ತೆಲಂಗಾಣ ರಾಜ್ಯ ಸರ್ಕಾರವು ತನ್ನ ಜನರಿಗಾಗಿ ಅನೇಕ ಹೆಲ್ತ್ ಇನ್ಶೂರೆನ್ಸ್ ಯೋಜನೆಗಳನ್ನು ತರಲು ಹೆಸರುವಾಸಿಯಾಗಿದೆ. ಆರೋಗ್ಯಶ್ರೀ ಹೆಲ್ತ್ ಇನ್ಶೂರೆನ್ಸ್ ಯೋಜನೆಯು ಅಂತಹ ಒಂದು ಯೋಜನೆಯಾಗಿದೆ ಹಾಗೂ ಆಯುಷ್ಮಾನ್ ಭಾರತ್ - ಪ್ರಧಾನ ಮಂತ್ರಿ ಜನ ಆರೋಗ್ಯ ಯೋಜನೆ (ಎಬಿ-ಪಿಎಂಜೆಎವೈ) ಮತ್ತೊಂದು ಯೋಜನೆಯಾಗಿದೆ.

ಎರಡೂ ಯೋಜನೆಗಳು ಸಮಾಜದಲ್ಲಿ ಆರ್ಥಿಕವಾಗಿ ಹಿಂದುಳಿದಿರುವ ಜನರಿಗೆ ಆರೋಗ್ಯ ಸೇವೆಯನ್ನು ಒದಗಿಸುವ ಗುರಿಯನ್ನು ಹೊಂದಿವೆ. ಅದೇ ರೀತಿ, ಪಿಂಚಣಿದಾರರು, ರಾಜ್ಯ ಸರ್ಕಾರಿ ನೌಕರರು, ಪತ್ರಕರ್ತರು ಇತ್ಯಾದಿಗಳಿಗಾಗಿ ಇಜೆಹೆಚ್ಎಸ್ (ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್) ಇದೆ.

ಈ ಲೇಖನವು ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್, ಅದರ ಅರ್ಹತೆ, ವೈಶಿಷ್ಟ್ಯಗಳು, ವ್ಯಾಪ್ತಿ ಮತ್ತು ರಿಜಿಸ್ಟ್ರೇಷನ್ ವಿಧಾನಗಳನ್ನು ವಿವರವಾಗಿ ಚರ್ಚಿಸುತ್ತದೆ.

ಇಜೆಹೆಚ್ಎಸ್ ಫಲಾನುಭವಿಗಳಿಗೆ ಕ್ಯಾಶ್‌ಲೆಸ್ ಚಿಕಿತ್ಸೆಯನ್ನು ಒದಗಿಸುತ್ತದೆ. ಹಿಂದಿನ ವೈದ್ಯಕೀಯ ವೆಚ್ಚಗಳ ಮರುಪಾವತಿ ಪಾಲಿಸಿಯನ್ನು ಬದಲಿಸಲು ಇದನ್ನು ರಚಿಸಲಾಗಿದೆ. ಹೆಚ್ಚುವರಿಯಾಗಿ, ಶಸ್ತ್ರಚಿಕಿತ್ಸೆಯ ನಂತರದ ಆರೈಕೆ ಮತ್ತು ಆಸ್ಪತ್ರೆಗೆ ದಾಖಲಾಗುವ ಅಗತ್ಯವಿಲ್ಲದ ದೀರ್ಘಕಾಲದ ಕಾಯಿಲೆಗಳ ಚಿಕಿತ್ಸೆಗಾಗಿ ಈ ಯೋಜನೆಯು, ಪ್ರಯೋಜನಗಳನ್ನು ನೀಡುತ್ತದೆ.

ಆರೋಗ್ಯಶ್ರೀ ಹೆಲ್ತ್ ಕೇರ್ ಟ್ರಸ್ಟ್ ಈ ಯೋಜನೆಯನ್ನು ರಾಜ್ಯ ಸರ್ಕಾರದ ಮೇಲ್ವಿಚಾರಣೆಯಲ್ಲಿ ನಡೆಸುತ್ತಿದೆ. ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್ ಏನೆಂದು ಈಗ ನಿಮಗೆ ತಿಳಿದಿದೆ, ಅದರ ಪ್ರಯೋಜನಗಳ ಬಗ್ಗೆ ಇನ್ನಷ್ಟು ತಿಳಿಯಿರಿ.

ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಕೆಲವು ವೈಶಿಷ್ಟ್ಯಗಳು ಈ ಕೆಳಗಿನಂತಿವೆ:

ಒಳರೋಗಿ ಚಿಕಿತ್ಸೆ

ಒಳರೋಗಿ ಚಿಕಿತ್ಸೆಯ ಅಡಿಯಲ್ಲಿ ಲಭ್ಯವಿರುವ ಕೆಲವು ಸೇವೆಗಳನ್ನು ಕೆಳಗೆ ಪಟ್ಟಿ ಮಾಡಲಾಗಿದೆ. 

• ಪೂರ್ವನಿರ್ಧರಿತ ಚಿಕಿತ್ಸೆಗಳ ಪಟ್ಟಿಯಲ್ಲಿರುವ ಉಚಿತ ಒಳರೋಗಿ ಚಿಕಿತ್ಸೆ.

• ಪೂರ್ವನಿರ್ಧರಿತ ಚಿಕಿತ್ಸೆಗಳ ಒಂದೇ ರೀತಿಯ ಪಟ್ಟಿಯಲ್ಲಿರುವ ಉಚಿತ ಹೊರರೋಗಿ ಚಿಕಿತ್ಸೆ.

• ಡಿಸ್‌ಚಾರ್ಜ್‌ನ ನಂತರದ ಔಷಧಿಗಳಿಗೆ 10 ದಿನಗಳವರೆಗೆ ಕ್ಯಾಶ್‌ಲೆಸ್ ಸೇವೆ.

• ಪಟ್ಟಿ ಮಾಡಲಾದ ಯಾವುದೇ ಕಾಯಿಲೆಗಳಿಗಾಗಿ ಚಿಕಿತ್ಸೆ ಪಡೆಯುತ್ತಿರುವವರಿಗೆ, ಡಿಸ್‌ಚಾರ್ಜ್‌ನ ನಂತರದ 30 ದಿನಗಳ ಕವರೇಜ್.

ಫಾಲೋ-ಅಪ್ ಸೇವೆಗಳು

ಹೆಚ್ಚುವರಿಯಾಗಿ, ಒಬ್ಬ ವ್ಯಕ್ತಿಯು ಸಂಪೂರ್ಣ ಗುಣವಾಗುವ ಅನುಭವಕ್ಕಾಗಿ ಔಷಧಗಳು, ಕನ್ಸಲ್ಟೇಶನ್, ತಪಾಸಣೆಯ ರೂಪದಲ್ಲಿ ಫಾಲೋ-ಅಪ್ ಸೇವೆಗಳ ಅಗತ್ಯವಿದ್ದರೆ, ಅವನು ಅಥವಾ ಅವಳು 1 ವರ್ಷದವರೆಗೆ ಸೌಲಭ್ಯ ಪಡೆಯುತ್ತಾರೆ. ಇದಕ್ಕಾಗಿ ನಿರ್ದಿಷ್ಟ ಪ್ಯಾಕೇಜ್‌ಗಳು ಲಭ್ಯವಿದೆ.

ದೀರ್ಘಕಾಲದ ಕಾಯಿಲೆಗಳಿಗೆ ಹೊರರೋಗಿ ಚಿಕಿತ್ಸೆ

ಇದಲ್ಲದೆ, ಯೋಜನೆಯು ನಿರ್ದಿಷ್ಟ ಆಸ್ಪತ್ರೆಗಳಲ್ಲಿ ದೀರ್ಘಕಾಲದ ಕಾಯಿಲೆಗಳಿಗೆ ಚಿಕಿತ್ಸೆಯನ್ನು ಒದಗಿಸುತ್ತದೆ.

ಆಸ್ಪತ್ರೆಯಲ್ಲಿ ಉಳಿಯುವ ಸೌಲಭ್ಯಗಳು

ಈ ವೈಶಿಷ್ಟ್ಯವು ವಿವಿಧ ವೇತನ ಶ್ರೇಣಿಗಳ ಉದ್ಯೋಗಿಗಳಿಗೆ ಅನುಮತಿಸುವ ವಾರ್ಡ್‌ನ ಪ್ರಕಾರವನ್ನು ವಿವರಿಸುತ್ತದೆ.

• I ರಿಂದ IV ವರೆಗಿನ ವೇತನ ಶ್ರೇಣಿಗಳನ್ನು ಹೊಂದಿರುವ ಉದ್ಯೋಗಿಗಳನ್ನು ಒಳಗೊಂಡಿರುವ ಸ್ಲ್ಯಾಬ್-ಎ, ಅರೆ-ಖಾಸಗಿ ವಾರ್ಡ್‌ಗಳಿಗೆ ಅನ್ವಯಿಸುತ್ತದೆ.

• V ನಿಂದ XVII ವರೆಗಿನ ವೇತನ ಶ್ರೇಣಿಗಳನ್ನು ಹೊಂದಿರುವ ಉದ್ಯೋಗಿಗಳನ್ನು ಒಳಗೊಂಡಿರುವ ಸ್ಲ್ಯಾಬ್-ಬಿ, ಅರೆ-ಖಾಸಗಿ ವಾರ್ಡ್‌ಗಳಿಗೆ ಅನ್ವಯಿಸುತ್ತದೆ.

• XVIII ರಿಂದ XXXII ವರೆಗಿನ ವೇತನ ಶ್ರೇಣಿಗಳನ್ನು ಹೊಂದಿರುವ ಉದ್ಯೋಗಿಗಳನ್ನು ಒಳಗೊಂಡಿರುವ ಸ್ಲ್ಯಾಬ್-ಸಿ, ಖಾಸಗಿ ವಾರ್ಡ್‌ಗಳಿಗೆ ಅನ್ವಯಿಸುತ್ತದೆ.

ಹಣಕಾಸಿನ ಕವರೇಜ್

ಅಂತಿಮವಾಗಿ, ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಕೆಲವು ಪ್ರಯೋಜನಗಳು ಇಲ್ಲಿವೆ.

• ತೆಲಂಗಾಣ ರಾಜ್ಯ ಸರ್ಕಾರವು ಇಜೆಹೆಚ್ಎಸ್ ಅನುಷ್ಠಾನದ ಸಂಪೂರ್ಣ ವೆಚ್ಚವನ್ನು ಭರಿಸುತ್ತದೆ.

• ಉದ್ಯೋಗಿಗಳು/ಪಿಂಚಣಿದಾರರಿಂದ ಯಾವುದೇ ಕೊಡುಗೆಯ ಅಗತ್ಯವಿಲ್ಲ.

• ನೀಡಲಾಗುವ ಹಣಕಾಸಿನ ಕವರೇಜಿಗೆ ಯಾವುದೇ ಹೆಚ್ಚಿನ ಮಿತಿಯಿಲ್ಲ.

• ಈ ಯೋಜನೆಯು ಪಟ್ಟಿ ಮಾಡಿದ ಚಿಕಿತ್ಸೆಗಳಿಗೆ ಕಾಂಪ್ರೆಹೆನ್ಸಿವ್ ಚಿಕಿತ್ಸೆಯನ್ನು ಒಳಗೊಂಡಿದೆ.

ಇವು ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಕೆಲವು ಪ್ರಮುಖ ಪ್ರಯೋಜನಗಳು ಮತ್ತು ವೈಶಿಷ್ಟ್ಯಗಳಾಗಿವೆ.

ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಕವರೇಜ್ ಈ ಕೆಳಗಿನವುಗಳನ್ನು ಒಳಗೊಂಡಿದೆ:

• ಚಿಕಿತ್ಸೆಗಳ ನಿರ್ದಿಷ್ಟಪಡಿಸಿದ ಪಟ್ಟಿಗಾಗಿ ಸಂಪೂರ್ಣ ಹಣಕಾಸಿನ ಕವರೇಜ್

• ಇದಲ್ಲದೆ, ಉದ್ಯೋಗಿಗಳು/ಪಿಂಚಣಿದಾರರು ಯಾವುದೇ ವೆಚ್ಚವನ್ನು ಭರಿಸಬೇಕಿಲ್ಲ

• ಕ್ಲೈಮ್‌ಗಳಿಗೆ ಹೆಚ್ಚಿನ ಮಿತಿಯಿಲ್ಲ

• ಅಲ್ಲದೆ, ಕುಟುಂಬದ ಕೆಲವು ಸದಸ್ಯರು ಮತ್ತು ಅವಲಂಬಿತರು, ಈ ಯೋಜನೆಯಡಿ ಕವರ್ ಆಗುತ್ತಾರೆ.

• ಒಂದು ವರ್ಷದವರೆಗೆ ತಪಾಸಣೆಗಳು, ಔಷಧಗಳು ಮತ್ತು ಕನ್ಸಲ್ಟೇಶನ್‌ನಂತಹ ಫಾಲೋ-ಅಪ್ ಸೇವೆಗಳನ್ನು ಕ್ಲೈಮ್ ಮಾಡಿ

ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಸಂಪೂರ್ಣ ವಿವರಗಳನ್ನು ಮೇಲೆ ನೀಡಲಾಗಿದೆ.

ಸಂಕ್ಷಿಪ್ತವಾಗಿ, ಇಜೆಹೆಚ್ಎಸ್ ಅಡಿಯಲ್ಲಿ ಕವರ್ ಆಗದ ವ್ಯಕ್ತಿಗಳು ಈ ಕೆಳಗಿದ್ದಾರೆ:

• ಸಿಜಿಹೆಚ್ಎಸ್ (ಕೇಂದ್ರ ಸರ್ಕಾರದ ಹೆಲ್ತ್ ಸ್ಕೀಮ್) ನಂತಹ ಇತರ ಇನ್ಶೂರೆನ್ಸ್ ಯೋಜನೆಗಳ ಅಡಿಯಲ್ಲಿ ಕವರ್ ಆಗುವ ಯಾವುದೇ ವ್ಯಕ್ತಿ

• ನಿಷೇಧ ಮತ್ತು ಅಬಕಾರಿ ಇಲಾಖೆ, ಇಎಸ್ಐಎಸ್, ರೈಲ್ವೇ, ಆರ್'ಟಿಸಿ ಯ ಆರೋಗ್ಯ ಸಹಾಯತ್ ನಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು ಮತ್ತು ಪೊಲೀಸ್ ಇಲಾಖೆಯ ಆರೋಗ್ಯ ಭದ್ರತಾದಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳು.

• ಅಡ್ವೊಕೇಟ್ ಜನರಲ್, ರಾಜ್ಯ ವಕೀಲರು, ರಾಜ್ಯ ಅಭಿಯೋಜಕರು, ಸರ್ಕಾರಿ ವಕೀಲರು ಮತ್ತು ಸಾರ್ವಜನಿಕ ಅಭಿಯೋಜಕರು ಮುಂತಾದ ಕಾನೂನು ಅಧಿಕಾರಿಗಳು.

• ಎಐಎಸ್ ಅಧಿಕಾರಿಗಳು

• ಎಐಎಸ್ ಪಿಂಚಣಿದಾರರು

• ಎಲ್ಲಾ ಸ್ವಾವಲಂಬಿ ಮಕ್ಕಳು

• ಸಾಂದರ್ಭಿಕ ಮತ್ತು ದೈನಂದಿನ ಸಂಬಳ ಪಡೆಯುವ ಕೆಲಸಗಾರರು

• ಜೈವಿಕ ಪೋಷಕರು

ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಅರ್ಹತೆಗಳು ಈ ಕೆಳಗಿನಂತಿವೆ:

1. ಪ್ರಸ್ತುತ ಸೇವೆ ಸಲ್ಲಿಸುತ್ತಿರುವ ಉದ್ಯೋಗಿಗಳು

• ಮೂಲಭೂತ ನಿಯಮಗಳಲ್ಲಿ ವ್ಯಾಖ್ಯಾನಿಸಿದಂತೆ, ಪ್ರಸ್ತುತ ರಾಜ್ಯ ಸರ್ಕಾರದ ಎಲ್ಲಾ ಉದ್ಯೋಗಿಗಳು

• ಸ್ಥಳೀಯ ಸರ್ಕಾರಿ ಸಂಸ್ಥೆಗಳ ಪ್ರಾಂತೀಯ ನೌಕರರು

2. ನಿವೃತ್ತ ನೌಕರರು

• ಎಲ್ಲಾ ಸೇವಾ ಪಿಂಚಣಿದಾರರು

• ಯಾವುದೇ ಅವಲಂಬಿತರು ಇಲ್ಲದ ಕುಟುಂಬ ಪಿಂಚಣಿದಾರರು

• ಯಾವುದೇ ಸರ್ಕಾರಿ ಸೇವೆಯಿಂದ ಮರು-ಉದ್ಯೋಗ ಪಡೆದ ಪಿಂಚಣಿದಾರರು

ಇಲ್ಲಿ 'ಕುಟುಂಬ' ಎಂಬ ಪದದ ಅರ್ಥ:

• ಅವಲಂಬಿತ ಪೋಷಕರು, ದತ್ತು ಅಥವಾ ಜೈವಿಕ, ಎರಡೂ ಅಲ್ಲ

• ಸೇವಾ ಪಿಂಚಣಿದಾರರು/ಉದ್ಯೋಗಿಗಳ ಸಂದರ್ಭದಲ್ಲಿ ಕಾನೂನುಬದ್ಧವಾಗಿ ವಿವಾಹವಾದ ಒಬ್ಬ ಸಂಗಾತಿ ಮಾತ್ರ

• ಸಂಪೂರ್ಣ ಅವಲಂಬಿತ, ಜೈವಿಕ, ಮಲ ಮಕ್ಕಳು ಮತ್ತು ದತ್ತು ಪಡೆದ ಮಕ್ಕಳು

• ಕುಟುಂಬ ಪಿಂಚಣಿದಾರರ ಅವಲಂಬಿತರು

'ಅವಲಂಬಿತರು' ಎಂಬ ಪದವು ಈ ಕೆಳಗಿನವುಗಳಿಗೆ ಅನ್ವಯಿಸುತ್ತದೆ:

• ಉದ್ಯೋಗಿಯ ಜೀವನೋಪಾಯವನ್ನು ಅವಲಂಬಿಸಿರುವ ಪೋಷಕರು

• ನಿರುದ್ಯೋಗಿ, ಅವಿವಾಹಿತ, ವಿಚ್ಛೇದಿತ, ವಿಧವೆ ಅಥವಾ ತೊರೆದುಹೋದ ಹೆಣ್ಣುಮಕ್ಕಳು

• 25 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ನಿರುದ್ಯೋಗಿ ಪುತ್ರರು

• ತಮ್ಮ ಅಂಗವೈಕಲ್ಯದಿಂದ ಕೆಲಸ ಪಡೆಯಲು ಸಾಧ್ಯವಾಗದ ಅಂಗವಿಕಲ ಸಂತತಿ

ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ಗೆ ರಿಜಿಸ್ಟರ್ ಮಾಡುವುದು ಹೇಗೆ ಎಂದು ನೀವು ಆಶ್ಚರ್ಯ ಪಡುತ್ತಿದ್ದರೆ, ಕೆಳಗಿನ ಮಾಹಿತಿಯನ್ನು ಒಮ್ಮೆ ನೋಡಿ.

ಉದ್ಯೋಗಿಯ ರಿಜಿಸ್ಟ್ರೇಷನ್

ಪ್ರಸ್ತುತ ಉದ್ಯೋಗಿಗಳಿಗೆ ಯಾವುದೇ ರಿಜಿಸ್ಟ್ರೇಷನ್ ಪ್ರಕ್ರಿಯೆ ಇಲ್ಲ. ಇದಲ್ಲದೆ, ಡಿಡಿಒ (ಡ್ರಾಯಿಂಗ್ ಮತ್ತು ಡಿಸ್ಬರ್ಸಿಂಗ್ ಆಫೀಸರ್) ಸಿಎಫ್ಎಮ್ಎಸ್ (ಕಾಂಪ್ರೆಹೆನ್ಸಿವ್ ಫೈನಾನ್ಸಿಯಲ್ ಮ್ಯಾನೇಜ್ಮೆಂಟ್ ಸಿಸ್ಟಮ್) ಮೂಲಕ ಹಣಕಾಸು ಇಲಾಖೆಗೆ, ಉದ್ಯೋಗಿಗಳ ಡೇಟಾವನ್ನು ಒದಗಿಸುತ್ತದೆ.

ಕೊನೆಯದಾಗಿ, ಅವರು ಈ ಮಾಹಿತಿಯನ್ನು ಆರೋಗ್ಯಶ್ರೀ ಹೆಲ್ತ್ ಕೇರ್ ಟ್ರಸ್ಟ್‌ಗೆ ರವಾನಿಸುತ್ತಾರೆ. ಅಲ್ಲಿಂದಲೇ ಹೆಲ್ತ್ ಕಾರ್ಡ್‌ಗಳು ಲಭ್ಯವಾಗುತ್ತವೆ. ಹೆಲ್ತ್ ಕಾರ್ಡ್‌ಗಳನ್ನು ಉದ್ಯೋಗಿಗಳು ಮತ್ತು ಅವರ ಅವಲಂಬಿತರು, ಡೌನ್‌ಲೋಡ್ ಮಾಡಬಹುದು ಹಾಗೂ ಬಳಸಬಹುದು.

ನಿಮ್ಮ ಅಕೌಂಟ್‌ಗೆ ಲಾಗ್ ಇನ್ ಮಾಡಲು ಮತ್ತು ಕಾರ್ಡ್ ಡೌನ್‌ಲೋಡ್ ಮಾಡಲು ನೀವು https://www.ehf.telangana.gov.in/EHS/loginAction.do?actionFlag=checkLogin ಈ ಲಿಂಕ್‌ಗೆ ಭೇಟಿ ನೀಡಬಹುದು.

ಪತ್ರಕರ್ತರ ರಿಜಿಸ್ಟ್ರೇಷನ್

ಡಿ.ಪಿ.ಆರ್.ಒ (ಡಿಸ್ಟ್ರಿಕ್ಟ್ ಪಬ್ಲಿಕ್ ರಿಲೇಶನ್ಸ್ ಆಫೀಸರ್) ಇಜೆಹೆಚ್ಎಸ್ ಗಾಗಿ ಪತ್ರಕರ್ತರ ದಾಖಲಾತಿ ಪ್ರಕ್ರಿಯೆಯನ್ನು ನಿರ್ವಹಿಸುತ್ತದೆ.

ರಾಜ್ಯಕ್ಕಾಗಿ ಕೆಲಸ ಮಾಡುವ ಪತ್ರಕರ್ತರು ಈ ಕೆಳಗಿನ ವಿಧಾನಗಳಲ್ಲಿ ರಿಜಿಸ್ಟ್ರೇಷನ್ ಮಾಡಿಕೊಳ್ಳಬಹುದು: 

• ಹಂತ 1 : ಮೊದಲು, ಡಿ.ಪಿ.ಆರ್.ಒ (ಡಿಸ್ಟ್ರಿಕ್ಟ್ ಪಬ್ಲಿಕ್ ರಿಲೇಶನ್ಸ್ ಆಫೀಸರ್) ಗೆ ಅರ್ಜಿಯನ್ನು ಸಲ್ಲಿಸಿ. 

• ಹಂತ 2 : ನಂತರ, ಐ.ಪಿ.ಆರ್.ಒ (ಇನ್ಫರ್ಮೇಷನ್ ಮತ್ತು ಪಬ್ಲಿಕ್ ರಿಲೇಶನ್ಸ್ ಆಫೀಸರ್) ಒದಗಿಸಿದ ಮಾಹಿತಿಯನ್ನು ಪರಿಶೀಲಿಸುತ್ತದೆ.

• ಹಂತ 3 : ಕೊನೆಯದಾಗಿ, ಪತ್ರಕರ್ತರ ಹೆಲ್ತ್ ಕಾರ್ಡ್ ಅನ್ನು ರಚಿಸಲಾಗುತ್ತದೆ.

• ಹಂತ 4 : ಹೆಚ್ಚುವರಿಯಾಗಿ, ಲಾಗ್ ಇನ್ ಮಾಡಲು ಮತ್ತು ಹೆಲ್ತ್ ಕಾರ್ಡ್ ಡೌನ್‌ಲೋಡ್ ಮಾಡಲು https://jhs.telangana.gov.in/login/newLoginTest.jspಈ ಲಿಂಕ್‌ಗೆ ಭೇಟಿ ನೀಡಿ.

ಪಿಂಚಣಿದಾರರ ರಿಜಿಸ್ಟ್ರೇಷನ್ ಡಾಕ್ಯುಮೆಂಟುಗಳು

ಪಿಂಚಣಿದಾರರು ಮತ್ತು ನಿವೃತ್ತ ಉದ್ಯೋಗಿಗಳಿಗೆ ದಾಖಲಾತಿಗೂ ಮುನ್ನ ಹೊಂದಿರಬೇಕಾದ ಅತ್ಯಗತ್ಯವಾದ ಡಾಕ್ಯುಮೆಂಟುಗಳ ಪಟ್ಟಿ ಇಲ್ಲಿದೆ.

• ವೈಯಕ್ತಿಕ ಮತ್ತು ಕುಟುಂಬದ ಅವಲಂಬಿತ ಸದಸ್ಯರ ಆಧಾರ್ ಕಾರ್ಡ್‌ನ ಸ್ಕ್ಯಾನ್ ಮಾಡಿದ ಪ್ರತಿ.

• ವೈಯಕ್ತಿಕ ಮತ್ತು ಕುಟುಂಬದ ಅವಲಂಬಿತ ಸದಸ್ಯರ ಅಂಗವೈಕಲ್ಯ ಪ್ರಮಾಣಪತ್ರಗಳ ಸ್ಕ್ಯಾನ್ ಮಾಡಿದ ಪ್ರತಿಗಳು, ಯಾವುದಾದರೂ ಇದ್ದಲ್ಲಿ.

• ನಿಮ್ಮ ಮತ್ತು ಕುಟುಂಬದ ಅವಲಂಬಿತ ಸದಸ್ಯರ ಪಾಸ್‌ಪೋರ್ಟ್ ಗಾತ್ರವನ್ನು 45mm x 35mm ಗೆ ಐಸಿಎಒ ಕಡ್ಡಾಯಗೊಳಿಸಿದೆ. ಫೋಟೋ ಗಾತ್ರ 200KB ಅನ್ನು ಮೀರಬಾರದು.

• ಒಂದುವೇಳೆ ಸಂಗಾತಿಯು ರಾಜ್ಯ ಸರ್ಕಾರ ಅಥವಾ ಸೇವಾ ಪಿಂಚಣಿದಾರರ ಅಡಿಯಲ್ಲಿ ಉದ್ಯೋಗದಲ್ಲಿದ್ದರೆ, ಸಂಗಾತಿಯ ಉದ್ಯೋಗಿ/ಪಿಂಚಣಿದಾರರ ಐಡಿ ಯ ಸ್ಕ್ಯಾನ್ ಮಾಡಿದ ಪ್ರತಿಗಳು.

• 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ಜನನ ಪ್ರಮಾಣಪತ್ರಗಳ ಸ್ಕ್ಯಾನ್ ಮಾಡಿದ ಪ್ರತಿಗಳು.

ಪಿಂಚಣಿದಾರರ ರಿಜಿಸ್ಟ್ರೇಷನ್ ಪ್ರಕ್ರಿಯೆ

ಪಿಂಚಣಿದಾರರು/ನಿವೃತ್ತ ಉದ್ಯೋಗಿಗಳಿಗಾಗಿ 'ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ಗೆ ರಿಜಿಸ್ಟರ್ ಮಾಡುವ ಕ್ರಮಗಳು ಈ ಕೆಳಗಿನಂತಿವೆ:

• ಹಂತ 1 : ಮೊದಲು, ಇಜೆಹೆಚ್ಎಸ್ ಪೋರ್ಟಲ್ https://ehf.telangana.gov.in/HomePage/ ಗೆ ಭೇಟಿ ನೀಡಿ. 

• ಹಂತ 2 : ಅದರಲ್ಲಿ, ಈ ಪೇಜಿನ ಮೇಲಿನ ಬಲ ಮೂಲೆಯಿಂದ 'ಪಿಂಚಣಿದಾರರು' ಟ್ಯಾಬ್ ಅನ್ನು ಆಯ್ಕೆ ಮಾಡಿ ಸೈನ್ ಇನ್ ಮಾಡಿ.

• ಹಂತ 3 : ಮುಂದೆ, ವೈಯಕ್ತಿಕ ಯೂಸರ್‌ನೇಮ್ ಮತ್ತು ಪಾಸ್‌ವರ್ಡ್‌ನೊಂದಿಗೆ ಲಾಗ್ ಇನ್ ಮಾಡಿ. ನೀವು ಈ ವಿವರಗಳನ್ನು ಹೊಂದಿಲ್ಲದಿದ್ದರೆ ಎಸ್.ಟಿ.ಒ (ಸಬ್ ಟ್ರೆಶ್ಯೂರಿ ಆಫೀಸರ್) ಅಥವಾ ಎಪಿಒ (ಅಸಿಸ್ಟೆಂಟ್ ಪ್ರೋಗ್ರಾಂ ಆಫೀಸರ್) ಅವರನ್ನು ಸಂಪರ್ಕಿಸಿ. ಹೆಚ್ಚುವರಿಯಾಗಿ, ನಿಮ್ಮ ಯೂಸರ್‌ನೇಮ್ ಮತ್ತು ಪಾಸ್‌ವರ್ಡ್ ಅನ್ನು ತಿಳಿಯಲು ಇಜೆಹೆಚ್ಎಸ್ ಗೆ 104 ಸಂಖ್ಯೆಗೆ ಕರೆ ಮಾಡಿ, ಇದು ಟೋಲ್-ಫ್ರೀ ಆಗಿದೆ.

• ಹಂತ 4  : ಒಮ್ಮೆ ನಿಮ್ಮ ಅಕೌಂಟ್‌ನಲ್ಲಿ, ಎನ್‌ರೋಲ್‌ಮೆಂಟ್ ಫಾರ್ಮ್ ಅನ್ನು ತೆರೆಯಿರಿ.

• ಹಂತ 5 : ಇಲಾಖೆಯ ಮುಖ್ಯಸ್ಥರು, ಎಸ್.ಟಿ.ಒ/ಎಪಿಒ, ಮತ್ತು ಜಿಲ್ಲೆಯ ವಿವರಗಳಂತಹ ಕಡ್ಡಾಯ ವಿಭಾಗಗಳನ್ನು ಭರ್ತಿ ಮಾಡಿ.

• ಹಂತ 6 : ನಂತರ, ಮೇಲೆ ತಿಳಿಸಿದಂತೆ ಇತರ ಎಲ್ಲಾ ಡಾಕ್ಯುಮೆಂಟುಗಳನ್ನು ಅಪ್‌ಲೋಡ್ ಮಾಡಿ.

• ಹಂತ 7 : ಕುಟುಂಬದ ಅವಲಂಬಿತ ಸದಸ್ಯರನ್ನು ಒಳಗೊಂಡಂತೆ ಸರಿಯಾದ ಫಲಾನುಭವಿಗಳನ್ನು ಸೇರಿಸಿ.

• ಹಂತ 8 : ನಂತರ,' ಸೇವ್' ಬಟನ್ ಮೇಲೆ ಕ್ಲಿಕ್ ಮಾಡಿ.

• ಹಂತ 9 : 'ಸಬ್ಮಿಟ್ ಅಪ್ಲಿಕೇಶನ್' ಬಟನ್ ಮೇಲೆ ಕ್ಲಿಕ್ ಮಾಡಿ. ಹೆಲ್ತ್ ಕಾರ್ಡ್ ಎನ್‌ರೋಲ್‌ಮೆಂಟ್ ಐಡಿ ವಿವರಗಳೊಂದಿಗೆ ನಿಮ್ಮ ಫೋನ್‌ನಲ್ಲಿ ನೀವು ಎಸ್ಎಮ್ಎಸ್ ಅನ್ನು ಸ್ವೀಕರಿಸುತ್ತೀರಿ. 

• ಹಂತ 10 : ಮುಂದೆ, ಈ ಅಪ್ಲಿಕೇಶನ್ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಪ್ರಿಂಟ್ ಮಾಡಿ.

• ಹಂತ 11 : ಅಂತಿಮವಾಗಿ, ಅಪ್ಲಿಕೇಶನ್ ಫಾರ್ಮ್‌ಗೆ ಸಹಿ ಮಾಡಿ. 

• ಹಂತ 12 : ಕೊನೆಯದಾಗಿ, ಸಹಿ ಮಾಡಿದ ಫಾರ್ಮ್ ಅನ್ನು ಸ್ಕ್ಯಾನ್ ಮಾಡಿ ಮತ್ತು ಅಪ್‌ಲೋಡ್ ಮಾಡಿ.

• ಹಂತ 13 : 'ಸಬ್ಮಿಟ್ ಅಪ್ಲಿಕೇಶನ್ ಫಾರ್ ಅಪ್ರುವಲ್' ಬಟನ್ ಮೇಲೆ ಕ್ಲಿಕ್ ಮಾಡಿ. ಇದು ನಿಮ್ಮ ಅಪ್ಲಿಕೇಶನ್‌ ಅನ್ನು ಅನುಮೋದಿಸಲು ಅನುಮತಿಸುತ್ತದೆ 

• ಹಂತ 14 : ಸಬ್ಮಿಶನ್ ಅನ್ನು ದೃಢೀಕರಿಸುವ ಎಸ್ಎಮ್ಎಸ್ ಅನ್ನು ನೀವು ಸ್ವೀಕರಿಸುತ್ತೀರಿ.

ಈಗ, ನೀವು ಎಸ್.ಟಿ.ಒ/ಎಪಿಒ ಮೂಲಕ ಅನುಮೋದನೆಗಾಗಿ ಕಾಯಬೇಕಾಗುತ್ತದೆ. ಇದೆಲ್ಲವೂ ಯಶಸ್ವಿಯಾಗಿ ಮುಗಿದಮೇಲೆ, ಪಿಂಚಣಿದಾರರು ಹೆಲ್ತ್ ಕಾರ್ಡ್ ತಯಾರಾಗಿದೆ ಎಂಬ ಸೂಚನೆಯನ್ನು ಸ್ವೀಕರಿಸುತ್ತಾರೆ. ಇದಾದ ನಂತರ, ನೀವದನ್ನು ಡೌನ್‌ಲೋಡ್ ಮಾಡಬಹುದು ಮತ್ತು ಬಳಸಬಹುದು.

ಇಜೆಹೆಚ್ಎಸ್-ನೋಂದಾಯಿತ ವ್ಯಕ್ತಿಗಳು ಹಣದ ವ್ಯವಸ್ಥೆಗಾಗಿ ಯಾವುದೇ ಪ್ರಕ್ರಿಯೆಯನ್ನು ಪ್ರಾರಂಭಿಸಬೇಕಾಗಿಲ್ಲ. ಹೀಗಾಗಿ, ನೆಟ್‌ವರ್ಕ್ ಆಸ್ಪತ್ರೆಗಳು ಹೆಲ್ತ್ ಟ್ರಸ್ಟ್‌ನೊಂದಿಗೆ ಕ್ಲೈಮ್‌ಗಳನ್ನು ಮಾಡುತ್ತದೆ. ಇದಲ್ಲದೆ, ಡಿಸ್ಚಾರ್ಜ್‌ನಿಂದ 10 ದಿನಗಳ ನಂತರ, ನೆಟ್‌ವರ್ಕ್ ಆಸ್ಪತ್ರೆಗಳು ಕ್ಲೈಮ್‌ಗಳನ್ನು ವಿಸ್ತರಿಸಬಹುದು. ಇಜೆಹೆಚ್ಎಸ್ ನ ಫಲಾನುಭವಿಗಳು ಉದ್ಯೋಗಿಗಳು ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಬಾಕಿಗಳನ್ನು ಪಡೆಯಲು ಯಾವುದೇ ಕ್ರಮವನ್ನು ತೆಗೆದುಕೊಳ್ಳಬೇಕಾಗಿಲ್ಲ

ಕೊನೆಯಲ್ಲಿ, ಇಜೆಹೆಚ್ಎಸ್ ಎನ್ನುವುದು ತೆಲಂಗಾಣ ಸರ್ಕಾರವು ಉದ್ಯೋಗಿಗಳು, ಪಿಂಚಣಿದಾರರು ಮತ್ತು ಪತ್ರಕರ್ತರಿಗಾಗಿ ಜಾರಿಗೊಳಿಸಿದ ಒಂದು ಹೆಲ್ತ್ ಇನ್ಶೂರೆನ್ಸ್ ಯೋಜನೆಯಾಗಿದೆ. ಉದ್ಯೋಗಿಗಳು ಮಾಡಿದ ಹೆಲ್ತ್ ಇನ್ಶೂರೆನ್ಸ್ ಕ್ಲೈಮ್‌ಗಳನ್ನು ವಿತರಿಸಲು ಉತ್ತಮ ವಿಧಾನವಾಗಿ ಇದನ್ನು ಪರಿಚಯಿಸಲಾಗಿದೆ.

ಉದ್ಯೋಗಿಗಳ ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್ ಬಗ್ಗೆ ಮತ್ತು ಉದ್ಯೋಗಿಗಳ ಮತ್ತು ಪತ್ರಕರ್ತರ ಹೆಲ್ತ್ ಸ್ಕೀಮ್‌ನ ಪ್ರಯೋಜನಗಳು ಯಾವುವು ಎಂಬುದು ನಿಮಗೀಗ ಸ್ಪಷ್ಟವಾಗಿದೆ ಎಂದು ನಾವು ಭಾವಿಸುತ್ತೇವೆ!