ಬಹುತೇಕ ಜನರು ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ಬಂಡವಾಳ ಹೂಡಿಕೆಯ ಒಂದು ರೂಪವಾಗಿ ನೋಡುತ್ತಾರೆ. ಆದಾಗ್ಯೂ, ಈ ಯೋಜನೆಗಳು ಇನ್ಶೂರೆನ್ಸ್ ಮಾಡಿದ ವ್ಯಕ್ತಿಯು ಮರಣ ಹೊಂದಿದ ಮೇಲೆ ಗಮನಾರ್ಹವಾದ ಪಾವತಿಯನ್ನು ಸಹ ನೀಡುತ್ತವೆ.

ಆದ್ದರಿಂದ, ಅವಲಂಬಿತ ಕುಟುಂಬದ ಸದಸ್ಯರನ್ನು ಹೊಂದಿರುವ ವ್ಯಕ್ತಿಗಳು ಹಠಾತ್ ಮರಣದ ಸಂದರ್ಭದಲ್ಲಿಯೂ ಸಹ ತಮ್ಮ ಸಂಗಾತಿ, ಮಕ್ಕಳು, ವಯಸ್ಸಾದ ಪೋಷಕರು ಮತ್ತು ಒಡಹುಟ್ಟಿದವರುಗಳನ್ನು ಆರ್ಥಿಕವಾಗಿ ಸುರಕ್ಷಿತವಾಗಿರಿಸಿಕೊಳ್ಳಲು ಇಂತಹ ಆಕಸ್ಮಿಕ ಯೋಜನೆಗಳನ್ನು ಆರಿಸಿಕೊಳ್ಳಬೇಕಾಗುತ್ತದೆ.

ಲೈಫ್ ಇನ್ಶೂರೆನ್ಸ್ ಪಾಲಿಸಿದಾರನು ಯೋಜನೆಯ ರಕ್ಷಣಾ ಅವಧಿಯಲ್ಲಿ ಸಾವನ್ನಪ್ಪಿದರೆ, ಆತನ/ಆಕೆಯ ಕುಟುಂಬ ಸದಸ್ಯರು ಮರಣದ ಪ್ರಯೋಜನವನ್ನು ಪಡೆಯಬಹುದು.

ಹಾಗೆ ಮಾಡುವುದರಿಂದ ಒಂದು ದೊಡ್ಡ ಮೊತ್ತದ ಆರ್ಥಿಕ ಪ್ರಯೋಜನ ಸಿಕ್ಕಂತಾಗುತ್ತದೆ, ಅದನ್ನು ಬಳಸಿಕೊಂಡು ಉಳಿದಿರುವ ಕುಟುಂಬ ಸದಸ್ಯರು ಆರಾಮದಾಯಕ ಜೀವನ ನಡೆಸಬಹುದು. ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ವಿವಿಧ ಲೈಫ್ ಇನ್ಶೂರೆನ್ಸ್ ಕಂಪನಿಗಳು ಈ ಯೋಜನೆಗಳನ್ನು ಒದಗಿಸುವ ಮತ್ತು ಅವು ಬೆಳೆದಾಗ ಕ್ಲೈಮ್‌ಗಳನ್ನು ಇತ್ಯರ್ಥಗೊಳಿಸುವ ಜವಾಬ್ದಾರಿಯನ್ನು ಹೊಂದಿವೆ.

ಲೈಫ್ ಇನ್ಶೂರೆನ್ಸ್ ಕಂಪನಿಯು ತನ್ನ ಗ್ರಾಹಕರಿಗೆ ವೈವಿಧ್ಯಮಯ ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳನ್ನು ರಚಿಸುವ ಸಂಸ್ಥೆಯಾಗಿದೆ. ಪಾಲಿಸಿದಾರರು ವಿಮಾ ಕಂಪನಿಗೆ ಪ್ರೀಮಿಯಂ ಅನ್ನು ಪಾವತಿಸುತ್ತಾರೆ, ಇದು ಇತರ ಪ್ರಯೋಜನಗಳು ಮತ್ತು ಅಂಶಗಳೊಂದಿಗೆ ಆಯ್ಕೆ ಮಾಡಿದ ಕವರೇಜ್‌ಗಾಗಿ ಇನ್ಶೂರೆನ್ಸ್ ಮೊತ್ತದಿಂದ ನಿರ್ಧರಿಸಲ್ಪಡುತ್ತದೆ. ಲೈಫ್ ಇನ್ಶೂರೆನ್ಸ್ ಕಂಪನಿಯು ತನ್ನ ಗ್ರಾಹಕರು ಸಲ್ಲಿಸುವ ಎಲ್ಲಾ ಕ್ಲೈಮ್‌ಗಳನ್ನು ನಿರ್ವಹಿಸಬೇಕಾಗುತ್ತದೆ.

ಕ್ಲೈಮ್ ಸಲ್ಲಿಸಿದ ನಂತರ ಆರ್ಥಿಕ ಪರಿಹಾರ ನೀಡುವ ಮೊದಲು, ಲೈಫ್ ಇನ್ಶೂರೆನ್ಸ್ ಕಂಪನಿಗಳು ಪಾಲಿಸಿದಾರರ ಸಾವಿಗೆ ಸಂಬಂಧಿಸಿದ ಎಲ್ಲಾ ಮಾಹಿತಿ ಮತ್ತು ಸಂದರ್ಭಗಳನ್ನು ಪರಿಶೀಲಿಸಬೇಕಾಗುತ್ತದೆ. ಅಪಘಾತ ಅಥವಾ ಆತ್ಮಹತ್ಯೆಯಿಂದ ಉಂಟಾದ ಸಾವನ್ನು ಲೈಫ್ ಇನ್ಸೂರೆನ್ಸ್ ರಕ್ಷಣೆಯಿಂದ ಹೊರಗಿರಿಸಲಾಗುತ್ತದೆ.

ಹೀಗಾಗಿ, ಈ ಎರಡೂ ಕಾರಣಗಳಿಂದ ಒಂದು ವೇಳೆ ಪಾಲಿಸಿದಾರನು ಮರಣ ಹೊಂದಿದರೆ, ಆತನ/ಆಕೆಯ ಕುಟುಂಬ ಸದಸ್ಯರು ವಿಮಾದಾರ ಲೈಫ್ ಇನ್ಶೂರೆನ್ಸ್ ಪಾಲಿಸಿಯಿಂದ ಮರಣದ ಪ್ರಯೋಜನವನ್ನು ಪಡೆಯಲು ಅನರ್ಹರಾಗುತ್ತಾರೆ.

ಭಾರತದಲ್ಲಿ ಲಭ್ಯವಿರುವ ಕೆಲವು ಸಾಮಾನ್ಯ ವಿಧದ ಲೈಫ್ ಇನ್ಶೂರೆನ್ಸ್ ಪಾಲಿಸಿಗಳು ಈ ಕೆಳಗಿನಂತಿವೆ:

•   ಯುನಿಟ್ ಲಿಂಕ್ಡ್ ಇನ್ಶೂರೆನ್ಸ್ ಯೋಜನೆಗಳು
•  ಟರ್ಮ್ ಲೈಫ್ ಇನ್ಶೂರೆನ್ಸ್
•  ಎಂಡೋಮೆಂಟ್ ಯೋಜನೆಗಳು
•  ಸಂಪೂರ್ಣ ಲೈಫ್ ಇನ್ಶೂರೆನ್ಸ್
•  ಮನಿ-ಬ್ಯಾಕ್ ಪಾಲಿಸಿ
•  ನಿವೃತ್ತಿ ಯೋಜನೆ
•  ಚೈಲ್ಡ್ ಪ್ಲಾನ್

ಇವು ಏಳು ವಿವಿಧ ಲೈಫ್ ಇನ್ಶೂರೆನ್ಸ್ ಪಾಲಿಸಿ ಪ್ರಕಾರಗಳಾಗಿವೆ, ಪ್ರತಿಯೊಂದೂ ವಿವಿಧ ಅವಶ್ಯಕತೆಗಳು ಮತ್ತು ಷರತ್ತುಗಳನ್ನು ಪೂರೈಸಲು ಸಜ್ಜಾಗಿವೆ.

ನೀವು ಜೀವನದಲ್ಲಿ ನಿಮ್ಮ ಪ್ರಸ್ತುತ ಪರಿಸ್ಥಿತಿಯನ್ನು ಅವಲೋಕಿಸಿ ಮೇಲೆ ತಿಳಿಸಿದ ಪಾಲಿಸಿಗಳಲ್ಲಿ ಯಾವುದು ನಿಮ್ಮ ಅಗತ್ಯಗಳಿಗೆ ಸೂಕ್ತವಾದುದು ಎಂಬುದನ್ನು ನಿರ್ಧರಿಸಬಹುದು.