ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಇನ್ಫಾರ್ಮೇಶನ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್ (ಇಐಸಿಎಸ್) (ಸಾಮಾನ್ಯವಾಗಿ ಕೇವಲ ಈಕ್ವಿಫ್ಯಾಕ್ಸ್ ಎಂದು ಕರೆಯಲ್ಪಡುತ್ತದೆ) ಭಾರತೀಯ ರಿಸರ್ವ್ ಬ್ಯಾಂಕ್ ಪರವಾನಗಿ ನೀಡಿರುವ ನಾಲ್ಕು ಕ್ರೆಡಿಟ್ ಬ್ಯುರೋಗಳಲ್ಲಿ ಒಂದಾಗಿದೆ. ಈಕ್ವಿಫ್ಯಾಕ್ಸ್ ಅನ್ನು 2010 ರಲ್ಲಿ ಆರಂಭಿಸಲಾಯಿತು ಹಾಗೂ ಇದು ಈಕ್ವಿಫ್ಯಾಕ್ಸ್ ಇಂಕ್. ಯುಎಸ್ಎ ಮತ್ತು ಭಾರತದ ಹಲವಾರು ಅಗ್ರಸ್ಥಾನೀಯ ಹಣಕಾಸಿನ ಸಂಸ್ಥೆಗಳೊಂದಿಗೆ ಜಂಟಿ ಉದ್ಯಮವನ್ನು ಹೊಂದಿದೆ. ಇವುಗಳಲ್ಲಿ, ಬ್ಯಾಂಕ್ ಆಫ್ ಬರೋಡಾ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಕೊಟಾಕ್ ಮಹಿಂದ್ರಾ ಪ್ರೈಮ್ ಲಿಮಿಟೆಡ್, ಬ್ಯಾಂಕ್ ಆಫ್ ಇಂಡಿಯಾ, ಸುಂದರಂ ಫೈನಾನ್ಸ್ ಲಿಮಿಟೆಡ್, ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಮತ್ತು ರೆಲಿಗೇರ್ ಫಿನ್ವೆಸ್ಟ್ ಲಿಮಿಟೆಡ್, ಸೇರಿವೆ.

ಇತರ ಬ್ಯೂರೋಗಳ ಹಾಗೆ, ಈಕ್ವಿಫ್ಯಾಕ್ಸ್ ಬ್ಯಾಂಕ್ ಹಾಗೂ ಇತರ ಹಣಕಾಸಿನ ಸಂಸ್ಥೆಗಳಿಂದ ಕ್ರೆಡಿಟ್ ಮಾಹಿತಿಯನ್ನು ಪಡೆಯುತ್ತದೆ ಮತ್ತು ಈ ಮಾಹಿತಿಯನ್ನು ಬಳಸಿ ಕ್ರೆಡಿಟ್ ಸ್ಕೋರ್, ಕ್ರೆಡಿಟ್ ಮಾಹಿತಿ ವರದಿಗಳು, ಹಾಗೂ ಇತರ ಸೇವೆಗಳನ್ನು ತಯಾರಿಸುತ್ತದೆ.

ಒಬ್ಬ ವ್ಯಕ್ತಿಯ ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಸ್ಕೋರ್ 300 ರಿಂದ 900 ಮಧ್ಯದ ಒಂದು ಮೂರು ಡಿಜಿಟ್ ಸಂಖ್ಯೆಯಾಗಿದ್ದು ಇದು ಅವರ ಕ್ರೆಡಿಟ್ ಹಿಸ್ಟರಿಯ ಸಾರಾಂಶವನ್ನು ನೀಡುತ್ತದೆ. ಇದನ್ನು ಬ್ಯಾಂಕ್ ಹಾಗೂ ಹಣಕಾಸಿನ ಸಂಸ್ಥೆಗಳಾದ ಕ್ರೆಡಿಟ್ ಸಾಲದಾತರು ಒದಗಿಸುವ ಮಾಹಿತಿಯನ್ನು ಬಳಸಿ ಲೆಕ್ಕಾಚಾರ ಮಾಡಲಾಗುತ್ತದೆ. ಈ ಮಾಹಿತಿಯನ್ನು ಒಂದು ಹೆಚ್ಚು ಕಾಂಪ್ರಹೆನ್ಸಿವ್ ಕ್ರೆಡಿಟ್ ಮಾಹಿತಿ ವರದಿಯಾಗಿಯೂ ಸಂಗ್ರಹಿಸಲಾಗುತ್ತದೆ.

ಈ ವರದಿಯು, ಒಬ್ಬ ವ್ಯಕ್ತಿಯ ಎಲ್ಲಾ ಸಾಲ ಹಾಗೂ ಕ್ರೆಡಿಟ್ ಕಾರ್ಡ್, ಅವರ ಪಾವತಿ ಇತಿಹಾಸ, ಮತ್ತು ಅವರಿಗೆ ಕ್ರೆಡಿಟ್ ಕಾರ್ಡ್ ಅಥವಾ, ಅವರಿಗೆ ಸಾಲ ನೀಡಿರುವ ಸಾಲದಾತರಿಂದ ಸಂಗ್ರಹಿಸಿರುವ ವೈಯಕ್ತಿಕ ಗುರುತಿನ ಮಾಹಿತಿಯ ಸಾರಾಂಶವನ್ನು ಒಳಗೊಂಡಿರುತ್ತದೆ.

ಒಂದು ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಸ್ಕೋರ್ ಒಬ್ಬ ವ್ಯಕ್ತಿಯ ಕ್ರೆಡಿಟ್ ಅರ್ಹತೆಯನ್ನು ಸೂಚಿಸುತ್ತದೆ. ಮುಖ್ಯವಾಗಿ, ಒಂದು ಉತ್ತಮ ಸ್ಕೋರ್ ಒಬ್ಬ ವ್ಯಕ್ತಿಯು ಬಿಲ್ ಹಾಗೂ ಸಾಲಗಳ ಒಳ್ಳೆಯ ಇತಿಹಾಸ ಹೊಂದಿದ್ದಾರೆ ಎಂದು ಸಂಭಾವ್ಯ ಸಾಲದಾತರಿಗೆ ತಿಳಿಸುತ್ತದೆ, ಹಾಗೂ ಅವರ ಸಾಲದ ಅಪ್ಲಿಕೇಶನ್ ಅನ್ನು ಅನುಮೋದಿಸಬೇಕೇ ಬೇಡವೇ ಎಂದು ನಿರ್ಧರಿಸಲು ಸಹಾಯ ಮಾಡುತ್ತದೆ.

ಕ್ರೆಡಿಟ್ ಸ್ಕೋರ್ ಒಬ್ಬ ವ್ಯಕ್ತಿಯ ಕ್ರೆಡಿಟ್ ಅರ್ಹತೆಯನ್ನು ನಿರ್ಧರಿಸುವ ಪ್ರಮುಖ ಅಂಶಗಳಲ್ಲಿ ಒಂದಾಗಿದೆ, ಹಾಗೂ ಇದನ್ನು ಬ್ಯಾಂಕ್ ಮತ್ತು ಸಾಲದಾರ ಸಂಸ್ಥೆಗಳಿಗೆ ಒಬ್ಬ ವ್ಯಕ್ತಿಯ ಬಗ್ಗೆ ಹಣಕಾಸಿನ ನಿರ್ಧಾರಗಳನ್ನು ಮಾಡಲು ಸಹಾಯ ಮಾಡುತ್ತದೆ.

ಈ ಸ್ಕೋರ್ ಅನ್ನು ಒಬ್ಬ ವ್ಯಕ್ತಿಯ ಕ್ರೆಡಿಟ್ ಹಿಸ್ಟರಿ, ಸಾಲಗಳು, ಕ್ರೆಡಿಟ್ ಕಾರ್ಡ್ ಪಾವತಿಗಳು, ಬೇಪಾವತಿ ಮುಂತಾದವುಗಳನ್ನು ಬಳಸಿ ಆಲ್ಗಾರಿದ್ಮ್ ಗಳ ಮೂಲಕ ಲೆಕ್ಕಾಚಾರ ಮಾಡುವುದರಿಂದ, ಅವರು ಸಾಲ ಮತ್ತು ಕ್ರೆಡಿಟ್ ಗಳಲ್ಲಿ ಬೇಪಾವತಿ ಮಾಡಬಹುದಾದ ಸಾಧ್ಯತೆಯನ್ನು ಇದು ಪ್ರತಿಬಿಂಬಿಸುತ್ತದೆ. ಸಾಮಾನ್ಯವಾಗಿ, ಸಾಲದಾತರು ಉತ್ತಮ ಸ್ಕೋರ್ ಗಳನ್ನು ಹೊಂದಿರುವ ಸಾಲಗಾರರಿಗೆ ಆದ್ಯತೆ ನೀಡುತ್ತಾರೆ(ಅಂದರೆ ಸಮಯದ ಮರುಪಾವತಿಯ ಸುದೀರ್ಘ ಇತಿಹಾಸ ಹಾಗೂ ಉತ್ತಮ ಹಣಕಾಸಿನ ನಿರ್ಧಾರಗಳು).

ಆದ್ದರಿಂದ, ಉತ್ತಮ ಸ್ಕೋರ್ ಹೊಂದಿರುವವರು ಉತ್ತಮ ಬಡ್ಡಿ ದರವನ್ನು ಪಡೆಯುತ್ತಾರೆ, ಹಾಗೂ ಇದು ಅವರಿಗೆ ಉತ್ತಮ ಸಾಲದ ಒಪ್ಪಂದದ ಮಾತುಕತೆ ನಡೆಸುವ ಹಾಗೂ ಇನ್ನೂ ಹಲವು ಅಧಿಕಾರಗಳನ್ನು ನೀಡುತ್ತದೆ. ಇದನ್ನು ಖಚಿತಪಡಿಸಲು ಪ್ರತಿಯೊಬ್ಬ ವ್ಯಕ್ತಿಯೂ ಅವರ ಸ್ಕೋರ್ ಮೇಲೆ ಪರಿಣಾಮ ಬೀರುವ ಅಂಶಗಳ ಬಗ್ಗೆ ತಿಳಿದಿರಬೇಕು, ಹಾಗೂ ಒಳ್ಳೆಯ ಸ್ಕೋರ್ ಅನ್ನು ಕಾಪಾಡಿಕೊಳ್ಳಲು ಪ್ರಯತ್ನಿಸಬೇಕು.

ಪ್ರಸ್ತುತ, ಕಂಪೆನಿಯಿಂದ ನೇರವಾಗಿ ಅವರ ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಸ್ಕೋರ್ ಮತ್ತು ವರದಿಯನ್ನು ಪಡೆಯಲು, ನೀವು ಒಂದು ಫಾರ್ಮ್ ಅನ್ನು ಭರ್ತಿ ಮಾಡಿ ಅದನ್ನು ಕೊರಿಯರ್, ಪೋಸ್ಟ್ ಅಥವಾ ಇಮೇಲ್ ಮೂಲಕ ಕಳಿಸಬೇಕಾಗುತ್ತದೆ.

ಆರ್‌ಬಿಐ, ಕಡ್ಡಾಯಗೊಳಿಸಿರುವಂತೆ, ಎಲ್ಲಾ ಬಳಕೆದಾರರು ಪ್ರತೀ ವರ್ಷ ಒಂದು ಉಚಿತ ಕ್ರೆಡಿಟ್ ರಿಪೋರ್ಟ್ ಪಡೆಯಲು ಅರ್ಹರಾಗಿರುತ್ತಾರೆ. ಒಂದು ಕ್ಯಾಲೆಂಡರ್ ವರ್ಷದಲ್ಲಿ ಒಂದಕ್ಕಿಂತ ಹೆಚ್ಚು ಬಾರಿ ಕ್ರೆಡಿಟ್ ರಿಪೋರ್ಟ್ ಅನ್ನು ಪಡೆಯಲು, ನೀವು ಒಂದು ಸಣ್ಣ ಶುಲ್ಕವನ್ನು ಭರಿಸಬೇಕಾಗುತ್ತದೆ.

ನೀವು ಇಲ್ಲಿ ನೀಡಿರುವ ಹಂತಗಳನ್ನು ಅನುಸರಿಸಬಹುದಾಗಿದೆ:

• ಹಂತ 1: ಈಕ್ವಿಫ್ಯಾಕ್ಸ್ ವೆಬ್ಸೈಟ್ ನಲ್ಲಿ ಕ್ರೆಡಿಟ್ ರಿಪೋರ್ಟ್ ರಿಕ್ವೆಸ್ಟ್ ಫಾರ್ಮ್ ಅನ್ನು ಭರ್ತಿ ಮಾಡಿ. 

• ಹಂತ 2: ನಿಮ್ಮ ಗುರುತಿನ ಪುರಾವೆ(ವೋಟರ್ಸ್ ಐಡಿ, ಡ್ರೈವಿಂಗ್ ಲೈಸನ್ಸ್, ಪಾಸ್‌ಪೋರ್ಟ್‌ ಕಾಪಿ, ಅಥವಾ ಪ್ಯಾನ್ ಕಾರ್ಡ್) ಮತ್ತು ವಿಳಾಸದ ಪುರಾವೆ(ವಿದ್ಯುತ್ ಬಿಲ್, ಫೋನ್ ಬಿಲ್, ಬ್ಯಾಂಕ್ ಸ್ಟೇಟ್ಮೆಂಟ್, ರೇಶನ್ ಕಾರ್ಡ್, ಅಥವಾ ಬಾಡಿಗೆ ಒಪ್ಪಂದ) ಯ ಸ್ವ-ದೃಢೀಕೃತ ಪ್ರತಿಯನ್ನು ಲಗತ್ತಿಸಿ.

• ಹಂತ 3: ನೀವು ಪಾವತಿ ಮಾಡಿದ ಕ್ರೆಡಿಟ್ ರಿಪೋರ್ಟ್ ಅನ್ನು ಪಡೆಯುಬೇಕೆಂದಿದ್ದರೆ, " ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಇನ್ಫರ್ಮೇಷನ್ ಸರ್ವಿಸಸ್ ಪ್ರೈವೇಟ್ ಲಿಮಿಟೆಡ್" ಹೆಸರಿನಲ್ಲಿ ಒಂದು ಡಿಡಿ ಯನ್ನು ಲಗತ್ತಿಸಿ. ಇದು ₹138 ಮತ್ತು( ಕೇವಲ ಕ್ರೆಡಿಟ್ ರಿಪೋರ್ಟ್ ಗೆ) ₹472 ಆಗಿರುತ್ತದೆ (ಕ್ರೆಡಿಟ್ ರಿಪೋರ್ಟ್ ಮತ್ತು ಕ್ರೆಡಿಟ್ ಸ್ಕೋರ್ ಎರಡಕ್ಕೆ). 

• ಹಂತ 4: ಮೇಲೆ ನೀಡಲಾದ ಡಾಕ್ಯುಮೆಂಟುಗಳನ್ನು ಕೊರಿಯರ್, ಪೋಸ್ಟ್, ಅಥವಾ ಈಮೇಲ್ ಮೂಲಕ ಕಳಿಸಿ. 

• ಈ-ಮೇಲ್ ಮೂಲಕ ಕಳಿಸುವುದಾದರೆ, ಸ್ಕ್ಯಾನ್ ಮಾಡಲಾದ ಡಾಕ್ಯುಮೆಂಟುಗಳನ್ನು ecissupport@equifax.comಗೆ ಕಳಿಸಿ

• ಪೋಸ್ಟ್ ಮೂಲಕ ಕಳುಹಿಸಲು ಬಯಸಿದರೆ, ಡಾಕ್ಯುಮೆಂಟುಗಳನ್ನು ಇಲ್ಲಿಗೆ ಕಳುಹಿಸಿ:

ಗ್ರಾಹಕ ಸೇವಾ ತಂಡ - ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಮಾಹಿತಿ ಸರ್ವಿಸಸ್ ಲಿಮಿಟೆಡ್, 931, 3ನೇ ಮಹಡಿ, ಬಿಲ್ಡಿಂಗ್ 9, ಸಾಲಿಟೈರ್ ಕಾರ್ಪೊರೇಟ್ ಪಾರ್ಕ್, ಅಂಧೇರಿ ಘಾಟ್ಕೊಪರ್ ಲಿಂಕ್ ರಸ್ತೆ, ಮೀರಾಡೋರ್ ಹೋಟೆಲ್ ಎದುರು
ಅಂಧೇರಿ ಈಸ್ಟ್, ಮುಂಬೈ- 400 093

ನೀವು ನಿಮ್ಮ ಈಕ್ವಿಫ್ಯಾಕ್ಸ್ ಕ್ರೆಡಿಟ್ ಸ್ಕೋರ್ ಅನ್ನು ಆನ್‌ಲೈನ್‌ ಥರ್ಡ್ ಪಾರ್ಟಿ ವೇದಿಕೆಗಳ ಮೂಲಕವೂ ಪಡೆಯಬಹುದಾಗಿದೆ, ಉದಾಹರಣೆಗೆ ಕ್ರೆಡಿಟ್ ಮಂತ್ರಿ ಆಪ್ ,ಕ್ರೆಡಿಟ್ಸ್ಮಾರ್ಟ್, ಅಥವಾ ಇಟಿಮನಿ.