷನ್ ಬೆನಿಫಿಟ್ ವೈಶಿಷ್ಟ್ಯವು ಉಪಯೋಗಕ್ಕೆ ಬರುತ್ತದೆ.
ಉದಾಹರಣೆಗೆ, ನೀವು ₹4 ಲಕ್ಷಗಳ ಸಮ್ ಇನ್ಶೂರ್ಡ್ ನೊಂದಿಗೆ ಫ್ಲೋಟರ್ ಯೋಜನೆಯನ್ನು ಪಡೆದಿರುವಿರಿ. ಇಂತಹ ಸಂದರ್ಭದಲ್ಲಿ ನಿಮ್ಮ ಸಂಗಾತಿಯು ಅನಾರೋಗ್ಯಕ್ಕೆ ಒಳಗಾದರೆ ಸಂಪೂರ್ಣ ಕವರೇಜ್ ಅನ್ನು ಬಳಸಲಾಗುತ್ತದೆ.
ದುರದೃಷ್ಟವಶಾತ್, ಅದೇ ಪಾಲಿಸಿ ವರ್ಷದಲ್ಲಿ ನಿಮ್ಮ ಕುಟುಂಬದ ಮತ್ತೊಬ್ಬ ಸದಸ್ಯರು ಸಹ ಆಸ್ಪತ್ರೆಗೆ ದಾಖಲಾದರೆ ಆ ಪರಿಸ್ಥಿತಿಯಲ್ಲಿ ನಿಮ್ಮ ಸಮ್ ಇನ್ಶೂರ್ಡ್ ಅನ್ನು ರೀಸ್ಟೋರ್ ಮಾಡಲಾಗುವ ವೈಶಿಷ್ಟ್ಯದಿಂದ ನಿಮಗೆ ಸಹಾಯ ಆಗುತ್ತದೆ.
ರೀಸ್ಟೊರೇಷನ್ ಬೆನಿಫಿಟ್ ಪಾಲಿಸಿ ಪ್ರೀಮಿಯಂ ಅನ್ನು ಹೆಚ್ಚಿಸುತ್ತದೆಯೇ?
ರೀಸ್ಟೊರೇಷನ್ ಬೆನಿಫಿಟ್ ಆರ್ಥಿಕವಾಗಿಯೂ ಸಹ ಪ್ರಯೋಜನಕಾರಿಯಾಗಿದೆ. ಆದಾಗ್ಯೂ, ಇನ್ಶೂರೆನ್ಸ್ ಪಾಲಿಸಿಯ ಪ್ರೀಮಿಯಂ ಅನ್ನು ನಿರ್ಧರಿಸುವ ಮುಖ್ಯ ನಿಯಮಗಳಲ್ಲಿ ಒಂದನ್ನು ಗಮನದಲ್ಲಿಟ್ಟುಕೊಳ್ಳಿ. ಪಾಲಿಸಿಯೊಂದಿಗೆ ಬರುವ ಹೆಚ್ಚಿನ ವೈಶಿಷ್ಟ್ಯಗಳನ್ನು ಆಯ್ಕೆ ಮಾಡಿದಷ್ಟೂ ಅದರ ಪ್ರೀಮಿಯಂ ಅಮೌಂಟ್ ಹೆಚ್ಚಾಗುತ್ತದೆ.
ಈ ಪ್ರಯೋಜನವು ಖಂಡಿತವಾಗಿಯೂ ಪ್ರೀಮಿಯಂ ಮೊತ್ತವನ್ನು ಹೆಚ್ಚಿಸುತ್ತದೆ. ಇದು ಹೆಚ್ಚುವರಿ ಯೋಜನೆಗಾಗಿ ಇನ್ಶೂರೆನ್ಸ್ ಪಡೆದ ವ್ಯಕ್ತಿಯು ಖರ್ಚು ಮಾಡುವ ಹೆಚ್ಚುವರಿ ವೆಚ್ಚವಾಗಿದೆ.
ಉದಾಹರಣೆಗೆ, ₹4 ಲಕ್ಷಗಳ ಇನ್ಶೂರೆನ್ಸ್ ಯೋಜನೆಯಲ್ಲಿ 34 ವರ್ಷ ವಯಸ್ಸಿನವರು ವಾರ್ಷಿಕವಾಗಿ ₹ 5,000ಕ್ಕಿಂತ ಸ್ವಲ್ಪ ಹೆಚ್ಚು ಮೊತ್ತ ಕಟ್ಟಬೇಕಾಗಿರುತ್ತದೆ. ರೀಸ್ಟೊರೇಷನ್ ಬೆನಿಫಿಟ್ ಅನ್ನು ಹೊಂದಿದ್ದರೆ ಯೋಜನೆಗೆ ₹ 6,000ಕ್ಕಿಂತ ಹೆಚ್ಚು ಮೊತ್ತ ಕಟ್ಟಬೇಕಿರುತ್ತದೆ.
