ಜೀವನದ ಅನಿರೀಕ್ಷಿತತೆಯಿಂದಾಗಿ, ಭವಿಷ್ಯದಲ್ಲಿ ಏನಡಗಿದೆ ಎಂಬುದನ್ನು ಊಹಿಸಲೂ ಕಷ್ಟವಾಗುತ್ತದೆ. ಕುಟುಂಬವನ್ನು ಪ್ರಾರಂಭಿಸುವ ವ್ಯಕ್ತಿಗಳು ಒಂದು ವೇಳೆ ತಮಗೆ ಯಾವುದೇ ಸಂದರ್ಭದಲ್ಲಿ ಕೆಲವು ದುರದೃಷ್ಟಕರ ಘಟನೆಗಳು ಸಂಭವಿಸಿದರೂ ಸಹ ತಮ್ಮ ಸಂಗಾತಿ, ಮಕ್ಕಳು, ಪೋಷಕರು ಮತ್ತು ಇತರ ಕುಟುಂಬ ಸದಸ್ಯರು ಆರ್ಥಿಕವಾಗಿ ಸುರಕ್ಷಿತವಾಗಿರುವುದನ್ನು ಖಾತ್ರಿಪಡಿಸಿಕೊಳ್ಳಬೇಕು.

ಉದಾಹರಣೆಗೆ, ಹಠಾತ್ ಕಾಯಿಲೆಯು ನಿಮ್ಮ ಆಯಸ್ಸನ್ನು ಕಡಿಮೆ ಮಾಡಬಹುದು, ಆ ಸಂದರ್ಭದಲ್ಲಿ ನಿಮ್ಮ ಕುಟುಂಬವು ಯಾವುದೇ ಜೀವನೋಪಾಯದ ಮಾರ್ಗವಿಲ್ಲದೆ ತೊಂದರೆಗೆ ಸಿಕ್ಕಿಹಾಕಿಕೊಳ್ಳುತ್ತದೆ.

ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳು ಅಥವಾ ವಿಶೇಷವಾಗಿ, ಟರ್ಮ್ ಇನ್ಶೂರೆನ್ಸ್ ಯೋಜನೆಗಳು ನಿಮ್ಮ ಪ್ರೀತಿಪಾತ್ರರನ್ನು ಅಂತಹ ಘಟನೆಗಳು ಎದುರಾದ ಸಂದರ್ಭದ ವಿರುದ್ಧ ರಕ್ಷಿಸುತ್ತವೆ. ನಿಮ್ಮ ಮರಣದ ಸಂದರ್ಭದಲ್ಲಿ ಈ ಪಾಲಿಸಿಗಳು ನಿಮ್ಮ ಕುಟುಂಬ ಸದಸ್ಯರಿಗೆ ದೊಡ್ಡ ಮೊತ್ತದ ಪರಿಹಾರವನ್ನು ಒದಗಿಸುತ್ತವೆ.

ಈ ಸಾವಿನ ಪ್ರಯೋಜನದೊಂದಿಗೆ, ನಿಮ್ಮ ಕುಟುಂಬದ ಸದಸ್ಯರು ಯಾವುದೇ ಹಣಕಾಸಿನ ಕೊರತೆಯನ್ನು ಎದುರಿಸದೆ ತಮ್ಮ ಜೀವನವನ್ನು ಮುಂದುವರಿಸಬಹುದು.

ಟರ್ಮ್ ಇನ್ಶೂರೆನ್ಸ್ ಯೋಜನೆಗಳು ನಿರ್ದಿಷ್ಟ ಪ್ರಕಾರದ ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳಾಗಿದ್ದು ಅಲ್ಲಿ ಸಿಗುವ ಸಾವಿನ ಪ್ರಯೋಜನವು ಏಕೈಕ ಅನುಕೂಲವಾಗಿದೆ.

ಬೇರೆ ವಿವಿಧ ಲೈಫ್ ಇನ್ಶೂರೆನ್ಸ್ ಯೋಜನೆಗಳಲ್ಲಿ ಪಾಲಿಸಿದಾರರು ಪಾಲಿಸಿ ಅವಧಿಯ ನಂತರ ಹೂಡಿಕೆಯ ಮೇಲೆ ಗಣನೀಯ ಲಾಭವನ್ನು ಪಡೆದುಕೊಳ್ಳುವ ಹಾಗೆ, ಟರ್ಮ್ ಇನ್ಶೂರೆನ್ಸ್ ಅಂತಹ ಯಾವುದೇ ಹೆಚ್ಚುವರಿ ಪ್ರಯೋಜನವನ್ನು ನೀಡುವುದಿಲ್ಲ.

ಅಂತಹ ಯೋಜನೆಯ ಅವಧಿಯಲ್ಲಿ ಸ್ವಾಭಾವಿಕ ಸಂದರ್ಭಗಳಿಂದ ಇನ್ಶೂರೆನ್ಸ್ ಮಾಡಿಸಿದ ವ್ಯಕ್ತಿಯು ಮರಣಹೊಂದಿದರೆ ಮಾತ್ರ ಅಂತಹ ಪಾಲಿಸಿಯನ್ನು ಒಬ್ಬರು ಕ್ಲೈಮ್ ಮಾಡಬಹುದು.

ಆದಾಗ್ಯೂ, ಪಾಲಿಸಿ ಅವಧಿ ಮುಗಿದ ನಂತರ ಸಾವು ಸಂಭವಿಸಿದರೆ, ನಾಮಿನಿಗಳು ವಿಮಾದಾರರಿಂದ ಯಾವುದೇ ಹಣಕಾಸಿನ ಪರಿಹಾರವನ್ನು ಪಡೆಯಲು ಸಾಧ್ಯವಿಲ್ಲ.

ಟರ್ಮ್ ಇನ್ಶೂರೆನ್ಸ್ ಪ್ಲಾನ್‌ನ ಪ್ರಾಥಮಿಕ ಅನುಕೂಲವೆಂದರೆ ಅವುಗಳೊಂದಿಗೆ ಲಿಂಕ್ ಮಾಡಲಾದ ಕಡಿಮೆ ಪ್ರೀಮಿಯಂಗಳು. ಅಷ್ಟೇ ಅಲ್ಲದೆ, ಅಂತಹ ಪಾಲಿಸಿಗೆ ಸಂಬಂಧಿಸಿದ ಮರಣದ ಲಾಭದ ಮೊತ್ತವು ಬೇರೆ ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳಿಗೆ ಹೋಲಿಸಿದರೆ ಗಮನಾರ್ಹವಾಗಿದೆ. ಹೆಚ್ಚುವರಿ ಪ್ರಯೋಜನಗಳು ಈ ರೀತಿ ಇವೆ:

• ಸ್ಟ್ಯಾಂಡರ್ಡ್ ಟರ್ಮ್ ಇನ್ಶೂರೆನ್ಸ್ ಪ್ಲಾನ್ ನೀಡುವ ಆರ್ಥಿಕ ರಕ್ಷಣೆಯನ್ನು ಹೆಚ್ಚಿಸಲು ಮಲ್ಟಿಪಲ್ ರೈಡರ್ಸ್ ಲಭ್ಯತೆ
• ಟರ್ಮ್ ಇನ್ಶೂರೆನ್ಸ್ ಪೂರೈಕೆದಾರರು ಧೂಮಪಾನ ಮಾಡದ ಪಾಲಿಸಿದಾರರಿಗೆ ಪ್ರೀಮಿಯಂ ಕಡಿಮೆ ಮಾಡುವುದು ಸೇರಿದಂತೆ ನವೀನ ವೈಶಿಷ್ಟ್ಯಗಳು ಮತ್ತು ರಿಯಾಯಿತಿಗಳನ್ನು ನೀಡುತ್ತವೆ.
• ಮದುವೆಯ ಸಮಯದಲ್ಲಿ ಅಥವಾ ನೀವು ಮೊದಲ ಬಾರಿಗೆ ಪೋಷಕರಾದಾಗ ನಿಮ್ಮ ಜೀವನದ ನಿರ್ಣಾಯಕ ಹಂತಗಳಲ್ಲಿ ನೀವು ಜೀವನದ ರಕ್ಷಣೆಯನ್ನು ಹೆಚ್ಚಿಸಬಹುದು.