పాస్‌పోర్ట్ అనేది మీ గుర్తింపు మరియు మీ పౌరసత్వాన్ని నిరూపించే ముఖ్యమైన పత్రాల్లో ఒకటని ప్రత్యేకంగా చెప్పాల్సిన అవసరం లేదు. పైగా, మీ పాస్‌పోర్ట్ చెల్లుబాటు పది సంవత్సరాలు దాటినప్పుడు దానిని తప్పకుండా రిన్యూవల్ చేయించాలి.

కావున ఆన్‌లైన్‌లో పాస్‌పోర్ట్ రిన్యూవల్ గురించి తెలుసుకునేందుకు కిందికి స్క్రోల్ చేయండి. అంతే కాకుండా పాస్‌పోర్ట్‌ను రిన్యూవల్ చేసేందుకు అవసరమయ్యే పత్రాలు, ప్రక్రియకు పట్టే సమయం గురించి కూడా ఈ ఆర్టికల్ వివరిస్తుంది.

అన్నింటికన్నా ముందు మీరు పాస్‌పోర్ట్ సేవా అధికారిక వెబ్‌సైట్‌లో మీ పాస్‌పోర్ట్ ఖాతాను సృష్టించాలి. ఇందుకోసం మీరు తప్పకుండా ఈ స్టెప్స్ ఫాలో కావాలి:

1. పాస్‌పోర్ట్ సేవా అధికారిక వెబ్‌సైట్‌ను  సందర్శించి న్యూ యూజర్ రిజిస్ట్రేషన్ సెలెక్ట్ చేసుకోండి.
2. పాస్‌పోర్ట్ ఆఫీసును ఎంచుకోండి. పాస్‌పోర్ట్ ఆఫీసు మీరు నివాస చిరునామా ఉంటున్న స్థలంలో ఉండేలా చూసుకోండి.
3. మీ పేరు, ఈ మెయిల్ ఐడీ వంటి వివరాలను నమోదు చేసి పాస్‌వర్డ్ మరియు లాగిన్ ఐడీ క్రియేట్ చేసుకోండి. క్యాప్చాను సబ్మిట్ చేసి రిజిస్టర్ మీద క్లిక్ చేయండి.
4. మీ ఈమెయిల్‌కు ఖాతా యాక్టివేషన్ లింక్ వస్తుంది. మీ ఖాతాను యాక్టివేట్ చేసుకునేందుకు దాని మీద క్లిక్ చేయండి.

మీరు పోర్టల్‌లో నమోదు చేసుకున్న తర్వాత కొత్త పాస్ పోర్ట్ కోసం దరఖాస్తు చేసుకోవచ్చు లేదా ఉన్న పాస్ పోర్ట్ నే రిన్యువల్ చేయించుకోవచ్చు.

ఇప్పుడు మీరు ఆన్‌లైన్ పాస్పోర్ట్ రిన్యువల్ విధానం కోసం సిద్ధంగా ఉన్నారు!

పాస్పోర్ట్ రిన్యువల్ కోసం మీరు ఈ దశలను అనుసరించవచ్చు:

1. పాస్ పోర్ట్ సేవా అధికారిక వెబ్‌సైట్‌ను సందర్శించండి.
2. కొత్త  పాస్ పోర్ట్ అప్లై / రీ-ఇష్యూ ఆఫ్ పాస్ పోర్ట్ ఆప్షన్ ఎంచుకోండి. ఆన్‌లైన్ దరఖాస్తు ఫారానికి వెళుతుంది. మీ పేరు, తేదీ, పుట్టిన స్థలం వంటి సంబంధిత వివరాలతో ఫారం పూర్తి చేయండి.
3. ఒకసారి మీరు ఫారం పూరించిన తర్వాత వ్యాలిడేట్ మీద క్లిక్ చేయండి.
4. అన్ని వివరాలను వెరిఫై చేసిన తర్వాత ఈ ఫారాన్ని అప్‌లోడ్ చేసి సమర్పించండి.

అంతేకాకుండా మీరు ఈ-ఫారం ను డౌన్‌లోడ్ చేసుకోవచ్చు. దానిని వెబ్‌సైట్‌లో అప్‌లోడ్ చేయొచ్చు. మీరు ప్రింట్ తీసిన ఈ ఫారాన్ని పీఎస్కేలో లేదా ప్రాంతీయ పోస్టాఫీస్‌లో సబ్మిట్ చేయలేరు.

పాస్పోర్ట్ రిన్యువల్ గురించి మొత్తం ఇదే. రిన్యువల్ చేయబడిన మీ పాస్ పోర్ట్ ను పొందేందుకు అపాయింట్‌మెంట్ ఎలా షెడ్యూల్ చేయాలో తెలుసుకుందాం.

మీ రిన్యువల్ పాస్ పోర్ట్‌ను పొందేందుకు మీకు అనుకూలమైన స్లాట్‌ను ఎంచుకునేందుకు కింద చూడండి:

1. మీ యూజర్ ఐడీ, పాస్‌వర్డ్‌తో పోర్టల్ కి లాగిన్ అవండి.
2. సమర్పించిన అప్లికేషన్‌ను చూసేందుకు వ్యూ సేవ్‌డ్ అప్లికేషన్‌కు వెళ్లండి. మరియు పే షెడ్యూల్ అపాయింట్‌మెంట్ లింక్ మీద క్లిక్ చేయండి.
3. మీరు అపాయింట్‌మెంట్ స్లాట్‌ను షెడ్యూల్ చేసిన తర్వాత దానికోసం ఆన్‌లైన్ పేమెంట్ చేయాలి. అంతే కాకుండా మీ పాస్ పోర్ట్ బుక్‌లెట్‌లోని అప్లికేషన్ రకం (సాధారణ/తత్కాల్) మరియు పేజ్ సంఖ్యను బట్టి ఫీజు అనేది భిన్నంగా ఉంటుంది. ఆన్‌లైన్ చెల్లింపు కింది పద్ధతులలో అందుబాటులో ఉంది:
   1. SBI బ్యాంక్ చలాన్
   2. క్రెడిట్ లేదా డెబిట్ కార్డు (కేవలం వీసా మరియు మాస్టర్ కార్డ్ మాత్రమే అనుమతించబడతాయి)
   3. ఇంటర్నెట్ బ్యాంకింగ్ (SBI మరియు ఇతర అసోసియేట్ బ్యాంక్స్)
4. అప్లికేషన్ రశీదు ప్రింట్ ఆప్షన్ ఎంచుకోండి. ఈ రశీదులో అప్లికేషన్ రిఫరెన్స్ సంఖ్య లేదా నియామక సంఖ్య ఉంటుంది. దరఖాస్తు రశీదును తీసుకెళ్లడం ప్రస్తుతం తప్పనిసరి కాదు.

పాస్పోర్ట్ రిన్యువల్ కోసం అవసరం అయ్యే పత్రాలు జాబితా ఇక్కడ ఉంది:

యుక్తవయస్కుల కొరకు:

• పాత పాస్ పోర్ట్
• నో అబ్జెక్షన్ సర్టిఫికేట్ లేదా NOC
• ఇంటిమేషన్ లెటర్
• సొంతంగా ధృవీకరించడిన పత్రాలు:
  • పాస్ పోర్ట్‌‌లోని మొదటి మరియు చివరి రెండు పేజీలు
  • చెల్లుబాటు పొడగింపు పేజీ w. r. t షార్ట్ వ్యాలిడిటీ పాస్ పోర్ట్ లేదా SVP
  • నాన్-ఇసిఆర్/ఇసిఆర్ పేజ్
  • పాస్ పోర్ట్ అథారిటీ జారీ చేసిన పరిశీలన పేజీ

మైనర్ దరఖాస్తుదారుల కొరకు:

• మీరు తప్పకుండా 4.5 X 3.5 సెం.మీ పాస్ పోర్ట్ సైజ్ ఫొటోను తీసుకురావాలి. ఫొటోగ్రాఫ్‌లో బ్యాక్‌గ్రౌండ్ తప్పకుండా తెలుపై ఉండాలి.

• మీరు ప్రస్తుతం ఉంటున్న నివాస చిరునామా రుజువును తల్లిదండ్రుల పేరుతో సమర్పించవచ్చు.

• మైనర్ తరఫున తల్లిదండ్రులు పత్రాలను ధృవీకరించవచ్చు.

అంతే కాకుండా పాస్పోర్ట్ రిన్యువల్ ప్రక్రియ అనేది (నార్మల్ లేదా తత్కాల్) దరఖాస్తుదారు వయసు (వయోజన లేదా మైనర్) మీద ఆధారపడి భిన్నంగా ఉంటుంది.

పాస్‌పోర్ట్ రిన్యూవల్, రీ-ఇష్యూ మధ్య వ్యత్యాసం ఉందని మీరు గుర్తుంచుకోవాలి. పాస్‌పోర్ట్ రిన్యూవల్ విషయంలో పాస్‌పోర్ట్ అథారిటీ మీకు ఇప్పటికే ఉన్న పాస్‌పోర్ట్‌ను రిన్యూవల్ చేసి అందిస్తుంది. మీరు రీ-ఇష్యూ కోసం దరఖాస్తు చేసినపుడు కొత్త పాస్‌పోర్ట్ పొందుతారు.

ముందే చెప్పినట్లుగా మీ పాస్‌పోర్ట్ చెల్లుబాటు గడువు ముగిసినపుడు దానిని రిన్యూవల్ చేయించుకునేందుకు మీరు అర్హులు. మరోవైపు చూసుకుంటే కింది సంఘటనలు జరిగినపుడు పాస్‌పోర్ట్ మళ్లీ జారీ చేయబడుతుంది:

• మీరు మీ పాస్‌పోర్ట్‌ను ఎప్పుడు కోల్పోయారు

• పాస్‌పోర్ట్ దొంగిలించబడింది

• మీ పాస్‌పోర్ట్ దెబ్బతింది

• పేజీలు అయిపోయాయి

• వ్యక్తిగత సమాచారంలో మార్పు

పాస్‌పోర్ట్ సేవ పోర్టల్ ద్వారా మీరు సులభంగా మీ పాస్‌పోర్ట్ రిన్యూవల్ స్థితిని ట్రాక్ చేయొచ్చు. మీ అప్లికేషన్ టైప్, ఫైల్ నెంబర్, జన్మదినం వంటి వివరాలను పోర్టల్‌లో ఎంటర్ చేయండి. తర్వాత ట్రాక్ స్టేటస్ మీద క్లిక్ చేయండి.

మీరు హాలీడేకు వెళ్లినా లేక బిజినెస్ ట్రిప్‌కు వెళ్లినా కానీ పాస్‌పోర్ట్ తీసుకెళ్లడం చాలా అవసరం. మీ పాస్‌పోర్ట్ చెల్లుబాటు గడువు పూర్తయితే వీలైనంత త్వరగా పాస్‌పోర్ట్ ఆన్‌లైన్ ద్వారా రిన్యూవల్ ఎంచుకోండి. ఆన్‌లైన్ పాస్పోర్ట్ రిన్యువల్ ప్రాసెస్ కోసం పైన పేర్కొన్న వివరాలను గుర్తుంచుకోండి. అవాంతరాలు లేకుండా రిన్యువల్ చేయించుకోండి.