ಡಿಜಿಟ್ ಹೆಲ್ತ್ ಇನ್ಶೂರೆನ್ಸ್ ಆನ್ಲೈನ್

ನಿಮ್ಮ ಆರೋಗ್ಯವು ನಿಮ್ಮಲ್ಲಿರುವ ಅತ್ಯಮೂಲ್ಯ ಆಸ್ತಿಯಾಗಿದೆ, ಅದಕ್ಕಾಗಿಯೇ ಅದನ್ನು ಹಾನಿಯಿಂದ ರಕ್ಷಿಸಲು ನೀವು ಸಾಕಷ್ಟು ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಹಾಗಿದ್ದರೂ, ಅನಾರೋಗ್ಯ ಅಥವಾ ಅಪಘಾತಗಳು ಸಾಮಾನ್ಯವಾಗಿವೆ ಮತ್ತು ಅವು ಯಾವುದೇ ಸಮಯದಲ್ಲಿ ನಿಮ್ಮನ್ನು ಎಮರ್ಜೆನ್ಸಿ ರೂಮ್‌ಗೆ ಕಳುಹಿಸಬಹುದು.

ಭಾರತದಲ್ಲಿನ ಹೆಲ್ತ್ ಕೇರ್‌ನ ಪ್ರಸ್ತುತ ಸ್ಥಿತಿ ಮತ್ತು ವೆಚ್ಚದೊಂದಿಗೆ, ಆಸ್ಪತ್ರೆಗೆ ಮಾಡುವ ಇಂತಹ ಯೋಜಿತವಲ್ಲದ ಭೇಟಿಗಳು ನಿಮಗೆ ಹಣಕಾಸಿನ ತೊಂದರೆಯನ್ನುಂಟು ಮಾಡಬಹುದು.

ಅದೃಷ್ಟವಶಾತ್, ಮೆಡಿಕಲ್ ಇನ್ಶೂರೆನ್ಸ್‌ನೊಂದಿಗೆ ತಮ್ಮ ಆರೋಗ್ಯವನ್ನು ಸುರಕ್ಷಿತ ಪ್ಪವಾಗಿಡುವ ವ್ಯಕ್ತಿಗಳು ಅಂತಹ ಯೋಜಿತವಲ್ಲದ ವೆಚ್ಚಗಳನ್ನು ಭರಿಸಬೇಕಾಗಿಲ್ಲ.

ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಯು ವ್ಯಕ್ತಿಗಳಿಗೆ ತಮ್ಮ ಚಿಕಿತ್ಸೆಗೆಂದು ಚಿಕಿತ್ಸಾ ಶುಲ್ಕಗಳ ಜೊತೆಗೆ ಹಣಕಾಸನ್ನು ಒದಗಿಸಲು ಸಹಾಯ ಮಾಡುತ್ತದೆ. ಕೆಲವು ಸಂದರ್ಭಗಳಲ್ಲಿ, ಪಾಲಿಸಿದಾರರು ನೆಟ್‌ವರ್ಕ್ ಆಸ್ಪತ್ರೆಗಳಿಂದ ಮತ್ತು ಚಿಕಿತ್ಸಾಲಯಗಳಿಂದ ವೈದ್ಯಕೀಯ ಚಿಕಿತ್ಸೆಯನ್ನು ಪಡೆಯುವ ಸಂದರ್ಭದಲ್ಲಿ, ತಮ್ಮ ಸ್ವಂತ ಜೇಬಿನಿಂದ ಯಾವುದೇ ಹಣವನ್ನು ಖರ್ಚು ಮಾಡದಂತೆ ತಪ್ಪಿಸಲು ಸಾಧ್ಯವಾಗುತ್ತದೆ.

ಹೆಲ್ತ್ ಇನ್ಶೂರೆನ್ಸ್ ಯೋಜನೆಗಳ ಹೆಚ್ಚುವರಿ ಪ್ರಯೋಜನಗಳೆಂದರೆ, ಚಿಕಿತ್ಸಾ ಪೂರ್ವದ ಮತ್ತು ನಂತರದ ವೆಚ್ಚಗಳು, ಡೇಕೇರ್ ವೆಚ್ಚಗಳ ಮರುಪಾವತಿ ಮತ್ತು ಆಕರ್ಷಕ ವಾರ್ಷಿಕ ತೆರಿಗೆ ಪ್ರಯೋಜನಗಳು.

ನೀವು ಈ ಕೆಳಗಿನ ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡರೆ, ನೀವು ಖರೀದಿಸುವ ಹೆಲ್ತ್ ಇನ್ಶೂರೆನ್ಸ್ ಯೋಜನೆಯು ನಿಮಗೆ ಸಾಕಷ್ಟು ಆರ್ಥಿಕ ರಕ್ಷಣೆಯನ್ನು ಒದಗಿಸುತ್ತದೆ.

• ಬ್ರ್ಯಾಂಡ್‌ನ ಖ್ಯಾತಿ - ವೈದ್ಯಕೀಯ ತುರ್ತುಸ್ಥಿತಿಗಳಲ್ಲಿ ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಪೂರೈಕೆದಾರರನ್ನು ನೀವು ಅವಲಂಬಿಸಬೇಕಿದೆ. ಹೀಗಾಗಿ, ನಿಮ್ಮ ಇನ್ಶೂರೆನ್ಸ್ ಪೂರೈಕೆದಾರರನ್ನು ಆಯ್ಕೆಮಾಡುವ ಮೊದಲು ಆನ್‌ಲೈನ್‌ನಲ್ಲಿ, ಸೋಷಿಯಲ್ ಮೀಡಿಯಾ ಮತ್ತು ಇತರ ಸ್ಥಳಗಳಲ್ಲಿ ಕಂಪನಿಯ ರೇಟಿಂಗ್‌ಗಳನ್ನು ಪರಿಶೀಲಿಸುವುದು ಅತ್ಯಗತ್ಯ ಭಾಗವಾಗಿದೆ. ಕಂಪನಿಯ ಪ್ರಸ್ತುತ ಗ್ರಾಹಕರು ಅದರ ಉತ್ಪನ್ನಗಳಿಂದ ಅಥವಾ ಸೇವೆಯಿಂದ ಎದುರಿಸುತ್ತಿರುವ ಸಮಸ್ಯೆಗಳಿಗಾಗಿ ಅಥವಾ ನೆಗೆಟಿವ್ ಕಾಮೆಂಟ್‌ಗಳಿಗಾಗಿ ನಿಮ್ಮ ಕಣ್ಣುಗಳನ್ನು ತೆರೆದು ನೋಡಿ.

• ಐ.ಆರ್.ಡಿ.ಎ.ಐ ಅನುಮೋದನೆ ಕಡ್ಡಾಯ - ಇನ್ಶೂರೆನ್ಸ್ ರೆಗ್ಯುಲೆಟರಿ ಮತ್ತು ಡೆವಲಪ್ಮೆಂಟ್ ಅಥಾರಿಟಿಯು ಸರ್ಕಾರಿ ಘಟಕವಾಗಿದ್ದು, ಇದು ಭಾರತದಲ್ಲಿನ ಇನ್ಶೂರೆನ್ಸ್ ಕಂಪನಿಗಳ ನಿಯಂತ್ರಣದ ಉಸ್ತುವಾರಿಯನ್ನು ಹೊಂದಿದೆ. ಇದರ ಅಡಿಯಲ್ಲಿ ರಿಜಿಸ್ಟರ್ ಆಗುವ ಕಂಪನಿಗಳು ಅದರ ಮಾರ್ಗಸೂಚಿಗಳನ್ನು ಪಾಲಿಸಬೇಕು ಹಾಗೂ ತಮ್ಮ ಚಟುವಟಿಕೆಗಳಲ್ಲಿ ಸಾಕಷ್ಟು ಪಾರದರ್ಶಕತೆಯನ್ನು ಕಾಪಾಡಿಕೊಳ್ಳಬೇಕು. ಹೀಗಾಗಿ, ನಿಮಗಾಗಿ ಅಥವಾ ನಿಮ್ಮ ಕುಟುಂಬಕ್ಕಾಗಿ ಮೆಡಿಕಲ್ ಇನ್ಶೂರೆನ್ಸ್ ಅನ್ನು ಪಡೆದುಕೊಳ್ಳುವಾಗ ಅಂತಹ ಐ.ಆರ್.ಡಿ.ಎ.ಐ ಅನುಮೋದಿತ ಕಂಪನಿಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಯಾವಾಗಲೂ ಬುದ್ಧಿವಂತ ಹೆಜ್ಜೆಯಾಗಿದೆ.

• ಕ್ಲೈಮ್ ಸೆಟ್ಲ್‌ಮೆಂಟ್‌ನ ಡಾಕ್ಯುಮೆಂಟನ್ನು ಟ್ರ್ಯಾಕ್ ಮಾಡಿ - ಮೆಡಿಕಲ್ ಎಮರ್ಜೆನ್ಸಿಗಳಲ್ಲಿ, ಚಿಕಿತ್ಸೆಗಾಗಿ ಹಣವನ್ನು ಹೊಂದಿಸಲು ನೀವು ಅತ್ಯಂತ ಸೀಮಿತ ವ್ಯಾಪ್ತಿಯನ್ನು ಅಥವಾ ಸಮಯವನ್ನು ಹೊಂದಿರಬಹುದು. ಅಂತಹ ಸಮಯದಲ್ಲಿ, ನಿಮಗೆ ಕ್ಲೈಮ್ ವಿನಂತಿಗಳನ್ನು ತ್ವರಿತವಾಗಿ ಅನುಮೋದಿಸುವ, ಸರಿಯಾದ ಕಾಳಜಿ ವಹಿಸಲು ವಿಳಂಬವಾಗದಂತೆ ಅಗತ್ಯ ಹಣಕಾಸಿನ ನೆರವನ್ನು ನೀಡುವ ಇನ್ಶೂರೆನ್ಸ್ ಕಂಪನಿಯ ಅಗತ್ಯವಿರುತ್ತದೆ. ನಿಮ್ಮ ಇನ್ಶೂರೆನ್ಸ್ ಕಂಪನಿಯನ್ನು ಆಯ್ಕೆ ಮಾಡುವ ಮೊದಲು, ಅದರ ಕ್ಲೈಮ್ ಸೆಟ್ಲ್‌ಮೆಂಟ್‌ ಅನುಪಾತವನ್ನು ಪರಿಶೀಲಿಸಿ. ಕಂಪನಿಯು ಪಡೆಯುವ ಕ್ಲೈಮ್‌ಗಳಲ್ಲಿ, ಇತ್ಯರ್ಥಗೊಳಿಸುವ ಶೇಕಡಾವಾರು ಕ್ಲೈಮ್‌ಗಳ ಬಗ್ಗೆ ಇದು ನಿಮಗೆ ಸರಿಯಾದ ಕಲ್ಪನೆಯನ್ನು ನೀಡಬೇಕು. ಹೆಚ್ಚಿನ ಅನುಪಾತಗಳು ಅನುಕೂಲಕರವೆಂದು ಹೇಳುವ ಅಗತ್ಯವಿಲ್ಲ.

• ನೆಟ್‌ವರ್ಕ್ ಆಸ್ಪತ್ರೆಗಳು - ಪಾಲಿಸಿದಾರರು, ಕಂಪನಿಯ ನೆಟ್‌ವರ್ಕ್ ಆಸ್ಪತ್ರೆಗಳು ಮತ್ತು ಕ್ಲಿನಿಕ್‌ಗಳಲ್ಲಿ ಕ್ಯಾಶ್‌ಲೆಸ್ ಚಿಕಿತ್ಸೆಯನ್ನು ಪಡೆಯಬಹುದು. ಈ ಸಂದರ್ಭಗಳಲ್ಲಿ, ಪಾಲಿಸಿದಾರರು ಇನ್ಶೂರೆನ್ಸ್ ಕ್ಲೈಮ್ ಅನ್ನು ಸಲ್ಲಿಸುವ ಅಗತ್ಯವಿಲ್ಲ ಅಥವಾ ಹಣಕಾಸಿನ ಪರಿಹಾರ ಪಡೆಯಲು ಮರುಪಾವತಿ ವಿಧಾನವನ್ನು ಅನುಸರಿಸುವ ಅಗತ್ಯವಿಲ್ಲ. ಬದಲಾಗಿ, ಮೆಡಿಕಲ್ ಬಿಲ್‌ಗಳನ್ನು ನೇರವಾಗಿ ವಿಮಾದಾರರು ಮತ್ತು ಪ್ರಶ್ನಾರ್ಹ ಆಸ್ಪತ್ರೆಯ ನಡುವೆ ಇತ್ಯರ್ಥಗೊಳಿಸಲಾಗುತ್ತದೆ. ಗರಿಷ್ಠ ಸಂಖ್ಯೆಯ ನೆಟ್‌ವರ್ಕ್ ಔಟ್‌ಲೆಟ್‌ಗಳನ್ನು ಹೊಂದಿರುವ ಕಂಪನಿಗಳನ್ನು ನೋಡಿ, ಇದರಿಂದ ನೀವು ಪ್ರತಿ ಬಾರಿಯೂ ಕ್ಯಾಶ್‌ಲೆಸ್ ಚಿಕಿತ್ಸೆಯನ್ನು ಪಡೆಯಬಹುದು

• ತೊಂದರೆ-ಮುಕ್ತ ಕ್ಲೈಮ್‌ಗಳ ಪ್ರಕ್ರಿಯೆ - ಸಂಕೀರ್ಣವಾದ ಕ್ಲೈಮ್ ಫೈಲಿಂಗ್ ಪ್ರಕ್ರಿಯೆಯು, ತುರ್ತು ಪರಿಸ್ಥಿತಿಯ ಸಮಯದಲ್ಲಿ ನಿಮ್ಮನ್ನು ನಿಯಮಗಳ ಹೇರಿಕೆಯಲ್ಲಿ ಮುಳುಗಿಸಬಹುದು. ಮೆಡಿಕಲ್ ಎಮರ್ಜೆನ್ಸಿಯು ಸಂಭವಿಸಿದಾಗ, ನೀವು ಅರ್ಹವಿರುವ ಹಣಕಾಸಿನ ಸಹಾಯವನ್ನು ಪಡೆಯಲು, ರಾಶಿಗಟ್ಟಲೇ ಕಾಗದಗಳನ್ನು ತುಂಬುತ್ತ ಕೂರಲು ನಿಮಗೆ ಸಾಧ್ಯವಿರುವುದಿಲ್ಲ. ಆದ್ದರಿಂದ, ನಿಮ್ಮ ಹೆಲ್ತ್ ಇನ್ಶೂರೆನ್ಸ್ ಕಂಪನಿಯನ್ನು ಆಯ್ಕೆಮಾಡುವ ಮೊದಲು, ನಿಮ್ಮ ವಿಮಾದಾರರು ಸರಳವಾದ ಮತ್ತು ತೊಂದರೆ-ಮುಕ್ತ ಕ್ಲೈಮ್‌ಗಳ ವಿಧಾನವನ್ನು ಅನುಸರಿಸುತ್ತಾರೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಯಾಕೆಂದರೆ ಇದು ಹೆಚ್ಚು ಸಮಯವನ್ನು ತೆಗೆದುಕೊಳ್ಳುವುದಿಲ್ಲ ಅಥವಾ ಗೊಂದಲಕ್ಕೀಡಾಗುವುದಿಲ್ಲ.

• ಹೆಲ್ತ್ ಇನ್ಶೂರೆನ್ಸ್ ಪ್ರೀಮಿಯಂಗಳು - ಮೆಡಿಕಲ್ ಕವರೇಜ್ ಅನ್ನು ಪಡೆಯಲು ನೀವು ಪಾವತಿಸುವ ಹಣದ ಮೊತ್ತವು, ಪಾಲಿಸಿಯನ್ನು ಖರೀದಿಸುವ ಮೊದಲು ನೀವು ಬಹುಮುಖ್ಯವಾಗಿ ಪರಿಗಣಿಸಬೇಕಾದ ಮತ್ತೊಂದು ಪ್ರಮುಖ ಅಂಶವಾಗಿದೆ. ಅದೇನೇ ಇದ್ದರೂ, ಕೇವಲ ಬೆಲೆಯನ್ನಷ್ಟೆ ನೋಡಬೇಡಿ. ಬದಲಾಗಿ, ನೀಡುವ ಹಣಕ್ಕೆ ತಕ್ಕ ಉತ್ತಮ ಮೌಲ್ಯದ ಪಾಲಿಸಿಗಾಗಿ ನೋಡಿ. ಪಾಲಿಸಿಯ ಸೇರ್ಪಡೆಗಳು ಮತ್ತು ಹೊರಗಿಡುವಿಕೆಗಳನ್ನು ಪರಿಗಣಿಸುವಾಗ ಅವುಗಳ ಬೆಲೆಗಳನ್ನು ಹೋಲಿಕೆ ಮಾಡಿ. ಹಾಗೆ ಮಾಡುವುದರಿಂದ ಮೆಡಿಕಲ್ ಎಮರ್ಜೆನ್ಸಿಗಳಲ್ಲಿ ಹಣಕಾಸಿನ ಭದ್ರತೆಗೆ ಧಕ್ಕೆಯಾಗದಂತೆ ಆರ್ಥಿಕ ಯೋಜನೆಯನ್ನು ಆಯ್ಕೆ ಮಾಡಲು ನಿಮಗೆ ಸಹಾಯವಾಗುತ್ತದೆ.

ಸಂಭಾವ್ಯ ಹೆಲ್ತ್ ಇನ್ಶೂರೆನ್ಸ್ ಖರೀದಿಗಾರರಿಗೆ ಬಹುಶಃ ನಾವು ನೀಡುವ ಪ್ರಮುಖ ಸಲಹೆಯೆಂದರೆ, ಅಂತಹ ಪಾಲಿಸಿಗಳನ್ನು ಇನ್ಶೂರೆನ್ಸ್ ಕಂಪನಿಯಿಂದ ನೇರವಾಗಿ ಖರೀದಿಸಲು ನಿಶ್ಚಯಿಸಿರಿ.

ಮೆಡಿಕಲ್ ಪಾಲಿಸಿಯನ್ನು ಖರೀದಿಸುವಾಗ ಅನೇಕ ಏಜೆಂಟ್‌ಗಳ ಮೂಲಕ ಖರೀದಿಸಲು ಬಯಸುತ್ತಾರೆ. ಆದರೂ, ಕಂಪನಿಯೊಂದಿಗಿನ ನೇರ ವಹಿವಾಟು ಯಾವಾಗಲೂ ಹೆಚ್ಚು ಪ್ರಯೋಜನಕಾರಿಯಾಗಿದೆ.

ಏಕೆ ಎಂದು ತಿಳಿಯೋಣ ಬನ್ನಿ!

ಇತರ ಮೂಲಗಳಿಗೆ ಅಥವಾ ಬ್ರೋಕರ್‌ಗಳಿಗೆ ವಿರುದ್ಧವಾಗಿ ಕಂಪನಿಯಿಂದ ಹೆಲ್ತ್ ಕವರೇಜ್ ಅನ್ನು ಖರೀದಿಸುವ ಕೆಲವು ಪ್ರಯೋಜನಗಳು ಈ ಕೆಳಗಿನಂತಿವೆ:

• ಹಲವಾರು ಆಯ್ಕೆಗಳಿಂದ ಆರಿಸಿಕೊಳ್ಳಿ - ಬ್ರೋಕರ್‌ಗಳು ಅಥವಾ ಏಜೆಂಟ್‌ಗಳು ಸಾಮಾನ್ಯವಾಗಿ ಒಂದು ನಿರ್ದಿಷ್ಟ ಕಂಪನಿಯಲ್ಲಿ ಲಭ್ಯವಿರುವ ಎಲ್ಲಾ ಹೆಲ್ತ್ ಇನ್ಶೂರೆನ್ಸ್ ಉತ್ಪನ್ನಗಳನ್ನು ನಿಮ್ಮೆದುರು ಬಹಿರಂಗಪಡಿಸುವುದಿಲ್ಲ. ಅವರು ನಿಮ್ಮ ಯೋಚನೆಯನ್ನು ದುಬಾರಿ ಆಯ್ಕೆಗಳಿಗೆ ಸೀಮಿತಗೊಳಿಸಲು ಪ್ರಯತ್ನಿಸುತ್ತಾರೆ. ಏಕೆಂದರೆ ಅಂತಹ ಆಯ್ಕೆಗಳಿಂದ ಅವರು ಹೆಚ್ಚಿನ ಕಮಿಷನ್ ಅನ್ನು ಪಡೆದುಕೊಳ್ಳಬಹುದು. ವಿಮಾದಾರರಿಂದ ನೇರವಾಗಿ ಖರೀದಿ ಮಾಡುವುದರಿಂದ ಅಂತಹ ಮಿತಿಗಳನ್ನು ತಡೆಯಬಹುದು.

• ನಿಮ್ಮ ಅಗತ್ಯಗಳಿಗೆ ಅನುಗುಣವಾಗಿ ಇನ್ಶೂರೆನ್ಸ್ ಪಾಲಿಸಿಗಳನ್ನು ಕಸ್ಟಮೈಸ್ ಮಾಡುವುದು - ಇನ್ಶೂರೆನ್ಸ್ ಕಂಪನಿಗಳು ತನ್ನ ಪಾಲಿಸಿದಾರರಿಗೆ ಹಲವಾರು ಕಸ್ಟಮೈಸೇಶನ್ ಆಯ್ಕೆಗಳನ್ನು ನೀಡುತ್ತವೆ, ಇವನ್ನು ಬಳಸಿಕೊಂಡು ನಿಮ್ಮ ನಿರ್ದಿಷ್ಟ ಅಗತ್ಯಗಳಿಗೆ ಸರಿಹೊಂದುವಂತೆ, ನೀವು ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ಮಾರ್ಪಡಿಸಬಹುದು. ಒಬ್ಬ ಬ್ರೋಕರ್, ನಿಮಗೆ ಪಾಲಿಸಿಯನ್ನು ಮಾರಾಟ ಮಾಡುವುದರಿಂದ ಅಂತಹ ಕಸ್ಟಮೈಸೇಶನ್‌ಗಳನ್ನು ನಿಮ್ಮೆದುರು ಬಹಿರಂಗಪಡಿಸದಿರಬಹುದು, ಇದರಿಂದಾಗಿ ನೀವು ಬೇಸಿಕ್ ಪಾಲಿಸಿಯೊಂದಿಗೆ ಸಿಲುಕಿಕೊಳ್ಳುತ್ತೀರಿ.

• ಯಾವುದೇ ಕಮಿಷನ್ ಪಾವತಿಗಳಿಲ್ಲ- ಏಜೆಂಟ್ ಅಥವಾ ಬ್ರೋಕರ್‌ಗಳು ನಿಮ್ಮ ಮತ್ತು ಮೆಡಿಕಲ್ ಕವರೇಜ್ ನೀಡುವ ಕಂಪನಿಯ ನಡುವೆ ಮಧ್ಯವರ್ತಿಗಳಾಗಿ ಕಾರ್ಯನಿರ್ವಹಿಸುತ್ತಾರೆ. ಅಂತಹ ಬ್ರೋಕರ್‌ನಿಂದ ಪಾಲಿಸಿಯನ್ನು ಖರೀದಿಸಲು ನೀವು ನಿರ್ಧರಿಸಿದಾಗ, ನಿಮ್ಮ ಪಾಲಿಸಿ ಪ್ರೀಮಿಯಂನ ಭಾಗವಾಗಿ ನೀವು ಹೆಚ್ಚುವರಿ ಶುಲ್ಕವನ್ನು ಪಾವತಿಸುತ್ತೀರಿ, ಅದನ್ನು ಈ ಏಜೆಂಟ್‌ಗಳು ಕಮಿಷನ್‌ನಂತೆ ತಮ್ಮ ಜೇಬಿಗಿಳಿಸಿಕೊಳ್ಳುತ್ತಾರೆ. ಅದೃಷ್ಟವಶಾತ್, ನೀವು ಇನ್ಶೂರೆನ್ಸ್ ಕಂಪನಿಯೊಂದಿಗೆ ನೇರವಾಗಿ ವ್ಯವಹರಿಸುವಾಗ ಅಂತಹ ಹೆಚ್ಚುವರಿ ಶುಲ್ಕವನ್ನು ಪಾವತಿಸುವ ಅಗತ್ಯವಿಲ್ಲ.

• ಹಲವಾರು ಉತ್ಪನ್ನಗಳನ್ನು ಹೋಲಿಕೆ ಮಾಡಿ - ಬ್ರೋಕರ್‌ಗಳು ನಿಮಗಿರುವ ಎಲ್ಲಾ ಆಯ್ಕೆಗಳನ್ನು ನೋಡಲು ನಿಮಗೆ ಅವಕಾಶ ನೀಡುವುದಿಲ್ಲ. ಬದಲಾಗಿ, ಅವರು ನೀಡುವ ಇನ್ಶೂರೆನ್ಸ್ ಪಾಲಿಸಿಯನ್ನು ಖರೀದಿಸಲು ಅವರು ನಿಮ್ಮನ್ನು ಆತುರಪಡಿಸುತ್ತಾರೆ. ನೀವು ನೇರವಾಗಿ ಕಂಪನಿಯನ್ನು ಸಂಪರ್ಕಿಸಿದಾಗ, ನಿಮಗೆ ಲಭ್ಯವಿರುವ ವಿವಿಧ ಪಾಲಿಸಿಗಳನ್ನು ಹೋಲಿಕೆ ಮಾಡಲು ಮತ್ತು ವಿವರವಾಗಿ ತಿಳಿಯಲು ನೀವು ಸಮಯವನ್ನು ತೆಗೆದುಕೊಳ್ಳಬಹುದು. ನೀವು ತಿಳುವಳಿಕೆಯುತ ಆಯ್ಕೆಯನ್ನು ಮಾಡಿದ ನಂತರವೇ, ಪಾಲಿಸಿ ಡಾಕ್ಯುಮೆಂಟುಗಳಿಗೆ ನೀವು ಸಹಿ ಮಾಡಬೇಕಾಗುತ್ತದೆ.

ಹೆಲ್ತ್ ಇನ್ಶೂರೆನ್ಸ್ ಪಾಲಿಸಿ ಎನ್ನುವುದು ಬದುಕು ಮತ್ತು ಸಾವಿನ ನಡುವಿರುವ ವ್ಯತ್ಯಾಸವಾಗಿದೆ. ಆದ್ದರಿಂದ, ಅಂತಹ ಕವರೇಜಿಗೆ ಸಂಬಂಧಿಸಿದ ನಿರ್ಧಾರಗಳನ್ನು ಲಘುವಾಗಿ ತೆಗೆದುಕೊಳ್ಳಬೇಡಿ.

ನಿಮ್ಮ ಪಾಲಿಸಿ ಡಾಕ್ಯುಮೆಂಟ್‌ಗಳಲ್ಲಿರುವ ಎಲ್ಲಾ ನಿಯಮಗಳು ಮತ್ತು ಷರತ್ತುಗಳನ್ನು ಓದಿ, ಅದು ಏನನ್ನು ಒಳಗೊಂಡಿದೆ ಮತ್ತು ಏನನ್ನು ಮಾಡುವುದಿಲ್ಲ ಎಂಬುದನ್ನು ವಿವರವಾಗಿ ಅರ್ಥಮಾಡಿಕೊಳ್ಳಿ. ಹಾಗೆ ಮಾಡುವುದರಿಂದ ದೀರ್ಘಾವಧಿಯಲ್ಲಿ ಅದರ ಪ್ರಯೋಜನಗಳನ್ನು ಗರಿಷ್ಠಗೊಳಿಸಲು ನಿಮಗೆ ಸಹಾಯವಾಗುತ್ತದೆ.