ಹೆಸರೇ ಸೂಚಿಸುವಂತೆ, ಓನ್ ಡ್ಯಾಮೇಜ್ ಇನ್ಶುರೆನ್ಸ್ ಎನ್ನುವುದು ಕಸ್ಟಮೈಸ್ ಮಾಡಿದ ಮೋಟಾರ್ ಇನ್ಶೂರೆನ್ಸ್ ಪಾಲಿಸಿಯಾಗಿದ್ದು, ನಿಮ್ಮ ವಾಹನಕ್ಕೆ ನಿಮ್ಮಿಂದಾಗುವ ಹಾನಿಗಳಿಂದ ನಿಮ್ಮನ್ನು ಮತ್ತು ನಿಮ್ಮ ಇನ್ಶೂರೆನ್ಸ್ ಮಾಡಿದ ವಾಹನವನ್ನು ರಕ್ಷಿಸಲು ವಿನ್ಯಾಸಗೊಳಿಸಲಾಗಿದೆ, ಅಂದರೆ ನಿಮ್ಮ ಸ್ವಂತ ವಾಹನಕ್ಕೆ ಉಂಟಾಗುವ ಹಾನಿ ಮತ್ತು ನಷ್ಟಗಳಿಂದ ನಿಮ್ಮ ವಾಹನವನ್ನು ರಕ್ಷಿಸುತ್ತದೆ.

ನೋಡಲು ತಮಾಷೆಯಾಗಿರುವ ಆದರೆ ನೈಜ ಉದಾಹರಣೆಯನ್ನು ತೆಗೆದುಕೊಳ್ಳೋಣ;ನಿಮ್ಮ ಕಾರನ್ನು ಅದರ ಸಾಮಾನ್ಯವಾಗಿ ನಿಲ್ಲಿಸುವ ಸ್ಥಳದಲ್ಲಿ ನಿಲ್ಲಿಸಲಾಗಿದೆ ಎಂದುಕೊಳ್ಳಿ ಹಾಗೇ ಇದ್ದಕ್ಕಿದ್ದಂತೆ, ಪಕ್ಕದ ಮರದ ಕೊಂಬೆ ನಿಮ್ಮ ಕಾರಿನ ಮೇಲೆ ಬಿದ್ದರೆ, ಅಥವಾ ಇನ್ನೂ ಕೆಟ್ಟದಾಗಿ ನಿಮ್ಮ ಪಕ್ಕದವರ ಕ್ರಿಕೆಟ್ ಚೆಂಡು ಕಾರಿನ ಕಿಟಕಿಯ ಮೇಲೆ ಬಿದ್ದುಬಿಟ್ಟರೆ, ಅಂತಿಮವಾಗಿ, ತೆಂಗಿನಕಾಯಿ ಬೀಳುತ್ತದೆ!

ಕಥೆಯೇನೋ ತಮಾಷೆಯಾಗಿದೆ. ಆದರೆ ಅವಲೋಕಿಸಿ ನೋಡಿದರೆ ನಿಜ ಜೀವನದಲ್ಲಿ ಇದರಿಂದ ಭಾರೀ ನಷ್ಟ ಉಂಟಾಗುತ್ತದೆ! ಇಂತಹ ಸಂದರ್ಭಗಳಲ್ಲಿ, ಓ.ಡಿ (OD) ಇನ್ಶೂರೆನ್ಸ್, ಈ ರೀತಿಯ ನಷ್ಟದಿಂದ ಉಂಟಾಗುವ ತೊಂದರೆಯಿಂದ ಹೊರಬರಲು ನಿಮಗೆ ಸಹಾಯ ಮಾಡುತ್ತದೆ.

ಇದರ ಬಗ್ಗೆ ಇನ್ನಷ್ಟು ತಿಳಿಯಿರಿ:

• ಓನ್ ಡ್ಯಾಮೇಜ್ ಕಾರ್ ಇನ್ಶೂರೆನ್ಸ್
• ಓನ್ ಡ್ಯಾಮೇಜ್ ಬೈಕ್ ಇನ್ಶೂರೆನ್ಸ್

ಓನ್ ಡ್ಯಾಮೇಜ್ ಇನ್ಶೂರೆನ್ಸ್ ಅನ್ನು ಖರೀದಿಸಲು ಯಾರು ಅರ್ಹರು?

ಸೆಪ್ಟೆಂಬರ್ 2019ರಿಂದ ಅನ್ವಯವಾಗುವಂತೆ, ಇನ್ಶೂರೆನ್ಸ್ ಕಂಪನಿಗಳು ಈಗ ಥರ್ಡ್ ಪಾರ್ಟಿ ಕಾರ್ ಇನ್ಶೂರೆನ್ಸ್ ಅಥವಾ ಬೈಕ್ ಇನ್ಶೂರೆನ್ಸ್ ಅನ್ನು ಹೊಂದಿರುವ ಕಾರುಗಳಿಗೆ ಮತ್ತು ದ್ವಿಚಕ್ರ ವಾಹನಗಳಿಗೆ ಸ್ವತಂತ್ರ ಓನ್ ಡ್ಯಾಮೇಜ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ನೀಡಬಹುದು.

ಉದಾಹರಣೆಗೆ; ಅನೇಕ ಕಾರು ಅಥವಾ ಬೈಕ್ ಮಾಲೀಕರು ತಮ್ಮ ವಾಹನವನ್ನು ಖರೀದಿಸುವ ಸಮಯದಲ್ಲಿ ಲಾಂಗ್ ಟರ್ಮ್ ಥರ್ಡ್-ಪಾರ್ಟಿ ಪಾಲಿಸಿಗಳನ್ನು ಖರೀದಿಸಿರುತ್ತಾರೆ.(ವಿಶೇಷವಾಗಿ ಮಾರ್ಚ್ 2019 ರಲ್ಲಿ ಇವುಗಳನ್ನು ಪಡೆದವರು) ಅವರು ಈಗ ಓನ್ ಡ್ಯಾಮೇಜ್ ನಷ್ಟವನ್ನು ಸರಿದೂಗಿಸಲು ಸ್ವತಂತ್ರ ಓ.ಡಿ (OD) ಇನ್ಶೂರೆನ್ಸ್  ಅನ್ನು ಆರಿಸಿಕೊಳ್ಳಬಹುದು.

ಸೂಚನೆ : ನೀವು ಓ.ಡಿ (OD) ಇನ್ಶೂರೆನ್ಸ್ ಅನ್ನು ಖರೀದಿಸಿದಾಗ, ನೀವು ಈಗಾಗಲೇ ಮಾನ್ಯ ಮಾಡಲಾದ ಥರ್ಡ್ ಪಾರ್ಟಿ ಪಾಲಿಸಿಯನ್ನು (ಭಾರತೀಯ ಮೋಟಾರು ಕಾನೂನುಗಳಿಂದ ಕಾನೂನುಬದ್ಧಗೊಳಿಸಿರುವಂತೆ) ಹೊಂದಿರುವಿರಿ ಎಂದು ಪರೋಕ್ಷವಾಗಿ ದೃಢೀಕರಿಸುತ್ತೀರಿ. ಇದು ಡಿಜಿಟ್ ಇನ್ಶೂರೆನ್ಸ್‌ ಕಂಪನಿಯದಾಗಿರಬಹುದು ಅಥವಾ ಬೇರೆ ಇನ್ಶೂರೆನ್ಸ್ ಕಂಪನಿಯವರದೂ ಆಗಿರಬಹುದು.

• ಜೀರೋ ಡೆಪ್ರಿಸಿಯೇಷನ್ ಕವರ್
• ಎಂಜಿನ್ ಮತ್ತು ಗೇರ್‌ಬಾಕ್ಸ್ ಪ್ರೊಟೆಕ್ಷನ್ ಕವರ್
  
• ಬ್ರೇಕ್ ಡೌನ್ ಅಸಿಸ್ಟನ್ಸ್
  
• ಕಾನ್ಸ್ಯುಮಬಲ್ ಕವರ್
  
• ರಿಟರ್ನ್ ಟು ಇನ್‌ವಾಯ್ಸ್ ಕವರ್‌
  
• ಟೈರ್ ಪ್ರೊಟೆಕ್ಟ್ ಕವರ್ (ಕಾರಿಗೆ ಮಾತ್ರ)
  
• ಪ್ಯಾಸೆಂಜರ್ ಕವರ್ (ಕಾರಿಗೆ ಮಾತ್ರ)
  

ಓನ್ ಡ್ಯಾಮೇಜ್ ಪ್ರೀಮಿಯಂ ಎನ್ನುವುದು ನಿಮ್ಮ ಓ.ಡಿ (OD) ಇನ್ಶೂರೆನ್ಸಿಗೆ ನೀವು ಪಾವತಿಸುವ ಬೆಲೆಯಾಗಿದೆ. ಸಾಮಾನ್ಯವಾಗಿ ನಿಮ್ಮ ಬಳಿ ಇರುವ ವಾಹನದ ಪ್ರಕಾರ, ವಾಹನ ಎಷ್ಟು ಹಳೆಯದು ಹಾಗೂ ನೀವು ಅದನ್ನು ಯಾವ ನಗರದಲ್ಲಿ ಬಳಸುತ್ತೀರಿ ಎನ್ನುವುದನ್ನು ಆಧರಿಸಿ, ಅದರ ಪ್ರೀಮಿಯಂ ಬೆಲೆಯನ್ನು ನಿರ್ಧರಿಸಲಾಗುತ್ತದೆ.

ಆದಾಗ್ಯೂ, ನಿಮ್ಮ ಪ್ರೀಮಿಯಂ ಬೆಲೆ ಏನೇ ಇರಲಿ, ಪ್ರತಿ ಓ.ಡಿ (OD) ಇನ್ಶೂರೆನ್ಸ್ ಪಾಲಿಸಿಯು ಈ ಕೆಳಗಿನವುಗಳಿಂದ ನಿಮಗೆ ರಕ್ಷಣೆ ನೀಡುತ್ತದೆ:

• ಬಾಹ್ಯ ಕಾರಣಗಳಿಂದ ಉಂಟಾಗುವ ಆಕಸ್ಮಿಕ ಹಾನಿಗಳು.
  
• ಕಳ್ಳತನ, ದರೋಡೆ ಮತ್ತು ಮನೆ ಒಡೆಯುವಿಕೆ.
• ಬೆಂಕಿ, ಬೆಂಕಿ ಸ್ಫೋಟಗಳು, ಬೆಂಕಿ ಅವಘಢಗಳು, ಮಿಂಚು, ಮತ್ತು ಸ್ವಯಂ ದಹನ.
  
• ನೈಸರ್ಗಿಕ ವಿಕೋಪಗಳಾದ ಪ್ರವಾಹ, ಚಂಡಮಾರುತ, ಸುನಾಮಿ, ಆಲಿಕಲ್ಲು, ಇತ್ಯಾದಿ.
  
• ಭೂಕಂಪ, ಭೂಕುಸಿತ ಮತ್ತು ಬಂಡೆಗಳ ಕುಸಿತ.
  
• ರೈಲು, ರಸ್ತೆ, ವಾಯು ಅಥವಾ ಒಳನಾಡಿನ ಜಲಮಾರ್ಗಗಳ ಮೂಲಕ ವಾಹನಗಳ ಸಾಗಣೆ.
  
• ಭಯೋತ್ಪಾದನಾ ದಾಳಿಗಳು, ಗಲಭೆಗಳು ಮತ್ತು ಮುಷ್ಕರಗಳು, ಅಥವಾ ದುರುದ್ದೇಶಪೂರಿತ ಹಾನಿಗಳು.
  

ಓನ್ ಡ್ಯಾಮೇಜ್ ಪ್ರೀಮಿಯಂ ಅನ್ನು ಹೇಗೆ ಲೆಕ್ಕ ಹಾಕಲಾಗುತ್ತದೆ?

ಫೋರ್ ವಿಲರ್  ಅಥವಾ ಟು ವಿಲರ್ ವಾಹನದ ಓನ್ ಡ್ಯಾಮೇಜ್ ಪ್ರೀಮಿಯಂ ಇವುಗಳನ್ನು ಆಧರಿಸಿದೆ:

• ವಾಹನದ ತಯಾರಿಕೆ, ಪ್ರಕಾರ ಮತ್ತು ವಯಸ್ಸು.
• ವಾಹನದ ಘೋಷಿತ ಮೌಲ್ಯ.
• ಎಂಜಿನ್ ಘನ ಸಾಮರ್ಥ್ಯ.
• ಭೌಗೋಳಿಕ ವಲಯ

ಓನ್ ಡ್ಯಾಮೇಜ್ ಪ್ರೀಮಿಯಂನ ಹೇಗೆ ಲೆಕ್ಕ ಹಾಕುವುದು ಎಂದು ನೋಡೋಣ, ಆದರೆ ಅದಕ್ಕೂ ಮೊದಲು ನೀವು ಲೆಕ್ಕಾಚಾರದ ಬೇಸಿಕ್ಸ್ ತಿಳಿದುಕೊಳ್ಳಬೇಕು.

ಓ.ಡಿ (OD) ಪ್ರೀಮಿಯಂ -ಐ.ಡಿ.ವಿ (IDV) X [ಪ್ರೀಮಿಯಂ ದರ (ಇನ್ಶೂರೆನ್ಸ್ ಕಂಪನಿಯಿಂದ ನಿರ್ಧರಿಸಿದ)] + [ಆ್ಯಡ್-ಆನ್‌ಗಳು (ಉದಾ. ಬೋನಸ್ ಕವರೇಜ್)] – [ಡಿಸ್ಕೌಂಟ್ಸ್ & ಬೆನಿಫಿಟ್ಸ್  (ಯಾವುದೇ ಕ್ಲೇಮ್ ಬೋನಸ್, ಕಳ್ಳತನದ ರಿಯಾಯಿತಿ ಇಲ್ಲ , ಇತ್ಯಾದಿ.)]

ಐ.ಡಿ.ವಿ (IDV) - ವಾಹನದ ಶೋ ರೂಂ ಬೆಲೆ + ಬಿಡಿಭಾಗಗಳ ಬೆಲೆ (ಯಾವುದಾದರೂ ಇದ್ದರೆ) - ಡೆಪ್ರಿಸಿಯೇಶನ್  (IRDAI ಪ್ರಕಾರ )

ಓ.ಡಿ (OD) ಇನ್ಶೂರೆನ್ಸ್ ಪ್ರೀಮಿಯಂ ಅನ್ನು ಕಡಿಮೆ ಮಾಡುವುದು ಹೇಗೆ ?

• ಸ್ವಯಂಪ್ರೇರಿತ ಕಡಿತಗಳನ್ನು ಹೆಚ್ಚಿಸಿ -ಓ. ಡಿ (OD) ಇನ್ಶೂರೆನ್ಸ್ ನಲ್ಲಿ  'ವಾಲಂಟರಿ ಡಿಡಕ್ಟಿಬಲ್ಸ್' ಎಂದು ಕರೆಯಲ್ಪಡುವ ವಿಷಯ ಇದೆ, ಇದು ನೀವು ಕ್ಲೈಮ್‌ ಮಾಡುವ ಸಮಯದಲ್ಲಿ ನೀವು ಪಾವತಿಸಬೇಕಾದ ಹಣವನ್ನು ಆಯ್ಕೆ ಮಾಡುವುದಾಗಿದೆ. ಆದ್ದರಿಂದ, ನಿಮ್ಮ ಕಾರ್ಯಸಾಧ್ಯತೆಯ ಆಧಾರದ ಮೇಲೆ ನಿಮ್ಮ ಸ್ವಯಂಪ್ರೇರಿತ ಕಡಿತಗಳ ಪರ್ಸಂಟೇಜ್ ಅನ್ನು ನೀವು ಹೆಚ್ಚಿಸಬಹುದು, ಇದು ನಿಮ್ಮ ಓ.ಡಿ (OD) ಪ್ರೀಮಿಯಂ ಅನ್ನು ನೇರವಾಗಿ ಕಡಿಮೆ ಮಾಡುತ್ತದೆ.
• ಸರಿಯಾದ  ಐ.ಡಿ.ವಿ (IDV) ಘೋಷಣೆ - ಡಿಜಿಟ್ ಮೂಲಕ , ನಿಮ್ಮ ಐ.ಡಿ.ವಿ (IDV) ಅನ್ನು ನೀವೇ ಕಸ್ಟಮೈಸ್ ಮಾಡುವ ಆಯ್ಕೆಯನ್ನು ನಿಮಗೆ ನೀಡಿದೆ. ಆದ್ದರಿಂದ, ನಿಮ್ಮ IDV ಯಾವಾಗಲೂ ಸರಿಯಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ ಏಕೆಂದರೆ ಇದು ಕ್ಲೈಮ್ ಮಾಡುವ ಸಮಯದಲ್ಲಿ ನಿಮ್ಮ OD ಪ್ರೀಮಿಯಂ ಮತ್ತು ನಿಮ್ಮ ಕ್ಲೈಮ್ ಮೊತ್ತದ ಮೇಲೆ ಪರಿಣಾಮ ಬೀರುತ್ತದೆ.
  
• ನಿಮ್ಮ ಎನ್.ಸಿ.ಬಿ (NCB) ವರ್ಗಾಯಿಸಲು ಮರೆಯಬೇಡಿ - ನೀವು ಮೊದಲು ಓನ್ ಡ್ಯಾಮೇಜ್ ಅಥವಾ ಸಮಗ್ರ ಮೋಟಾರ್ ಇನ್ಶೂರೆನ್ಸ್ ಪಾಲಿಸಿಯನ್ನು ಹೊಂದಿದ್ದರೆ, ನಿಮ್ಮ ಸಂಚಿತ ಡಿಸ್ಕೌಂಟ್ ಪಡೆಯಲು, ನಿಮ್ಮ NCB ಅನ್ನು ನಿಮ್ಮ ಪ್ರಸ್ತುತ ಪಾಲಿಸಿಗೆ ವರ್ಗಾಯಿಸಿದ್ದೀರಿ ಎನ್ನುವುದನ್ನು ಖಚಿತಪಡಿಸಿಕೊಳ್ಳಿ.
  

ಓನ್ ಡ್ಯಾಮೇಜ್ ಇನ್ಶೂರೆನ್ಸ್ , ಥರ್ಡ್ ಪಾರ್ಟಿ ಇನ್ಶೂರೆನ್ಸ್ ಅಥವಾ ಸಮಗ್ರ ಇನ್ಶೂರೆನ್ಸ್ ?

ಇದು ನಿಮ್ಮ ವಾಹನ ಮತ್ತು ನಿಮ್ಮ ಪಾಕೆಟ್, ಎರಡಕ್ಕೂ ನೀವು ಬಯಸುವ ಕವರೇಜ್ ಮತ್ತು ರಕ್ಷಣೆಯನ್ನು ನೀಡುತ್ತದೆ! ಆದ್ದರಿಂದ ನೀವು ಸಮಗ್ರ ಇನ್ಶೂರೆನ್ಸ್ ಆಯ್ಕೆ ಮಾಡಿಕೊಳ್ಳುವುದೇ ಉತ್ತಮ. ಏಕೆಂದರೆ ಇದು ಖಡ್ಡಾಯವಾದ ಥರ್ಡ್ ಪಾರ್ಟಿಯ ನಷ್ಟ ಮತ್ತು ಹಾನಿ ಮತ್ತು ನಿಮ್ಮ ಓನ್ ಡ್ಯಾಮೇಜ್ ಅನ್ನು ಖಡ್ಡಾಯವಾಗಿ ಒಳಗೊಂಡಿದೆ.

ಆದಾಗ್ಯೂ, ನೀವು ಈಗಾಗಲೇ ವ್ಯಾಲಿಡ್ ಆಗಿರುವ ಥರ್ಡ್-ಪಾರ್ಟಿ ಇನ್ಶೂರೆನ್ಸ್ ಅನ್ನು ಹೊಂದಿದ್ದರೆ, ನಿಮ್ಮ ವಾಹನಕ್ಕೆ ಸಂಪೂರ್ಣ ಕವರೇಜ್ ಪಡೆಯಲು ನೀವು ಓ.ಡಿ (OD) ಇನ್ಶೂರೆನ್ಸ್ ಪಡೆಯಬಹುದು.

ಕ್ಲೇಮ್‌ನ ಸಮಯದಲ್ಲಿ ನೀಡಲಾದ ಕವರೇಜ್‌ನ ಒಟ್ಟು ಮೊತ್ತವು ಪಾಲಿಸಿಯಲ್ಲಿ ನಿರ್ದಿಷ್ಟ ಪಡಿಸಿದ ಷರತ್ತುಗಳು ಮತ್ತು ನಿಸ್ಸಂಶಯವಾಗಿ ನಿಮ್ಮ ಇನ್ಶೂರೆನ್ಸ್ ಯೋಜನೆಯನ್ನು ಅವಲಂಬಿಸಿರುತ್ತದೆ. ಪ್ರತಿ ವರ್ಷ ಕವರೇಜಿನ ವ್ಯಾಪ್ತಿ ಮತ್ತು ಓನ್ ಡ್ಯಾಮೇಜ್ ಪ್ರೀಮಿಯಂ ಬದಲಾಗುತ್ತದೆ ಏಕೆಂದರೆ ವಾಹನದ ಮೌಲ್ಯವು ಕಡಿಮೆಯಾಗುತ್ತಿರುತ್ತದೆ.